¹ Gukwabula gudi gutaya jindanga nu ima ya geswe ya guzangula . Adi ya mayilago mukunda na ima iko itenumona go. ² Nzambi wa kumbudile a khakha jietu mukunda nu gutigina gwayo. ³ Mukunda nu gutshigina guetu hene athu enutshigine egie nzambi wa kitile dilu nu mavu nu ima ya geswe tenumona. ⁴ Abel , mukunda mu gitshigina gwenji hene ahanene makapo endji abonga abalega mukulu wendji Gayino.Mukunda nu gutshigina gunu hene nzambi akumbudile makapo anyi nzambi wa akumbudile.Mukunda nu gutshigina hene tenu tangiza Abel ata wa file gale. ⁵ Mukunda nu gutshigina hene Enoki ahile gosa nu monyo wakonda gufa ."Athu a mumonene mukunda nzambi wejila mu muzangula." mukunda gumatwama aye gosa , mukanda ya nzambi wa sonegele egie Enoki wa kalele muswanguluvisa nzambi. ⁶ Muthu wa geswa umutshigina nzambi, umuya munjila ya nzambi nu gutshigina guenji , udi fumu wa athu ageswe enu mukanda. ⁷ Mukunda nu gutshigina hene nzambi adiangele gujihisa nowa ndaga ja lamba mba jiza gu matwama , nu woma wa nzambi. Nowa walondele masuwa mukunda gumba athu endji .Tangwa diakalele muhangiga wato wenji , wa fundile athu ageswe gudi nzambi mukunda nu gutshigina gwenji.Nzambi wa hwile athu a ha mavu ndola . ⁸ Abalayami , mukunda nu gutshigina , wa tayele nzambi tangwa dia mutumine guguya gu khanda ya mavu amutumina mukunda ba azule gifugo ginyi.Guakalele mujiya go guma gua kalele muya. ⁹ Mukunda nu gutshigina gwendji a ile mukala gu khanda ya mavu ene hangenji mwenji .wa kalele mubanda gosha tenda mwene nu ISAAC, nu YAKOBO, mukunda nu gunenga malaji a awile nzambi. ¹⁰ Iyi ikima , Abalayama wa kalele munenga gukanguga nu gutunga gwa dimbo dia koma (Mbanza) dinyi nzambi asalela fondasio nu pula. ¹¹ Abalayama, mukunda nu gitshigina gwendji wakalele wa kolagale , mukajiendji gwakalele mubuta go, gekunya kashi nzambi wa muwile jingolo nu gifumu hene a asagele. Abalayama malaji a nzambi mukunda nu gutaya gwendji.Mwene wa kalele munenga lufwa . ¹² Tangwedi nzambi hene amuvile ana nu ajigulu avula .Athu abutugila avula hangenyi temwa gosa , ha ngenyi lusenga gukudia kiawo pila ya gutanga lo. ¹³ Akalele athu afwile nu gitshigina kashi nu gulungisa malaji a nzambi lo.lulu , amwenene malaji ene nu gu akumbula gua leha . athu ene amonene gu bonga gwa malaji go, alagetele go gubonga gwa malaji .ajile egie adi enyi hadia mavu . ¹⁴ Athu akima enuzwela ndaga jiji, enukamba kapo diawo diahakawo . ¹⁵ Kana nga akalele nu matangi agukala muthoto nga ambolo vutuga gawo Tangwedi avutugile go, akalele mutshigina akala mu mavu abonga , wanyi adi gosa. ¹⁶ Tangwedi nzambi guakalelenu ufutu go mukunda amutamege egie athu enji mwene wa alondele dimbo gosa. ¹⁷ Mukunda nu gutshigina , nzambi lombela Abalayama munendji mumoshi ,ISAAKI mukunda amushiye. Abalayama wamuwhile nendji mukunda wa kalele gale nu malaji avula a nzambi. ¹⁸ Nzambi wa lezele Abalayama egie:"Mukunga nu ISSAKI , mbangu muguhwa athu avula" ¹⁹ Abalayama wa tshiginine nzambi egie mba umuzugisa munendji ISSAki mu lufwa mu matangi enji mukunda mba umuza ndji. ²⁰ IzAKI , mukunda na gutshigina , wasaguminele Yakobo nu Esau mukunda nu jindaga mbajiza gumatwama. ²¹ Mukunda nu gutshigina yakobo , tangwa diadile egie ufwa wasagu munile ana agaswe a Joseph. Jakobo wa kalele muwendela gu muhango mwene nu gasamba. ²² yozefi mukunda nu gutshigina , halungile tangwa dia gufwa guendji wa tamegele ana agu izayele mu