¹ Bulus, Silas naa Timotaawus rekarə mariya i esə timr Billəi a Tasalonikai daa aazzə naa Yesso Kweebaazzə. ² Go'num na gau naa ii Bill daa aazzə naa Daa Yesso kweebaaz. ³ ̀ E iisək Bill usseko koo benaya nok moi, uriyangi ina tooni eska timr iil pu bakrə nna gɓaaka koo neerəkya irə te' yas. ⁴ Nok ee naa zuta aai è pag naa gɓam iirə paa nok iya i esə timr Billəirə te' nok ɓeska baar naa eska timr, ɓerka baara iilə yas. ⁵ Ina anni uni sedaakumma bisa go'num ma Billəm, naa iika yeskən i dooton gwanta Billət, ura i ɓer baar nok ur az. ⁶ Nok Bill og go'num sə eska se'səm naa ee eya i ɓèsən baar ai. ⁷ Nok iya i ɓer baar ai i kink enggəska naa ee iya i ɓesnin baar ai ubla Yesso getkən naa kubrubaiya ulloi gɓi'kəya gɓi'ey, naa ɓama ullom. ⁸ Ra̱'a egəkrə te', gəsik rə iya i mee Bill pairə, naa iya i duu paka tingkak Daa aarəz Yesso rə pai. ⁹ I bǝrk baara ɓampal naa gə wo'gəski diga muuga Billərə naa gɓi'kəma ullom. ¹⁰ Na zaa ublaa rookro iya ookapai i noosuku iya i esə timr Billə i bo'ik neta mesəm rət, ublaa ekiro nok i see i megəs ina è doosi an. ¹¹ Nok eki koo neeya pu weereək rə nok ii sə Billa érel na bo'ro i too derkaa eki, səna tok sən ina rəə i ii wessan na tomsa eska timləs naa gɓi'kəm. ¹² Nok sə ri'ra Daa aazəl sə nooszok iirə, iib bən naa ur, nok go'nimma Daa Billa aalləm naa Daa Yesso kweebaaz.