¹ waviraliaya mwakha kuumi na tjesse, kahorwatho o Jerusalem ni Barnabe, cahoonkussa Tito. ² Ni mwaha wothonheriya, kahorwa ni kahattonkela ehapari enliaaka wa malapo. kahowulumana vekhaya yale yaphela okhalana otjuwela ventji, mi akaphela wira nteko wapankaliaka ni kapankaka wira okhale wo paahi. ³ Poti okhala Tito yole ari ni mi, nari grego, ahokhanhenrihiya wuulihiya. ⁴ Eyo yari mwaha wa assun'nehu ohiloka, yikelakelihale, ni yahokela wohitjuweleliya wira ayiwehaweheothukuleliya orinehu mwa Yesu kristu, ni phelaka ohokolela epotha. ⁵ Massi hii khanithunale owinwelela onakhala owakathi m'motja, wira ekhweli yo hapari ekhale eriyarin'nhu. ⁶ Vano yaale yirale wiira yaari aholeli khayatjanka ethu ni mi. Khanakhala athu wa mi ekhulupale yarinaaya. Muluku kan'hukhumu nuuvirikaniiha. ⁷ Wovirikana, ayena yahona wira kihokhuluveliya olalia ehapari wa yaale ohuulihiya, ntoko Pedro tjalaliaawe ehapari wa yale owula. ⁸ Vano Muluku varale nteko ni Pedo werumeiwa yaale ari owuulihiy, tootho hovara nteko wa mii wa malapo. ⁹ Okathi Tiago, Cefas, ni Joao, watjuweliyaya wira phiri athu oowehessessiya, yahotjuwelela mahala yavahiyaaka, ayena yahontaphulela ntata moono we lopwana wo waatanatja mi ni Barnabe, wira nirwe wa malapo, ni ayenatja wira erwatje wa ari owuula; ¹⁰ Ayena yaaphela wira niwuupuwele amassikhini; Hata ni mivano wahokitjivela kinapankale ¹¹ Okathi Cefas wawaaliawe wa Antiokia, mi kahonkhotta ventji tjinene, kontha yena anoovonha. ¹² Ahinathi owaatja alopwana mphantti wa Tiago, Cefas alha vamotja naamalapo. Okathi wawaaliaya alopwanaale, yena ahokhuma ni ahokhala ottai naamalapo, kontha yena anaawova yakhanhenriha wuulihiya. ¹³ Tjitjaam'mo ma judeu akhwawe yahotakaneela wa Cefas wowiitjototheela mpaka Barnabe ahihiya akussiyaka nuwotoothiya waya. ¹⁴ Okathi wonaliaka wira ayena khayathara ekhueeli yo haparpi, mi kahomwirela Cefas eriyariwaya: We wkhala wira o judu, n'nookhala ntoko amalapo, wohikhalatho ntoko ma judeu, n'noowa tjani mwakhanheenrihka okhala ntoko ma judeu. ¹⁵ Hi, niri ma judeu oyareelo, kahi anatampi eriyari wa malapo. ¹⁶ Ninatjuwela wira khavo nireliya nassariya wa miteko tjoo Kettelo, nlatto wo kupali mwa Kristu Yesu. Hata nihivano wanthunaalehu mwa Kristu Yesu, wira nikhale nsariyani wo mwamini Kristu, kahi wo miteko tjo kettelo; khavo n'hala wireliya nassariya. ¹⁷ Massi, narweela okhala nassariyammwa Kristu, hata ni hivano nihokhala anamatheka, Kristu anahala okhala nanteko otampi? kinoona wira meena. ¹⁸ Vano, kahokolela oteka tjithu tjikuanhlaliaaka, kinona wira kovonhaniiha ekettelo. ¹⁹ Mivaano, n'hinawaya ekettelo kihokwa wa ekettelo, kipheelaka okhala ni Muluku. ²⁰ Kihokhomeliya ni Kristu. akinakhala tho thimi kinkhala, massi Kristu tinkhala mwa mivano, ekumi enkhalaaka nruthuni kinkhala womwamini ,Mwana a Muluku, kifeentale, ni hovaha ekumiawe mwaha wamivano. ²¹ Akinkhotta mahala a Muluku; wakahala wira essariya eri eriyari wo kettelo, pahi Yesu yoo khankhwelale nthu.