¹ Paulo n'rumeyi kahi n'rumeyi wan'phathi wan'thu ni kahi mwaha wan'thu n'motja, massi ohikhan'le mwa Yesu Kristo ni mwa Nluku, papa, n'vuwenlihale mokhani. ² Nasun'na oteene nimi, ni ekeretja tjo Galacia. ³ Mahala ni n'rethele okhale ni n'yu, wan'phathi wa Nliki papa, ni pwiya Yesu Kristo. ⁴ Ivahen'rale mwaha mwatheka tjihu mo wira anithukule mwa tjotheka tjomahukuala, ntoko othuna wa Nluku ni papeehu. ⁵ Mwa yena okhale waria wohimala mahuku ohimala ni oteene.Amem. ⁶ Kiri otikinihiya mwaha wowira n'hopithikuwa wowakuviyatja n'khalaka olalha wovirikana mwihulusaka wayole wihanaleni wa mahala Akristo. ⁷ Khivo ehapari ekinaku yovirikana. Vano ahavo athu akina aniwanelani owanihantja ni an'phela ohokolosera otuli n'teko wa Kristo. ⁸ Hii walani n'layika nokhuma wirimo owa wolalhalani nulumo novirikana mwa wale nulalelalehuni nikhale notakanihiya. ⁹ N'toko tjahimiyalehu wopatjera, ni kinahimiya tho vakina, akhala n'hala wulalelani ehapati yovirikana wa nen'ne nikupalalenyu: akhale onawarihiya. ¹⁰ Vano kin'phela olawihiya wathu walani ni N'luku? Walani mi kin'phela watjiveliha athu walani N'luku? wakhala wira kin'phelalatja watjiveliha athu? kakhala wira kin'mananiha watjiveliha athu, mi kinakhala nan'teko Akristo. ¹¹ Kon'tha mi onkitjivela wira n'tjuwelatje, asun'ka, wira nulumo nin'laliyaka kahi niphathuwale mwa pinatamo. ¹² Mi akakhen'le mwa pinatamo, ni mi akisomihiye, ohikhan'le wari, mi kithoheriye mwe eriyari mwa Yesu Kristo. ¹³ N'yu n'hopatja win'wa yulumiyaka ethu eyariyaka mahuku avirale wariyaka ojudeu, enan'na yomolanihaka wotakhala ekeretja ya N'luku, ni kikwanhula. ¹⁴ Mi kahotjuwelatja ven'tji ejudeu woviranani majudeu entji elikalikaka kikhalaka n'thu ohatje tjinene tjokhapila tjathu avirale. ¹⁵ Vano, N'luku tjiveliye kithan'lale kinari n'mirimani wa mamaka hokihana mi mwaha wo mahalawe. ¹⁶ Wira akithonhihere mwamwanawe, mo wira kilaliye mwa amalapo, mi akikohala eruthu ni walani ephome, ¹⁷ Wa akatjuwen'le o Jerusalem aale yari arumeyi mi kihinaaya okhala, wovirikanatho vaa, kirwale wa Arabia ni vanotho kahohokoleela Odamasco. ¹⁸ Vano tjinavirale mwakha miraru, taarwaka Ojerusalem mowira kimotole Cefas, ni kahokhala niyena mahuku khumi nathano. ¹⁹ Massi mi akimonale anakhala n'rumeyi akhuawayo on'hiya Tiago, mwamun'nawe pwiya. ²⁰ En'watikheletjakani, kinalipihera, ohoolo wa N'luku wira mi akinotha. ²¹ Nuhoolo minhaano kahorwa mithethe tjo Siria ni tjo Celicia. ²² Mi karii kihinatjuweliya n'makeretja tjo Judeia tjaari mwa Kristo, ²³ massi yayotjo yamakela win'wa: "Yoole anomolanihole wopatjera niyena olaliya wamini waphelawe okwanhula. ²⁴ Ni ayenatja yahon'vuwiha N'luku mwaha wawka.