aleza egie kana wafwa , ene guguvituga guenu gu izayele , mba muvumbulo ifa yami mba muyena yo gembo dietu . ²³ Moyize , mukunda nu gutshigina , havaleye (habutugile) , shenji nu ginendji amuswegele mu ginda mukunda wa kalele wa bonga diago. ²⁴ Moyize , mukunda nu gutshigina guendji , wadile wakula watunile egie athu amutamega "egie muna FARAON wa mukhetu ginenji". ²⁵ Mwene wa kumbudile gu mona phashi nu athu a gikanda gia nzambi .Watunile gu mona kiese gia kumbi dia zonda. ²⁶ Moyize wa tshiginile sonyi ji mukwate ha gu hata Yesu Kilistu hene a tunyile gu hata gimvwama gia gu Ejipito. Mukunda mwene meso enji a kalele mu tala gu gifumu gia mayilago. ²⁷ Mukunda nu gutshigina Moyize wa katugile gu Egypito .Guakalele genji nu woma totila , wa tshiginine jipashi hene akalele mutala gutwama gudi yesu klisto . ²⁸ Mukunda nu gutshigina , Moyize atayele gubamba mikwala ya Paques nu gubatula mitwe ya mbiji mukunda totila munu wa kalele mutangiza gushiya ana asomi a gu YIzayele mba abele . ²⁹ Gugu zoga guawo nu Ezipito , mukunda nu gutshigina gwa Moyize , "Mere rouge" ahumile , ana gu Ezipito a azahugile hamalu. Tangwa dialabele athu gu Ezipito , adile angila , nzambi wa ashihileene agaswe. ³⁰ Mukunda nu gitshigina ibagi ya lupango lua Yericho ya bwile tangwa ana agu Yizayele ajetele hene gu nyima dia ilumbu isambwadi nzambi abwishile hoshi. ³¹ Rahab, mukhetu wa ndumba mukhanda inyi, mukunda nu guyamba mawanzio a nzambi atumiye mu gitshigina guendji, nzambi wa mukatudila na njila ya lufwa nu athu akalele gutuna gulemvugila nzambi. ³² Ngaga khi jiko nguzwela! Tangwa dishigo dia guzwelela gitenu gia Gedeyoni , Baraki, Samsoni, Yefte, Dawidi,Samwela nu gitemu gia aprofeta. ³³ Mukunda nu gutshigina guawo , gu make mbe akalele mutambule ufumu nu membo a jimbenyi jiawo.Akalele musambesa athu hene nzambi awhile malaji aguasalesa.Mukunda nu jingolo ja nzambi , ashitile makano ayi supa nu jikoy. ³⁴ Akalele mujimo tiya twakalele mumba ambenyi jiawo.Akalele muhulu gu mazo apogo jia kalele muambiya akalele musageya misongo ya gueswe abeluga .Akalele abala gu makemba agaswe akalele mulwa mukunda akalele mukaya jimbenyi jiawo jikima .Twakalele mumba ambenyi jiawo.Akalele muhulu gu mazo apogo jia kalele mwambiya akalele musageya misongo ya gueswe abeluga .Akalele abala gu makemba agaswe akalele mulwa mukunda akalele mukaya jimbenji jiawo jikima ³⁵ Akhetu ako mukunda nu gutshigina akalele munona apangi jiawo afile gale muzuga mu lufwa amuzula monyo.Athu ako atunine egie akatula go mupashi mukunda awhile jipashi tii mba bafwa gawo mukunda gunyima dia lufwa mba azule monyo wa bonga . ³⁶ Athu ako kalele mu alela, ako akalele muakupule fimbo tangwedi akalele mu amba mubologo. ³⁷ Athu ako akalele mwashiya nu maseso, ako akalele mu abatula itshidi iyadi nu shi : ako ashiyile nu jipago. Ene akalele musudiga ilema ya mameme nu jikhombo tangwa diakalele guya nu gu awendesa gisaga - saga , akalele athu agitugu , akalele mu awhua pashi , gu alela. ³⁸ Hadia mavu halungile go gukala nu athu a luholo lulu .Athu wawa akalele muwenda mu zelu nu mumilundu , akalele mukala mu mawina a maseso nu wanyi ako enukala hadia mavu. ³⁹ Mukunda nu gutshigina guawo, nzambi wakumbudile athu ene agaswe kashi gua awhile go makapo a malaji a awhile go. ⁴⁰ Nzambi wa alungile ndaga jia bonga hene akumbudile gu ahaga athu abonga mayilago njila imoshi nu eswe akhima.