¹ Yesu wanjilile nyikupalika ndusu mu Yeliku. ² Kumanyi , kwapwile lunga jina yenyi Zakeu. ³ Wafupile kumona Yesu chize apwa , alyoze kakahashile mumu ya mbunga , mumu wapwile mwihi . ⁴ Iye wazombokele kulutwe lya atu nyi kunyina ku mutondo wa musuwa , mumu Yesu mapalika mu tapalo lize . ⁵ Muze Yesu aheteleko , watalile kwilu nyi kuhanjika kuli yiye ngwenyi , '' Zakeu , sunuka nyi kawashi , mumu musono changutamba kutwama ku zuwo lye .'' ⁶ Iye wazombokele nyi kusunuka nyi kumutambwila nyi kuwaha. ⁷ Muze eswe achimwene achi, eswe anyengetele , nyi kuhanjika ngwo , '' Haya nyi kutula ku zuwo lya lunga yoze wapwa chivulumunyi. ⁸ Zakeu wamanyine nyi kuhanjika kuli Mwene ngwenyi , '' Tala , Mwene , chihanda cha hakachi cha yikumba yami ngunahane kuli atu akuyanda , kachi mungumuhilwishila iye yisuwo yiwana.'' ⁹ Yesu wambile kuli iye ngwenyi , '' Musono ulamwino hiweza ku zuwo lino , mumu iye neye hi mwana wa Apalahama . ¹⁰ Mumu mwe mwana mutu wejile nyi kufupa nyi kulamwina atu waze hanatoko. ¹¹ Muze avwile yino yuma , watwalilile nyi kuhanjika nyi kuta chishimi , mumu wapwile kukamwihi nyi Yelusaleme , nyi ayo ashingenyekene ngwo wanangana wa Zambi himuuheta hazehene . ¹² Keshika wambile ngwenyi, '' umwe mutu mulemu wayile ku chifuchi kusuku mukutambula wanangana nyi kuhiluka. ¹³ Iye watambikile kumi lya ndungo jenyi nyi kuwaha kumi lya mbongo nyi kuwambila ngwo , ' sepenu najo ndo ngukahiluke.' ¹⁴ ''Alyoze enya chifuchi chenyi amujinjile nyi kutuma tunganda kunyima yenyi, ngwo , kutusolo yono lunga kutuyula.' ¹⁵ Mba muze te hahiluka , se hatambula wanangana , wambile atambike ndungo waze ahele mbongo hanga eze kuli iye , hanga anyingike chize mweswe wafumbwile ha kesepa. ¹⁶ Mutangu wejile ku meso jenyi , ngwenyi ,' Mwene , mbongo jenu hanafumu kumi liko nawa lya mbongo .' ¹⁷ ''Mutu mulemu wambile kuli yiye ngwenyi , ' walinga kanawa , ndungo mupema . Mumu wapwile waumwenemwene ha yikehe, kumukapwa nyi chiyulo ha membo kumi.' ¹⁸ '' Wamuchali wejile , ngwenyi , ' mbongo jenu Mwene , hanafumbuka mbongo jitano.' ¹⁹ ''Wambile kuli iye nawa ngwenyi , pwako nawa nyi chiyulo ha membo atano.' ²⁰ ''Mukwo wejile , ngwenyi , Mwene , tala yono lumbungo lwe, lwenalo nafungile nyi kutulika kanawa mu hina , ²¹ mumu nevwile woma wa yena , mumu uli mutu mukalu . Wakwanda yize kuwaselemo , nyi wakuchiza muze ku wakakuwile.' ²² Yamba kuli yiye ngwenyi , ' mukanwa lye yena mwene mungukupatwila , yena ndungo mupi. Yena wanyingikine ngwe nguli mutu mukalu, nyi kwanda chize kungwatumbikile , nyi kuchiza chize cha kuwile . ²³ Mba kuchi te kevwe kwahanyine mbongo jami kuli akwa kusumbakenya , ha kwiza chami kachi hinajitambula