¹ Rababaaza, zeeuwa Yeeso Kweebaaz waza Dauda rəz naa Ibrahim. ² Ibrahim zi daa Ishaaku rez, Ishaaku daaa Yakubu rəz, Yakubu uzi daa Yahuda rez na uri yangiya ulləi. ³ Yahuda uzi daa Parisa rəz naa Zaraha ii dinŋu naa Tamar. Parisa daa Hasruna rəz, Hasruna daa Arama rəz, ⁴ Arama uzi daaa Aminadab rəz, Aminadab daaa Nason dəz, Nason daaa Salmon, ⁵ Salmon uzi daaa Boaza rəz i dinŋu naa Rahab, Boaza daa Obida rəz i dinŋu naa Rah'uta, Obida dinŋə Yaasa. ⁶ Yaasa uzi dinŋə Dauda gwanz. Dauda uzi daa Suleimanu rəz, i dinŋu naa kiiza Uriya rəz. ⁷ Suleimanu uzi daaa Rahabama rəz, Rahabama daaa Abiza rəz, Abiza daaa Asa rəz. ⁸ Asa uzi daaa Yahushafat təz, Yahushafata daa Yuram rəz, Yuram daaa Azariya rəz. ⁹ Azariya daaa Yatama rəz, Yatama daaa Ahaza rəz, Ahaza uzi daaa Hezekiya rəz. ¹⁰ Hezekiya uzi daaa Manasa rəz, Manasa daaa Amuna rəz, Amuna daaa Yusiya rəz, ¹¹ Yusiya daaa Yakunya rəz, naa uriyangiya ulləi, bəlla ii tuuni rekarə Babilakrə. ¹² De i tuusipu rekarə Babila, Yakunya dingə Shotilla, Shotilla daaa Zarubabila rəz. ¹³ Zarubabila daaa Abihuda rəz, Abihuda daaa Saduka rəz, Saduka daaa Azura rəz, ¹⁴ Azura uzi daaa Saduka rəz, Saduka daaa Ahima rəz, Ahima daaa Aliyuda rəz. ¹⁵ Aliyuda uzi daaa Aliazara rəz, Aliazara daaa Matana rəz, Matana daaa Yakubu rəz. ¹⁶ Yakubu daaa Yusufu ya'za Maryamu rəz, ura dinŋə Yeesoz ura i deru Kweebaaz. ¹⁷ Diga Ibrahim də, rekarə Dauda rə diggət pu komna na nattət, diga Dauda rə, rekarə rekarə Baabilon diggət pu komna naa nattət, diga tuukarə Babilonak zakarə Kweebaazə diggət pu komna naa nattət. ¹⁸ Dinkaa Yeesorək, gau ri'eri. Maiya ulləz Maryamu, Yusufu zi Ke'lu, nabo kamu oksu naa baara Rumsa Billəs. ¹⁹ Ya'za ulləz Yusufu, maza oomizzi ii deksu zur bansə te' paa, no̱k ri'ik iu faska lo'ti. ²⁰ Pii sundume rə, sei malaika gbəsurə ni rudummak, bonge, "Yusufu, waza Dauda rəz, ser kana kama kamkpa Maryamu rə pa, no̱k baara pe' eli ke̱e̱tə Rumsa Billəssə zi. ²¹ Dink waz a də'suku riir Yeeso, kweek mariya ulləi hakkei rə." ²² Netti bo'rum tele səna yi'is paka Daa Billə dook anabi rə bonge, ²³ "Gwenən waa nuuz pe'ek baar sə ding waz, sə də'su riir Emmanuwel'' uki, "Bill pu naa aa." ²⁴ Yusufu we̱e̱ rumrə, sə bo'rə ni malaika dook, ree pe' kiiza ulləz. ²⁵ Ama meu kiiziz pa, sei de' ding wazzi sə də'su riir Yeeso.