¹ Bha hẹ jibha ne bunbun ha yi omanebe, ibhomẹn nin ikpea, ranmude ene man ebe ele manman mọn iguẹzẹ nọn sele bho odẹ nọn gbale. ² Man ne bunbun dua awẹ bho ọdẹ ne bunbun. Onọhirẹkhin nọn bha awẹ bho odẹ ọta ne bunbun, ọnọ ọria nin ọle ọria nọn gbale, ọle yẹgbo sabọ rẹ gbalo ghe egberebhe. ³ Ejayenian, uwe ha gberan esin bhi unun ne ha henmonlẹn man, man dẹ sabọ gbaloghe egbe nọn sole rebhe. ⁴ Sẹlo bhọnan, aha miẹn ọkọ ẹdẹ, eberẹkpọnọ yẹ okpahoho ọle suale, bi ukpomi alaba khere suale ni ọguokọ rẹ rọ se egiokhan. ⁵ Iriọ yẹ nọn, ukpolamen omiọn khere nọn bhe egbe nọn sẹ manlẹn, iriọ rẹ dẹgbọ emin emin ne bunbun. Sẹyẹ sẹlobhọnan omi eranlẹn khere ọle tuẹ okpẹwẹa. ⁶ Onukpolamen nan a ranlẹn non, nọn mun ọnangbọnan fiọ bhẹ ẹkẹ ilueminebe bhe egbe man. Onu okpolamẹn nan ri itọn bhi egbe nọn seman rebhe, oimuno, fiọ bhi ẹkẹ oranlẹn ọsi iyẹnlẹn ọle tobọle ọi sẹ yẹ ato bi agberanlẹn ⁷ Bhẹkẹ elanmẹn ẹwẹ rebhe, afianmẹn, ẹyan bi elanmẹn ẹdẹ ai muere bhu uwa nọn ọria ha gbalo ghele. ⁸ Oria ribhọ nọn sabọ gbalo ghe ukpolamen. Ebhi ebe ọkpa vunlẹn bi obi rebhe. ⁹ Olearẹ man rẹ gẹn ebialẹnman bi Abba man, ọle man sẹyẹ rẹ ghumu eria, nan manlẹn bhi adudu bi ukhu egbe nọn si Osẹnobula. ¹⁰ Bhẹkẹ ọnun unun ọkpa ọle erọnmọn bu ihẹnlen nan dagbare. Ibhio mẹn ni ikpea, hei jonan ha ririo runan. ¹¹ Bhasẹka miẹn ẹdẹ nan da samẹn ọbhọn unun nan da samẹn nọn riẹnriẹn bi amẹn nọn riala? ¹² Bhasẹka miẹn a ri fig tree, ibhio mẹn ni ikpea, mi ikpẹ olives? La a ri grapvine mi figs? Iriọ yẹ nọn amẹn ubhẹn ọi saba rẹ na amẹn nọn bhẹnbhunun. ¹³ Kọ wanlan nọn lẹn eba rọ ọta ta bhẹ ẹwẹ bha? Jọ ọnọ ọria rẹ man bhẹ ẹkẹ iyẹnlẹn nọn mẹn bhẹkẹ iwenan nọn mẹn, idegbere bi ẹwanlẹn. ¹⁴ Aha miẹn uwẹ da mọn ọkhọ ariala, ẹlobho bi ọkhọebe hẹidẹgbọ abhaogheli rẹji uhẹnmọnata. ¹⁵ Onani yẹ ẹwanlẹn nọn ni okhun vae. Osọnagbona nọn, ọiyọ so orion, ọse esuu nọn. ¹⁶ Eji elobhọ ye bi ọkhọebe, orughu bi izingbe nọni mẹn rebh. ¹⁷ Okpanọn ewanlen nọn ni okhunlun vae okhiamin, ọda mọn ọfure, ahoẹmọngbe, idegbere, ẹwanlẹn, irohan bi ikpiru nọn mẹn, ọnọni lueku bi ọkhọ agie. ¹⁸ Ai ri ikpiru nọn khaile kọ bhẹ ẹkẹ ofure bhẹkẹ ene rọ ọfure khian.