¹ Gu shi ata gusambisama gu moshi mukunda nu wanyi adi mu Yesu Kilistu. ² Mukunda phila ya lujingu mu gi pheve mu katshi dia Yesu ya nu ngila shigo ya disumu nu ya lufwa. ³ Phila inyi, gima shigo jia kuyile go ha gu kita mukunda nu gu hwila gwa mwila, Nzambi wa kukishile ndaga yene; wa tumile munenji gibeni mu katshi dia mwila giteso gi moshi nu disumu mukunda nu mulambu wa disumu dia jingidila gu mwila. ⁴ Wa kitile nganyi mukunda nu jigo dia lombele nganyi mukunda n'etwe, tu wendela go ima ya nzala ya mwila, uvi mu gi pheve. ⁵ Wanyi a nu jinga mu phila ya mwila, a nu jingila mwila, uvi wanyi a nu jingila mu gi pheve, a nu kamba ima ya gi pheve. ⁶ Mukunda gu tshigina gwa mwila, gudi lufwa, uvi gu tshigina gwa pheve gudi lujingu nu ngemba . ⁷ Mukunda gu tshigina mwila gudi mu tamegeya gimbeni gwa Nzambi, mukunda mwila wa nu lemvuga go gu jigo dia Nzambi, gwa lendele go. ⁸ Athu wanyi adi nu ima ya mwila, a jiyile go gu hwa Nzambi kiese. ⁹ Mukunda nu nganyi, mwa nu jinga go mukunda nu mwila, uvi mu gi pheve, gula idi nganyi pheve ya Nzambi ya nu jinga mu katshi dienu. Uvi gula muthu mu moshi gwa shi go nu pheve ya Kilistu, Gwa shi muthu wenji go. ¹⁰ Gula Kilistu udi mu katshi dienu, khanda iko mwila udi mu fwa mukunda nu disumu, uvi khanda iko pheve ya nu jinga mukunda nu masonga. ¹¹ Gula pheve yenji ya zugishile Yesu gu lufwa ya nu jinga mu katshi dienu, yonu wa zugishile Yesu mu katshi dia athu a fwa wa nu hana lujingu gwa mwila wenu wa fwa, gu nyima pheve yene ya nu jinga mu katshi dienu. ¹² Mukunda nu nganyi, aphangi, tu shi go nu gima gia gufuta gu mwila ole tu jinge mu phila ya mwila. ¹³ Uvi mwa nu jinga mu gi muthu mba mudi mu fwa, uvi gula mwa nu jinga mu gi pheve mu mu jinga ha gu jiya nzala ya mwila. ¹⁴ Mukunda a vula a nu jinga mu pheve ya Nzambi, athu ene adi athu a Nzambi. ¹⁵ Mukunda n'enwe, mwa zudile go pheve ya ndola nu gu banga nji, uvi mwa zudile pheve imoshi ya gutshigina inyi ta nu zwela egi: "Abba, Tata." ¹⁶ Pheve yene ya nu zwela nu pheve yetu egi tu di ana a Nzambi. ¹⁷ Gula tu di ta ana a Nzambi, tu di athu mba a zula ima ya Nzambi mu khanda jiko: guma guko mba tu di mu zula ima ndonga imoshi nu Yesu, kana gibeni ta nu mona phashi nu mwene ha suga yenji ha gu zula lukumu nu mwene. ¹⁸ Hene ha gu mona egi phashi jia tangwa didi ji shi mu fwana go nu gubonga mba gu muza. ¹⁹ Mukunda mavu akima adi mu nenga guza gwa Muna Nzambi. ²⁰ Mavu akima adi nu ima ya phamba, mu shi mu luzolo lwenji go, uvi mu luzolo lwa yonu u mu tala mavu, mu katshi dia givuvu, ²¹ mavu akima mba a mu kanguga mu gihiga wa ima ya bola ha gu zula diphanda dia lukumu lwa Nzambi. ²² Mukunda ta nu jiya egi mavu akima a mu nyigana adi nji mu phashi jia bala ole mukhetu udi mu nenga gubuta mona ti nu magino. ²³ Uvi ishi yene phamba go, uvi khungi'etu akima tu di mabundu agi pheve, ta nu phashi mu katshi dietu akima, mu gu tshigina gwetu, gu katuga gwa mwila wetu. ²⁴ Mukunda ta guluga mu katshi dia gutshigina; henyanyi gu tshigina gunu tudi mu mona gu shi go gutshigina tudi mu mona gu shi gutshigina, mukunda nanyi wa tshigina gu mona gima gia mu tshigina gale? ²⁵ Mukunda ta tshigina ima inyi ta nu mona go, tudi mu i nenga nu givuvu gi kima. ²⁶ Phila imoshi, pheve ya nu tu sadisa nji mu gu konda ngolo. Mukunda tu jiya go gu lomba, uvi mwene gibeni ya nu samba mukunda n'etwe mu ima ta nu mona go. ²⁷ Mwene wa nu tala ima ikima idi mu tshigina gu jiya ngindu jia pheve, mukunda wa nu samba mukunda nu athu a konda disumu mu phila ya luzolo lwa Nzambi. ²⁸ Tu mu jiya egi, ima ikima idi gu nyima ya wanyi a nu tshigina Nzambi enji nu wanyi Nzambi wa tamegeya ha gu lungisa luzolo lwenji. ²⁹ Mukunda wanyi Nzambi wa jiyile gu matwemena, wa londele ima mukunda nawo ha gu kala gifwa munenji, wa thomo ha katshi dia aphangi akima. ³⁰ Athu adi a jigo go, adi athu Nzambi a tamegele ha gu a longa. ³¹ Ikhi mba tu zwela mukunda nu ima yiyi? Gula Nzambi udi n'etwe, nanyi wa jiya gu kala mbeni wetu? ³² Mwene wa swegele go munenji mu moshi uvi wa mu hanele mukunda n'etwe, mukunda n'enji mba tu hana go ima ikima nu mwene? ³³ Nanyi mba u funda athu a phonele Nzambi? Kaka Nzambi wa nu lolula. ³⁴ Nanyi wa jiya gu belesa? Kaka Yesu Kilistu, yonu wa file enji udi nu funu, yonu wa futumugile mu katshi dia athu a fwa, udi gu koko dia gi tata dia Nzambi enji wa nu samba mukunda nu etwe. ³⁵ Nanyi wa jiya gu tu kapha nu gu tshigina gwa Kilistu? I kala phashi, , gu beteya, nzala, guwenda thowa, lujingu lwa phashi ? ³⁶ A sonegele gu mukanda egi : " Mukunda nu eye athu a mu tu shiya mwa vula ilumbu ikima. Ta kituga getu ole mameme a mu twameseya ha gu shiyiya holu dia mabaya." ³⁷ Gu ima inyi ikima, ³⁸ tudi athu a gu nunga mukunda nu yonu wa tu tshigina. ³⁹ Ngu di muthu wa gu nunga henyanyi gu lufwa go, monyo ya go