¹ Ngagni twa kumbudiye mu gutshigina , tudi nu ngemba nu nzambi mu nfila ya fumu wetu Yezu klisto . ² Mukunda nu mwene tudi nji n'eswe nu dikapo dia gutshigina n'eswe tudi n'ago.Khungi yetu ya gaswe tudi kiese mu gutshigina gwa gukumisa nzambi . ³ Mwa vula nji , khungi yetu ya gaswe nji mu katshi dia pashi , tujiye mwa bonga egi pashi jo no buta gutatama nga gukanga matangi . ⁴ Gu kanga mutshi guono buta guku mbulula , nu gukumbulula , gutangizegi mba nguheta . ⁵ Gukumbulula gushi gudimba go.Mukunda gutshigina gwa nzambi gwa mbiye mu mutshima munjila ya pheve santu wa nzambi wa tuhwile. ⁶ Ha takalele ngolo ndo, Yezu wa file mu tangwa dia bonga mukunda nu egna masumu. ⁷ Lugnelu muthu weshi masumo go wafile , muthu watshigine gufwa mukunda nu muthu wa bonga. ⁸ Nzambi wa leza gutshigina guenji gudi eswe , ngagni Yezu klisto wa file mukunda nu eswe ha tuakalele eswe mu masumu . ⁹ Ha guleza egi ya kielega lugnelu egi menga enji a tu sumbile gudi tata nzambi mu khabu ja nzambi . ¹⁰ Ha takalele getu nji mbeni , wa tu hagele ha mashi nu nzambi mu njila ya gufwa gwa munenji wa dile wa tshigina , mukunda nu lujingu luenji. ¹¹ Ishi ngagni go , mba tu tupula ufumu wa nzambi mu njila ya fumu Yezu klisto mukunda nu mwene ta dibungishile. ¹² Nzagni , masumu a ngidile mu mavu mukunda nu muthu mumoshi , hene gufwa gwa ngidile mu masumu , hene gufwa gua ngidile gwa athu agaswe , a gaswe a salele masumu. ¹³ Hagni nu shigo , masumu a kalele mu mavu , masumu akalele nu ngolo go gu tuama diao. ¹⁴ Hene , lufwa lua zuedile giyega katuga tagwa dia Adam ti nu gwa Moyize , nu nyima dia wo , wani adile gu kita masumu go mudjila ya gu kulula gu jitisa shigo ya fanana Adami ya kitile Adami , yonu udi luse lwa muthu yonu mba uza. ¹⁵ Uvi ishi go mahela a thugu a ha neye ole gifu mukunda nu gu bola gia muthu mu moshi , a vula afile , mukunda na khi ndo khenda jia nzambi nu makapho wanyi a nu katuga mu khenda jia muthu mu moshi , Yezu klisto , a haneye a vula gwa athu. ¹⁶ Gu shi gejigo nu kopa ya pila yinigo ole ya katugile gwa muthu mu moshi gwa salele masumu . Mukunda gu kanda yimoshi , gu nima dia muthu mu moshi gwa kitile gu bola hene gu sambesa gwa kitugile gu belesa ; enji gu kandayiko makapo a thugu a mu katuga mu njila ya gu sambesa yidi lufutu ya yima ya vula. ¹⁷ Mukunda nu gu bola gwa mutu mu moshi , lufwa lwa ngidile munjila ya muthu mu moshi , hene avula a muviya khenda ja vula nu makapo mu masonga mba di mujinga njila ya Yezu klisto mwene a nji. ¹⁸ Hene mukunda nu gu bola gwa muthu mu moshi athu a kima a kitugile enya masumu , giteso gi moshi munjila ya muthu mu moshi gwe jile mu nungisa nu gu hana lujingu gwa athu a khima. ¹⁹ Mukunda nu gu kolama gwa muthu mu moshi athu a kima akitigile enya masumu , giteso gi moshi mukunda nu gu unvuga gwa muthu mu moshi athwa kima mba a mu nungishiya. ²⁰ Uvi shigo ye jile (mukunda) mukunda nu gu vudisa gu bola . Uvi hama hani adi masumu avula,kenda ja balegesa gu vula. ²¹ Ndaga yiyi ya bwile mukunda masumu azudile giyega mu katshi dia lufwa .Enji kenda ji muzula giyega mu njila ya masonga mukunda nu lujingu lwa mvula na mvula mu Yezu klisto fumu wetu.