¹ Tə̀m Yesu Kristi əzo jǐ ni, zə Əgwaza əku joŋ gu əsɨ twərag nnwan ntəm guna kyaŋ əkwo tɨlɨd tɨbay də bɨ byyan jen ni. Ə̀sɨ twərag lyen ji ku mbwag ə̀tə̀m ntswa gu u dɨ ŋwwag ŋgwon ntəm gu ka Yohanna. ² Yohanna əsɨ twərag lyen tuza əlyyad Əgwaza na mbyyaŋ tuza kyaŋ əkwo Yesu Kristi ə hyyo tuza kəkəb nkyaŋ əna gwo ku di ni. ³ Lɨbərka ə shyyo tuza ətyə əwo ə twaŋ ə tswoŋ bə tsutsswo ni, bə ətyə əwo kwərog tsutsswo bə əlyyad ənio shyyo bumi tə̀m nkyaŋ utswon ji əshyyo nyyo kyaŋ əkwo naŋ ə lyurug bumi ka ni dənian jen ji bay kpǝkpəg. ⁴ Nuŋ ə Yohanna, ndyurug nyin nnwan Əgwaza +ulwo natad ənio shyyo bu +ukəraŋ Asiya na ni; yog shog ji shyyo dunduŋ bə nyin bə kay nda əkwo nyyo bə ətyə əwo ə nshyyo nini ni, bə ətyə əwo əku shyyo nyyo bɨ kay nnyyo ni. Ngwo ə yed ətyə əwo təbay ni, mbyyaŋ nyyo bə ntswa natad əbyo shyyo duyi cug tyog gu ji ni. ⁵ Mbyyaŋ nyyo bə Yesu Kristi wo ə yed ətyə byyaŋ əlyyad bə cucug ni. Ngwo yed nəhwob ŋgwon əwo ə̀ dərəg nyyo bə ənied əbyo kə nkwi ni, wo nyyo tyog tuza +əgwam swanta əbay ni. Ngwo cad zɨd bəd naŋ gwo nfərog zɨd mbwag kətug nyyo zɨd ba bə əswog gu na. ⁶ Ə̀sɨ bwwag zɨd ə ncyyo nnwan tyog, bɨ yed ənied fi zənaŋ Əgwaza bə Əcyo gu u. Yog shi bɨ tyog ku yed shin gu nini tɨnad jen saŋ sɨsag. Zəm! ⁷ Nyi di la, ngwo təbay dunduŋ bə nɨnian; kozaŋ əli əna di gu, had bə ənied əba əku cwi lwam gu ku ni. Kəkəb nŋwab dunio na əna gwoŋ nkun dənian gu ka. Î, Zəm. ⁸ Ətyo Uli Əgwaza ə nyo, "Nuŋ ə ngyed utsa ka bə nghan u" "Ətyə əwo ngwo nini, ngwo əku nshyyo nyyo bɨ kay nnyyo, əwod ngwo ə yed ətyə təbay u. Ətyə byyo tyog kəkəb." ⁹ Nuŋ Yohanna, nənyyug nyi wu wo ə sswo ubuŋ bɨ təshug dunduŋ bə nyin dɨ nyyo tyog mbyyaŋ gbaŋ əlyo kwo shyyo bumi Yesu ni. Nku shyyo bə tsibiri əzo ə ngyi Batmusa dənian əlyyad Əgwaza mbyyaŋ əlyyad tuza Yesu ni. ¹⁰ Nku shyyo bə Ntswa bumi nwam Ətyə Uli ku, kukwo nsɨ kə nfəg əŋwwad əyyaŋ əkyo byyo ced ni məlyim nka naŋ əgwa ni. ¹¹ Usɨ nyo, "Lyurug nkyaŋ ənio a di ni bumi kwa mbwag ku, əwod â tə́m ndyo bə +ulwo natad nnwan Əgwaza na naŋ Afisus, Birgamas, Tayatira, Sardisu, Filadalfiya bə Laudikiya ni." 2 Mbwwag ndi kə əŋwwad əyyan kyo ə lyyad bə nuŋ. Bə dɨ bwwog ku, nsɨ ka ndi ga ncug zinariya nsǎy fitila natad ə yoŋ. ¹³ Bə kəucyo ncug zinariya say fitilu ji, əsɨ mbyyo əyin əwo ə di naŋ Ŋgwon Ətyibɨshyi ka ni, wo ə̀ kub ga junjun ətərog əwo ənad bə tɨtag gu ba ni bɨ ləb uzwwan zinariya kyo kərag fɨriŋ guku bwwag ni. ¹⁴ Əpyo guka mbyyaŋ pyyo gu ku sɨ di bə kyenkyay naŋ jijyad lulu ni, bənaŋ +təyen ni. Əyyi gu ba sɨ di naŋ əlyərob ndoŋ ni. ¹⁵ Kpay +tɨtag gu ba əsɨ ya əyyi myəmyad naŋ əshoŋ ntswam wo ətyə tsswu ə tin bə ə shoŋ ndoŋ ni. Əŋwwad gu ka usɨ hwwom naŋ ətyoŋ nkyaŋ səhwod əywi ni. ¹⁶ Ə̀ ku byoŋ +təngwad natad bə mbwag yag gu ku. Nyyo bə unuŋ gu ka tswad əzə ya unuŋ ufyyaŋ ni sɨ gud wurug. Kyenkyay say əsɨ gwud ə wwud bu uyi gu ka bənaŋ nwam nɨ gud wurug ku say bəd ni. ¹⁷ Jen əzə ndi gu ni, nsɨ shwod nkwa bə tɨtag guba naŋ kwom ətyog ni. Ə̀sɨ sag bwag yag gu ku də nuŋ əsɨ nyo, "yog fəg uwun dag. Nuŋ ə sɨ yed utsa ka mbyyaŋ nghan wu, ¹⁸ mbyyaŋ ətyə əwo shyyo əced ni. Nku hwu, əwod di, mbyyo sɨced saŋ sɨsag! Əwod nuŋ ə byyǒ tyog ku tuza əhwu mbyyaŋ uli ndoŋ ka. ¹⁹ Kukwo mbyyo ndyurug nkyaŋ əna əkə ndi ni. Nkyaŋ nini na bə nkyaŋ ənio tɨbay məta əkay ni. ²⁰ Tuza kyaŋ əkwo ə fa shyyo bɨ niad bə +təngwad natad ənio aku di bə mbwag yag nku ni, bə +ulwo +ncug zinariya nsǎy fitilu natad na ni. +Təngwad natad ənay ni yed +ətəm ntswa natad dɨ +ulwo natad nnwan Əgwaza nio. Əwod +ulwo ncug zinariya say fitilu natad na uyed +ulwo natad nnwan Əgwaza nio.