¹ Ri'ak uri yangi, weerə nok paka daa rək na ree mu' səna noos zok ni pu iik, ² naa gɓak timr iya i go'pai naa mariya iya naa zammai ii yas zi ipu naa rums pa. ³ Nok Daa go'gon ur wengrəskən sə zo' on rumsa go'passi. ⁴ È puna kweeka Daa erə timlə nok ii, iibən səna go'ro ina ree mu'ka naa go'ka neta doosən ina go'rət. ⁵ Daa ona go'rus timtəya iiy, sə i kaa bill naa tabsəka timra Kweebaazəl. ⁶ Nopk ri'ak uri yangi è pui doosukəndə naa rira Daa aaz Yesso Kweebaazəl uri yangi keesən zuta iit, sə i ri'gə ri'gəta i kwee érət pa. ⁷ Ii bən i meemen ni ika gwegrənak è yiig zu'teya ey ni worbai i ri'gətək pa. ⁸ Gə̱ è regə kowa mazzeu kotto pa, è kam toms tuks naa ubla noka è mu'sukənnak pa. ⁹ Nok gəə epuna gɓam pa, ama noka è ri'gəskən zu'teya ei sə i gwegrə érə. ¹⁰ Nok bo'ta èpuna naa ii è doosən engə, pat ura kam toms paz ka'ina esu rek pa. ¹¹ È gee uri i ri'gə kotto i kam koo una pa iya i todo zuk zuk. ¹² Nok ri'ik ərim mariya eyi epu doosəkirə, sə epu dinsəki to'ro naa ri'ra Daa Yesso Kwewebaazzəl ina kam toms naa gɓaksəka zur, səna rəg koowa ewi. ¹³ Nok ri'ik uri yangi ka'i ke̱e̱s timra iil, timra go'ruka neta oomittə pa, ¹⁴ koo neya duu paka rababaazə aspa ina gɓaksu tokrə, ka'i tookən naa ur pa sə zok na buru. ¹⁵ Ama ka'i pe'eu um keerə pa dinsunu to̱ ni zeezak. ¹⁶ Nok ri' Daa gonum rəz na esən go'num koo bənaya naa koo araya, Daa na gau naa ii. ¹⁷ De'sikaa miik kaa ak, Bulus, naa na'a miiy uni gau alamaa miiz kalan rababaazza i biiwaz. ¹⁸ Go'numma Daa Yesso Kweebaaz na gau nasa ii ini pat, (na gau ri')