¹ Ipolu, oguomodia nọ so osẹnobulua bi ọnajele non si Ijesu kristi bhu urẹọbhọ eno osẹnobulua zẹle, bi alẹn ẹmọata nọ kugbe ba uyenmi nọ so osẹnobulua. ² Rẹ ji ukha ẹloghe osi uyenmi ẹdẹdẹmidẹ be nadamiẹn, osẹnobulua nọ bha ohoghoi, ive nọ ve ọbho otọ akuẹ mu onagbonan hẹn. ³ Ọnẹ ẹghe ki sẹ, ọda rẹ ẹmẹn nọ sọ le man bhẹ kẹ itẹ mọ osẹnobulua be na rẹ muọmen bho obọ be nọ rẹ ri bhu uhi nọ so osẹnobulua nọ miọriafan. ⁴ Reji tatosi, ọmọn ẹmoata bhẹ ẹkẹ urẹbhọ nọ sẹmanlẹ, Ẹseọhẹ bi ọfure nọ no ọbo osẹnobulua na Aba vae bi Ijesu kristi nọmiọrafan. ⁵ Rẹ jọ ọna mẹn da zẹ wobọ bhi ọnẹbhbona ikireti, nu rẹ hẹhẹ emi nọ bha sẹ foh bi nọ re zẹ ẹbho na kha ro otuẹ khia be ẹbho kẹkẹ be ji itama ⁶ Ona zẹle ọki ayi aria nọimọn uria bho obọ, ọdọ okhuo okpa, imọn ne yẹn nọsẹn, ne mọinọbe na ta ele bhe egbe, la akanehọ. ⁷ Emi nọmẹn nọ narẹ miẹn ọnọgbelo gho otuẹ bi ọre emikhian bhu uwa nọ so osẹnobulua, ọki ayi ọria nọ mọin uria bhi obọ. Ọida ahian bhe egbe, ẹkẹ kẹkhọle, oida ki ọdẹ ẹyọn gbe egbe. Ọi da yọnọ khọn okhokhon oi yọnọmọn ẹlo sibhemire. ⁸ Ọkpanọ, ọki ayi ọria no riemisi bho obọ re bi ọnọ ho emo eminọmẹn. Ọki amọn ẹwan, ilunọsẹn, ikhiale, bi imuekpẹn bhe egbe. ⁹ Ọki mama mu uhọmọnuje na male mọn be nọ ada sabọ ri'sudu ne eria nekẹle bhi iluẹ'min nọmẹn biọki sabọ rẹ dia ene sọlodan ¹⁰ Ranmude eria nebunbun neimẹn, ne ọta hoho bi ẹhiẹle mama glenan agba ẹbholo ọso oruẹ. ¹¹ Omẹn na rẹ dalan obọ yi. Erẹ ẹkẹ khọlọ uwẹnlẹn bhu uwedẹ ne rẹ man ẹmiẹkhọle nọ bha khẹke ne rẹ man. ¹² Akhasẹ nọsẹlan ọkpa tale, "Ikritans ebhaohoghoi emama nin ekanmẹ wẹ nemen, enei mọn ahu nele ebae ọbe". ¹³ Ọnẹ ẹmọn na, ẹmoata nọn, ranmudọna, mama rẹ ẹmoata manlan be ne ada kin ene maman rẹọbhọ. ¹⁴ Bha khaikha ka ehọr, ọso okha nẹ ẹdẹdẹ osi Ijuisi la ene eria nẹsi bhu uwedẹ ọsẹ ẹmọata re. ¹⁴ Bha khaikha ka ehọr, ọso okha nẹ ẹdẹdẹ osi Ijuisi la ene eria nẹsi bhu uwedẹ ọsẹ ẹmọata re. ¹⁵ Rẹ ji enekhiale, emi erebhe khiale. Re ji ene bhakhia bi ene bharẹbhọ emi nọkhiale ọkpanọ, ọkhọe bi udu nọn sele ọiria. ¹⁶ Eyọ ele lẹn osẹnobulua, ọkpanọ eda họle bhe uwedẹ ne rẹ yẹnlẹn. Ekin ena hele, ne mọn akan ehọ bi ene bha dia bhi ọnọẹ wẹni wena nọ mẹn.