¹ Lulu tuzwela nyi ikli ? Tangwedi tukala getu mumasumu mukunda nzambi athu vile jikenda ? ² lo ! eswe ta file mu masumu pila khi ta lenda gujinga mukhatshi dia masumu. ³ Mushigenu mujiya go nyi eswe tazudile mbutshiga mukunda nu gujinga nu yesu - klisto , tazudile ndji mbutshiga mu gufa guenji. ⁴ Tangwedi mukunda nu mbutshiga , ta file nu yesu , tafundiye nendji tangwa tata nzambi azugishile mu lufwa mu ngolo yenji , eswe ndji tazugile nenji mukunda nu gujinga nenji lujingo lwapa , lua bonga. ⁵ Kana tadi bungishila nenji mu lufa , mba tudibungisa nji nenji tangwa nzambi mba amuzugisa mulufa . ⁶ jiyenu nyi nzambi wa diangele guhaga ifu ya mwila wetu wa masumu nu yezu ha kulundji mukunda ikalulu yetu ya masumu ife mayilago , eswe tule gukale njilo athu a masumu. ⁷ Mukunda kana muthu wafu , masumu enukatuga . ⁸ Jiyenu nyi kana tafile nu klisto , tumukwilenyi mba kala mujinga nenji tangwa diagaswe . ⁹ Tumuziye nyi klisto wa zugile mu lufa , mba gwafu ge nji go mukunda lufa lutshigo nu jingolo ja gu mukwata . ¹⁰ Mwene wa file mukunda nu masumu mbala imoshi , lulu wazugile mukala nu nzambi ya monyiwo . ¹¹ Enwe mbafile mu masumu hene mwazugile nu yesu - klisto mwenu kala nu nzambi mukunda yezu - klisto . ¹² Tanzwedi mubembi go mila yenu nu masumu mukunda nu nzala jia muvila . ¹³ Guhana lo idiando ya mila yenu musalo masumu hanga ima ya guwongela. Dihanenu gudi nzambi , mila nu mionyio yenu mukunda mwa file hene mwazugile nu yezu , mudi athu a monyiwo idiando yenu ikale ya masongo gudi nzambi. ¹⁴ Masumu alenda gumiyala go hangenyi mudi athu amulenga nukwala kashi mudi athu amujinga mu khenda jia nzambi. ¹⁵ Mukunda na khi ? Athu enosala masumu mukunda adi gu mashina nukwala , kashi ene anujinga mu khenda jia nzambi ? nganyilo. ¹⁶ jiyenu mwabonga nyi kana mwaya musalela fumu mumoshi, enwe mwakumbula gumulemvugila tangwedi mudi apiga enji mukunda mba mufwa.Kana athu alemvuga gwa nzambi , mba umumikitula anendji. ¹⁷ Huenu nzambi matondo , mukunda takalele apiga a masumu , lulu ngagi mukenda ja nzambi mu mulongoga malongi mwalongeye . ¹⁸ Nzambi wa mikatudile migipiga ya masumu , tangwedi na mudi apiga a ndaga jia bonga ji muswa ngudisa nzabi. ¹⁹ Ngumileza hangenyi athu a hamavu amuzuela ilumbu ikhima , na mukunda mudi genu athu. Thono mwakalele mujinga lujingu lua gisaga - saga lua bola mukunda mwakalele gudi hana muavula mu mambo a masumu .Lulu ngagi mujinga lujingo lua nzambi, dihanenu mayila go. muakalele apiga a masumu , luenyolu mujinga lujingo lua kinzambi , dihanenu mayilago gu mambo anyi nzambi wenu kumbula hangenyi mudi apiga a mambo muene. ²⁰ Tangwadi muakalele apiga a masumu mua kalele go apiga a mambo anyi nzambi enukumbula . ²¹ Ikhi muazangudile tangwa mambo enu mihua ufutu lulu ngagi ? suga ya mambo ene kaka lufwa ? ²² Lulu ntangua nzambi gua mumikatula mu masumu , enwe na mwakuma apiga enji mayilago , suga ya mambo ene idi lufwa . ²³ Mambo a nzambi suga yayo idi monyo wa mayilago , wa mvula na mvula (ivo nu ivo) mukunda mambo a bonga nzambi wenu tuhua nawo mu luzolo luendji , adi monyo wa ivo na ivo utudi nawo mu gimvuga nu fumu wetu yesu - klisto.