¹ Ye ele re ne rẹ dẹ egbe re obọ ene rẹ ẹbho khian, ne re ehọ ele bhẹ ẹmọn, ne rẹ muegbe ne rẹ wẹna nọsẹn. ² Ne kha jiọ oria soso, bha khai khọn bha de egbe re ri idegbere ma ebhorebhe. ³ Ẹghe ri bhọ ni ma rẹ kha mọn akanehọ mada si bhu uwede re bi ahoemọegbe ọsọ nagbọn na ọda rẹ ma kin ọviẹn. Mada kha yẹnlen bhe ẹkẹ ọkhọlọ bi odabhegbe.Mada lu emin awala bi mada he'gbe man. ⁴ Ẹghe ni ẹjẹjẹ bi ahoemoegbe nọ so osẹnobulua nọ miẹnmafan ki rẹ ze'gbe re. ⁵ Ọbha kha yi iwẹni ikhiale ni ma lu ọkpanọ, ọda yi itohan nọ sọ le nọ ri umiẹfan man, nọ rẹ khọ malẹnan bhu ubiẹmi ọsọgbọn bi Ahue ẹlimin nọkhiale nọẹkhiale. ⁶ No osẹnobulua birẹ yaman bbho obọ nọsi Ijesu kristi nọmiẹnmafan. ⁷ Ẹseọhẹ nọ rẹ mi unu ma ọle zẹ mada yi ako lu uku , mada kha mọ ukhualoghe ọsẹ agbọn ẹdẹdẹmidẹ. ⁸ Ọnu uhọmujie na ọsọ ẹmoata nọ mẹn ho nun ro obọ rẹkhan enemi na rebhe, be na da miẹn ene rẹbhọ, osẹnobulua eki kha wena nọsẹn ene mi na, ọmẹn bi ọda mọ ebojarẹlu ji aghọn rebhe. ⁹ Be nọ dia nia, na ri obọ si bhi igbugan re be unenọ'ta nọbhagba be ikọekẹ airẹ bhẹ ẹmọ egbe ranmudu'hi. ¹⁰ Họ ọnọria nọ ru ughaleia khian bhu usu bha, bhi igbuhi isukpa da igbava. ¹¹ Uwẹ lẹ ọria nọ dia inian ọsi bu uwedẹ ẹmoata re, ẹkẹ iluemi khọlọ obhohiẹn gbe egbe ọle. ¹² Eghe ni mẹ ji Artẹmasi da Taikikusi giẹ, tuabe bumere bhi Inikopolis, eji da yọle in dia eghe ohuakha. ¹³ Lu emi rebhe nurẹ jie Izẹnasi nọ mu ẹzọ gui bi Apollosi jie le ọnu'wedẹ. Be na da miẹn ebha kha gane emi soso. ¹⁴ Ibhokhan lẹn nerẹ kha wẹni iwena nọmẹn no rẹ na rẹ lu sade sade aguanọ ẹjieje, ma kha kin eria na mi ikpẹ. ¹⁵ Ene ribhi isẹmẹn rebbhe ji otuẹ . Lue ene họ ẹmọman rebhe bhẹ ẹkẹ urẹbhọ. Ẹseọhẹ dẹ bha rebhe.