nyi mbwezo?' ²⁴ Iye wambile kuli waze amanyineko ngwenyi chizenu kuli yiye lumbongo , numuhane kuli yoze uli nyi kumi lya mbongo .' ²⁵ ''O ambile kuli yiye ngwo , ' Mwene , kumi lya mbongo kali najo. ²⁶ ''Ngunambe kuli yena ngwami , mweswe ukwete kumakamwaha nyi yiko , alyoze yoze keshi nacho , chipwe chize ali nacho kumakamutambula. ²⁷ Alyoze wano akwa kole jami, waze kazangile yami ngwayule , anehenu kuno nwashihe kumeso jami.''' ²⁸ Muze te hamba yino yuma watwalilile kuya kulutwe , kuya ku Yelusaleme. ²⁹ Shimbu machikundama ku Mbetefweje nyi Mbetanyi , ha mulundu uze jina lya Olevwe, watumine aali tumbaji twenyi , ³⁰ ngwenyi '' Yenu mu chihunda chinakaulaho. Muze mununjila , munu kawana chimbulu hali iye nyiumwe kanda achitwamaho . Nukamujitule nyi kumuneha kuli yami . ³¹ Nyi kachi umwe manuhula ngwo , ' yika nunamujitwila ?' Ambenu ngwenu , ' Mwene kanamufupu.''' ³² Waze atumine ayile nyi kuwana chimbulu ngwe muze Mwene Yesu ambile kuli ayo . ³³ Muze apwile nyi kujitula chimbulu , ene ambile kuli ayo ngwo , '' Yika munajitwila chimbulu?'' ³⁴ Ambile ngwo , '' Mwene kanamufupu .'' ³⁵ Amunehene kuli Yesu , asele mahina jo hali chimbulu nyi Yesu yatwamaho . ³⁶ Shimbu machiya , alile mahina jo ku jila. ³⁷ Shimbu machikundama ku kupalumuka cha mulundu wa Olivwe , chizasvu cheswe cha tumbaji twenyi aputukile kuwahilila nyi kuhalisa Zambi nyi liji linene ha yipupu yize yeswe amwene , ³⁸ ngwo , '' kawaha kuli mwanangana yoze meza mu jina lya Mwene ! sambukila mwilu nyi uhenya mwilu mwahyana,'' ³⁹ Mba amwe a ku A-Fwaliseu a mumbunga ambile kuli iye ngwo , '' Longeshi kanyisa tumbaji twe. ⁴⁰ Yesu wakumbulwile nyi kuhanjika ngwo , '' Ngunanwambulwila ngwami , kachi wano mahola , mawe makololoka. ⁴¹ Muze Yesu akundamine ku limbo , walililileko , ⁴² ngwenyi , kachi wanyingikine hali lino tangwa, nyiyena , yuma ya kununehena sambukila ! Alyoze halyapwila yinaswama ku meso jenu. ⁴³ Mumu matangwa kumakeza hali yena muze akwa kole je makakulumbika malmavu ha kukujingilika malumbu wa mavu ha kukunjingilika makakuseleka makakukwata ha malumbu eswe . ⁴⁴ Kumakakupuzula hashi , nyi ana je muli yena . Kechi kahichika liwe limuwika hali liwe likwo mumu kuwakanyingikine shimbu kye ya kukutambukila.'' ⁴⁵ Yesu wanjilile mu tembele nyi kutuhwisa waze akwa kulandulwisa , ⁴⁶ Kuhanjika ngwenyi kuli ayo , '' chinasonewa ngwo , ' zuwo lyami kumulikapwa zuwo lya kulembela ,' alyoze hinunalyalumuna chivwenge cha mihuza.'' ⁴⁷ Yesu wapwile nyikulongesa tangwa lyeswe mu tembele . Asasendotea kwa lutwe afupile kumushaha , muze apwile akwa lutwe ja atu ⁴⁸ alyoze kakawanyine chize mahasa kulinga mumu atu eswe amupanjikile nyi mbunge yeswe.