¹ Yakub mon ghǝ Cogn tǝ kǝ Daadǝn Yesu ɓorghǝn kǝ Cogn, a usuli dzub tliti mbǝlǝŋǝi ɗaŋ cinǝ basaŋ-basaŋǝi mya wurǝki. ² Mbin tǝ ɓuruk nǝ polghǝn , gyaa yestatn kiliyo ɗaŋ kyaa tu buŋghǝni mari-mari. ³ kaa yisǝŋ tu diibkǝn caaghǝn raa waan caa bwaa dumnghǝn vwaa. ⁴ Gaa dumnghǝn vwaa tǝ yugnngar laa woshi ,duryo tu a naai tǝ bwaaghǝn luughǝni zuŋ-zuŋ,a naa ngǝtn won hŋ. ⁵ Bed tǝ gii kǝn yan gon waan ca suu saɗkǝni ,gaa tǝ ced a Cogn ,gyo ɗaŋ ca vǝr tǝ raa namboŋ ndǝr dlwaa yer ɓuruk gyo ɗaŋ caa ced hŋ, yaan ghǝn wo vǝrtǝ. ⁶ Bed tǝ gii tǝ kara tǝ caaghǝn raa, tǝ fi shiktikingǝtn won hŋ. Duryo tu ɓuruk murghǝ shiktiki cinɗaŋ rakumi ghǝ dǝllǝ ghǝ zha, gyo ɗaŋ yatar ca katar ndǝr vular. ⁷ Durghǝ gii a naa cib daashi gii ɓital tughǝn ngǝtnwon a Daadǝn hŋ. ⁸ Turshi daashi gii ci tǝ raa mbǝtlǝŋ ,gyo ɗaŋ a dlǝǝr a lǝb namboŋi hŋ a ɗeɓad tǝpm wos . ⁹ Gaa ŋaa naa ɗaŋ nǝ kui tǝ ɗu gǝǝb tǝ dǝllǝ ghǝ daan wos, ¹⁰ bed tǝ gii zar ghǝ tughǝni tǝ ŋaa daan wos ,dur yo tu, wo latsǝi ɗaŋ byaatli yaar kǝ ndǝǝr. ¹¹ Duryo tu dzaŋ caa nyolɗi tǝ vaaghǝn ndǝr kuŋ yaari. Byaatles kaai, ndaraghǝn wos mara. Cikkǝn murghǝ tughǝn wo ɓaaɗi a gib riighǝn wos . ¹² Ambaa muryo ɗaŋ a dluu vwaa gha dibkǝnes , wo tu kurgaam kǝ rai, gyo ɗaŋ taa ,ta mbi i ɗa rai nǝ mǝn suughǝn Cogn. ¹³ Ɓak gyo ɗaŋ caa diiɓ tǝta wul tu,''Cogn ngǝn caa diibǝm.'' duryo tu caa diib Cogn tǝ kuushi hŋ, yaan gamas caa diibgon hŋ. ¹⁴ Bed tǝ gi ko zari gyo kuskǝ ɓital ghǝn kǝ gib raa wos kǝn caa yi diib tǝ , gyo ɗaŋ caa ngab nyolarɗi nɗǝr mortǝ. ¹⁵ Ɗa kaari mbiighǝn raa kǝ kuushi, yaa mbii ɗa voi ,caa ɓwaa kuskǝ ngǝtn , ɗa kaari kuskǝ ngǝtn ya luui naŋ ,caa ɓwaa mǝǝskǝni. ¹⁶ Tǝ morki hŋ yestǝ naa nyaaretn. ¹⁷ Ko vergheni ndarani gyo tǝ ko ɓwaaghǝn verghǝni gyo ɗaŋ yiɗi gaami. Caa shiɗi gha Daa kǝ zhidkǝn sughǝdkǝni ghai hŋ ,ɗaŋ yo ɗaŋ shiis caa fi. ¹⁸ Cogn bwaa tǝ vǝr mi bwaaghǝni a te vii kǝ jom-jomi,duryo tu mǝ naa nǝ mǝn turshi kǝ gaami kǝ ɓuruk ngǝtn ɗaŋ a ndǝr. ¹⁹ Kaa yisǝŋ guni ,yestǝ naa nyaaretn : ko nuu tǝfi motl -motli ghǝ sǝǝghǝn kǝǝm,njirǝghǝn a wulghǝn vii,tǝ njirǝghǝn atkiti yer. ²⁰ Duryo tu tlighǝni zar caa fi laaghǝ mbuni ǝ Cogn hŋ. ²¹ Nǝ durghǝ gii dlaan ɗeɓad laaghǝ nyaŋǝi tǝ yuŋngǝn kuskǝ ngǝtn . Tǝ mbutarghǝn gaam , kabǝn vii yo ɗaŋ tǝǝ dluur ,gyo ɗaŋ wo ɗyaa vum raa waani. ²² Naan nǝ mǝn fighǝn laa tǝ ves ,a naa nǝ mǝn wunghǝn kaɗe hŋ, kiyi mor gamawan. ²³ Duryo tu kǝnyaan gon cini murghǝ fighǝn laa ghai hŋ, cin ɗaŋ zar yo ɗaŋ caa paŋ ɓwaaghǝn yir wos gha boka . ²⁴ Caa paŋ gamas tlii ,swad kyad laa wo maltǝ ,tǝ yo ɗaŋ a yi. ²⁵ Bed tǝ gi muryo ɗaŋ caa paŋ mborki kǝ sǝkkǝni shosho , nɗer ciken tǝ laabkǝni, caa naa ɗaŋ murghǝ wumnghǝn laa maltǝghai hŋ, daashi gin wo tu shiɗshiɗi a laa wos. ²⁶ Kǝn yaan gon caa tlaa gha raa tu cini murghǝ laabkǝni ,bed tǝ gii caa ngab vii wos hŋ,caa mor nǝ raa wos, laabkǝn daashi gi yigha mbare. ²⁷ Laabkǝni naa jom-jomni ɗaŋ caaghǝn vighai hŋ a ken Cogntǝ Daawopm,yaan nǝ gin ,a somkyaŋsǝ tǝ guɗi ɗaŋ gyaa tur wasǝŋ taa mǝǝshi ɗa a gib buŋngǝn wasǝŋ, zar tǝ ndǝr tǝ ngab gamashi tǝ naa tǝ mǝǝŋ hŋ a ɗǝgn.