¹ Yesu wambile kuli tumbaji twenyi ngwenyi , '' wumwenemwene mukukapwa yitalangiso , alyoze lamba kuli yoze mayineha ! ² Chinawaha ajichike liwe lya kutwa nalyo hakota yenyi amumbilile mukalunga - lwiji kuchina makatalangisako wano akehe. ³ Kanyamenu kuli yenwene . Nyi ndumbwe mavulumuna , mutenukine , nyi malikonyeka , umukonekene . ⁴ Nyi ma kuvulumuna yisuho shimbyali ha tangwa , nyi yisuho shimbyali mahilukilaho nawa , ngwenyi , nali konyeka , unatela kumukonekena!'' ⁵ Tumbaji ambile kuli Mwene , '' ngwo tuwezelenuko wufulyelo wetu.'' ⁶ Mwene wambile ngwenyi , '' Kachi munupwa nyi wufulyelo ngwe lumbuto lwa lumona lya mosetate , kachi munu hanjikila mutondo wa mu malumbenyi , ' tukuka , ukalitumbe mu kalunga -lwiji , newo muwuka kwivwila . ⁷ Alyoze yiya hali yenu , mapwa nyi ndungo yenyi kana lime mu wande hanji kana fungu mapanga mahanjika kuli iye muze meza kuzuwo kufuma kuwande , ' tweya washi - wasi utwame hashi hanga ulye '? ⁸ Alyoze makamba kuli yiye ngwo , ' ngu wahishileko yimwe ngu lye , likase muya wungu wahishile kulya hanga ngu lye nyi kunwa . Mba kulutwe mukalya nyi kunwa'? ⁹ Kahashile kusakwilila ndungo mumu hakumwamba , kanakalinga nyi ? ¹⁰ Chizechene nyi yenu nawa , muze hinwalinga yuma yeswe yize amulweza kulinga ,munwamba ngwo '' tuli ndungo amokomoko . Hitwazata milimo chizechene yapwa milimo yetu.'' ¹¹ Shimbu yahetele yakuya ku Yelusaleme , wapalikile mujinjiza ja samaliya nyi ngalileya . ¹² Muze anjilile mu chihunda chimwe , wa liwanyine nyi malunga kumi apwile nyi mbumba . Ayo amanyine kusuku nyi yiye . ¹³ O atambakanyine ,nyi kwamba ngwo , '' Yesu , mwata , twivwile kee.'' ¹⁴ Muze aamwene , wambile kuli ayo ngwenyi , '' Yenu mukalilweza kuli tu Pilishitu . '' Muze ayile kana katomesewa .'' ¹⁵ Mba muze umwe muli ayo alimwene ngwo haukiwa , wa hilukile kunyima nyi, liji linene wa halishile Zambi . ¹⁶ Iye waholokele nyi kulyumba ku molu ja Yesu , nyi kuhana kusakwila . Auno kapwile ka Samaliya. ¹⁷ Mba Yesu ngwenyi , '' Kuma hi kumiko ana katomesewa? Mba livwa kuliko ali ? ¹⁸ Kuhakapwile nyi umwe waku hiluka nyi kuya nyi ku halisa Zambi , ndo lume auze ngize? '' ¹⁹ Wambile kuli iye ngwenyi, '' Katuka kwe , uye . Ufulyelo we hiwakupwisa kupwa kanawa. ²⁰ Muze mafwaliseu amuhulishile tangwa wanangana wa Zambi muwiza , Yesu wakumbulwile ngwo, '' Wanangana wa Zambi uchikeza nyi eswe akaumone ka. ²¹ Chipwe eswe akambe ngwo , ' Talenu , kuno , ' hanji , 'Talenu kuze!' mba talenu , wanangana wa Zambi mukachi kenu uuli.'' ²² Yiye wambile kuli tumbaji twenyi ngwenyi , '' Matangwa kumakeza muze munu kapwa nyi pwila ya kumona mwe mwana mutu , alyoze kunuchi kalimona . ²³ O makamba kuli yenu ngwo , ' talenu , kuze ! hanji talenu , kuno ! ' kanda nukaya chipwe kanda nukakaulu , ²⁴ chizechene ngwe muhenyo wakuhenya wakutemuka sali nyi sali ya malilu , chenacho nyi mwana wa mutu muli alino tangwa . ²⁵ Alyoze chitangu hakuputuka katela kuyanda muyuma yinji mukumukana muchisemuko chino. ²⁶ Chizechene ngwe chapwile mumatangwa a Nowa , chenacho nawa muchikapwa hamatangwa a mwana Mutu . ²⁷ Alile , anwine , ambachile , ahangishile ku malo ndo tangwa lize Nowa anjilile mu wato - nyi sanga lya meya lyejile lyenyekene eswe. ²⁸ Mujila yimuwika , chizechene chapwile mumu tangwa ja Lote - kalile nyi kunwa , alanjile nawa alanjishile , atumbile nawa antungile . ²⁹ Alyoze muze Lote afumine mu Sandome , kwanokene kahya nyi fundanga kukatuka mwilu yenyekene yuma yeswe. ³⁰ Chenachize muchikapwa mujila yi muwika muze Mwana mutu makalisolola . ³¹ Hatangwa lize yoze makapwa ha fulumba ya zuwo kanda akasunuka nyi kuya nyi kumbata yikumba yenyi mu zuwo, mujila yimuwika nyi yoze uuli kumande kanda akahiluka . ³² Anuka pwo lya Lote . ³³ Mweswawo mafupa mwono wenyi makautokesa , alyoze mweswawo matokesa mono wenyi maulamwina. ³⁴ Nguna milweze , haufuku auze mukukapwa atu aali hamuhela . Umu wika makamumbata umuwika makasala. ³⁵ Kumukukapwa mapwo aali kanatu hamuwika . Umuwika makamumbata , umuwika makasala.'' ³⁶ Mukukapwa malunga aali mu wande ; umuwika makamumbata umuwika makamuhichika. ³⁷ O yamuhula , '' Kuliko , Mwene ? '' Iye wambile kuli ayo ngwenyi , ''Kuze kuli mujimba , pupa makakungulukilako.''