¹ Je uwo bi iguiẹ zọ da bhẹwẹ bha? Eyi ọkhọle ebe mọn ne bha? ² Bha guanọ bha imiẹn. Ibha gbugbele bi azeku miẹn, obọ bha bha gale. ³ Ibha imọnlẹn ranmude ibha bha nọnlẹn. Ibha bha nọn nọnsẹn ọle zẹle ibha bha miẹn, nibha rẹ lu ebe ghọn bha. ⁴ Ibha nikhuo oghẹlẹ! Ibha bha ba lẹn ghe ọria nọn zagbọn bhọshọ regbọle kinlẹn eyinlan Osẹnobula? ⁵ Uwẹ ibe riale ihoho uwazi rẹ yi ọle ghe, "Elimin nọn khaile ni ọle rẹmanlẹn nọn ẹnlẹn bhẹkẹ manlẹn manman mọn oyadan?" ⁶ Osẹnobula manman ri ẹseleọhẹ re, uwazi da yọle, "Osẹnobula shi ene hian bhegbe kẹ otọ, ene mun ẹkpẹn ki min wshi okhunlun." ⁷ Regbe Osẹnobula. Khu ojuu va egbere re ọki nẹ ninẹn. ⁸ Sike Osẹnobula, ọle ki yẹ sike ẹ. Bha kpobọ khia, ibha ne lu eminlin ọbe, bha khia ọkhọlea, ibha ne jọkhọle eva. ⁹ Lu akhiẹ, ha vioya, bi eviẹ! Ojẹ sẹ jọle kin oriala bi ẹwele kin ẹkẹkhẹrẹ. ¹⁰ Bha shegke kotọ bhodalo Osẹnobula ọle ki shiẹ okhun lun. ¹¹ Bha hẹ zunu jegbe, ibhio nikpia. Onọ runu ji obhio ọlela nọn ri obhio ọle ka khian runu ji uhi bi ọgui ẹzẹ uhi. Ukha ruhi ka, uwẹ iyi ọnọn rekhan uhi, sokpan ọbhu ohiọn. ¹² Okpa sẹghẹ ọle họgbuhibi ọbhohiẹn. ọle ọkpa sabọ hinmin ọki yẹ gbe. Kọ huwẹ, uwẹ nọn gui ẹzọ ene dia ke ẹ? ¹³ Ka ehọ nia, uwẹ nọn yọle, "Elẹna la ewiẹ iman ki diọ bhẹkẹ ọni ẹbholo nan bhi ukpe ọkpa bhenon, duẹki min elele. ¹⁴ Họ lẹn ebe la sunu ewie, bi agbọn nọn sẹ khin? Ebulu uwẹ khin nọn ha dagba re bhẹghele khere ọki hoho kua. ¹⁵ Okhẹkẹ, uki yọle, "Okha ghọn ebeakẹn, iman dẹ ha zibhọ zẹ lu ọnan la ọnin." ¹⁶ Bhinia uwẹn dẹgbo emanman ọfẹ. Eni emanunan nin rebhe ọsọbe nọn. ¹⁷ Bhinia ọnọn rẹ lẹn lu eminlin esili nọ bha ka luọle, ọki kin eminlin ọbe jọle.