¹ De pu zəma dooləzi a genkən hakilo a aaz ina a gee Waza Billǝzzǝ paandə bo'ta sə a daa eska timr lo'ti lo'. ² Paka i doo malaikairə su'rək na zəmazi paak naa gapsapu zəmazi. Bil zees bisa ulləs naa go'num iya i mu'us duuka dookaiya ullǝi yai dikka bis yas naa mu'uska geeka pak sə ina kwee toksa ika kweeyak. ³ Ri'zi sə a gbisək ya? ana dàà oosa gbi'kak ak ya? oosa Daa Bil doosənaa ak, naa seedaakuma iya i gee ai. ⁴ Bil maa seedək naa yiika neta məsəmrət naa gbi'kəm soma so' naa bən eska Rumsa oomis sə mar naa iikaa gwandək. ⁵ Bil de'es malaikai ina gbaa dəlla pǝlla womkpal pa, goptǝra ri'il, tos kweebaazi na gbaa. ⁶ Uza doo rababairǝ pakkirǝ paa bonge, "Maza neezi ya, sə aka sundusuz ya? Koo Waa maz, ura a gbaau az ya? ⁷ A wom mari i gas malaikairə topa; ama a noosi naa gbi'kəm. ⁸ A es koo anya iirə dii. Bil de'es uzi gakp gwant koo andə paa ya. Eki yii ina seek sa'an pii pa. Ama ri'kak gə a og maz gwant unarǝ paa pa. ⁹ Ama e me̱e̱ Yeeso a gbǝtǝ paa ni ura gas malaikairə pa. No̱k ɓǝr baar sǝ wǝr, Bil essupu ara ar yasak. Yerpu Yeeso koo andǝya paa, no̱k Yeeso wǝr nok mari. No̱k Bil oksnaa yirkuki sǝ eni bo'rəm. Go'gon ara Bil yerkǝn Yeeso ri'ik no̱k ɓǝr baar sǝ wǝr no̱k aa. ¹⁰ Bil uzi wom net yassaz, go̱' no̱k uzi ii neta bo'rǝt yas gau. Yeeso uzi bo'rǝ sǝ Bil Kees mari. ¹¹ Yeeso,ura kaas mari naazi no̱k Billai, gwan mariya Bil doo ipu oomi ullǝ mu'ui yasai i keetǝ ar mukǝ, Gwan Billǝ. No̱k ri'ik Yeeso gee dǝksa zur derkirǝ uriyangi pa. ¹² Zinba ges bii gee kweebaaz doosǝ Bil, "N dook riira mool uriyagiya miirǝ te', N zink gella nooska moorǝl ar tookənaa iya i esǝ timrairǝ te'!". ¹³ Anabi gǝ bii rababaaz uzarǝ ina kweebaaz doo Billǝ paan: "N hooluku." Gǝbən ar uka rababaazə, Kweebaaz doo iya ipu ni yangiya ullǝiyairǝ bonge, "Mii naa yangiya Bil esəi epu ari." ¹⁴ No̱ka ri'ik, de iya Bil de̱ri yangiya ullǝiyai mariyi, Yeeso bǝn yerpu maz ni iik. Seetan punaa le'kaa bo'oskǝn mari sǝ i serǝmmum wǝrkak, ama Kweebaaz yer maz no̱k naa wǝrkaa ullǝk naa le'eska wərk yerək seetan maza gbam pii paz. ¹⁵ Yeeso bo'rǝ ri' no̱k sǝbo fasaa aa yas, sǝ a le'ek daaka sera wǝrkrǝl. ¹⁶ No̱k Yeeso yerǝn mazak, zaa po'ok malaikairəzi pa. Ouwo, no̱ka àà a a kwee Bil ni Ibraahim bo'rǝkki iya ii po'kaai. ¹⁷ No̱ka ri'ik sei Bil yer Yeeso see ni aak, ni "uriyangik." Gau firist a gbi'zaz og mari na yirkuz sǝ kamsǝ Bil toms naa timr mulǝz no̱k wǝrkən no̱k hakkeiya marirǝi sǝ bo'rǝ bilaa Bil ra'sǝkǝnik. ¹⁸ Yeeso le' sə po' iya ɓasu i toski hakkeirǝi no̱k ur naa zura gwandǝl ɓǝr baar sǝ tor ɓasuwa hakkeirǝurǝ.