¹ Ọkpanọ, uwẹ tọtu urẹbhọ bhu uwedẹ nọ ghale. ² Ma nene wanlẹn imuekpẹn bhe egbe, umudia nosẹn, ẹwanlẹn. urẹbhọ nọ toto bhẹ ẹkẹ aho emọ egbe bi izinegbe. ³ Bhu uwedẹ ọkpa, man eni ikho ne wanre ne kha yẹnlẹn nọsẹn oiyi ene riọria elina la ene kin ọviẹn eyọn, ọkpanọn ne kha yi ene man ọria emi nọmẹn. ⁴ Uki yẹ man enun usẹn ikhui ele ne rẹ ho emọn ọdọlan bi imọn. ⁵ Ne kha wanlan, ne khia ne gbelo ghu'wa nọsẹn, ne rẹhọ ọdọlan bhẹ ẹmọn, be na da miẹn ẹmọ osẹnobulua obha miẹn ẹhiẹle. ⁶ Bhu uwedẹ ọkpa, ri'sudu ni isẹn ikpia ne nọ ewanlẹn nọmẹn. ⁷ Bhu uwedẹ rebhe re egbe ẹ lu ijẹemi bhi iwẹna nọmen. Bhi imaemi na sẹ re ọkhọ nọgba ekpẹn. ⁸ Bi uhomọujie nẹ ẹbho hele, be na da miẹn ene sọwodan eki miẹkọle ranmude eimi ọta ọbe tabhe egbe man ⁹ Man igbọn emi nẹrẹ ro'bọ rẹkhan uhi ọse onoyanlẹn be wmin rebhe, bhu uyẹmi bi ai gbugan re jele. ¹⁰ Ne le aira, ọkpa nọ ne ru urẹbhọ man, b nada miẹn bhi uwedẹ erebhe eki rẹ ọmẹnẹ bhi iluẹ emin no so osẹnobulua nọn mi ọrla fan man. ¹¹ Ranmude ẹse ọhẹ ọso osẹnobulua ọdagbare bhẹ ẹni ọsa agbon rebhe. ¹² Ọmama emili ma re he ebe yọ ọso osẹnobulua bi iho emọn emin ọsọ onagbona, nare yenlen abhi imuekpen bhe egbe, ọmẹn uyẹmi ọso osẹnobulua bhọ ọno renan. ¹³ Bhe ẹkẹ ighadalo nima rẹ miẹn uhanba nọsẹ man, uze egbe re ọso oriri ọso osẹnobulua nọ kpọnọlẹ bi ọmiomafan Ijesu kristi. ¹⁴ Ijesu re egbole man nọ rẹ miẹn malen fan, bhe ebemẹn rebhe bi nọrẹ rẹ malẹn ki ẹnẹkhale ji egbọle, egbe egbẹ eria na mọn ọhubhudu nerẹ lunosẹn. ¹⁵ Tẹ ẹmọn enemi na, re'sudu ne eria ne rẹ lu enan, ro otafo malan emi. Ai ji oria soso rẹ ẹlo gbe ẹle.