¹ Ji ahoẹmọnegb ọsi ọbhio rusungbe. ² Hei yelea nun rẹhoẹmọn ọriọbhe. Arekhan ọnodẹ nan eso rẹ ahoẹmongbe man ehi bhẹkẹabhalẹn. ³ Ye eno onighan re banale uwe bi ele okpa nọn. yere enebha lu oria nọnsẹn bonale ọkpa uwekhin bhẹ ẹwẹ ele. ⁴ Bhaji ọrebhe mun ekpẹn bhọ rio okhuo, bọna nan miẹn ukukhuo inowẹ bhi ibọdo rie okhuo ọki khia, remunde osẹnobulua mọn gzọ bhu ohiẹn bhi ukegbe ọsi okan bi idobolo. ⁵ Iji urẹkhia nọn sẹ nin bhẹ ẹkẹ ahian bhe ọsẹ elo bhọ ọsi igho. Je ebumọnlẹn khọnẹn, ranmunde Osẹnobulua tọna. ⁶ "I bhaha zeobọ, laa ikhifikeke gbẹ" Ji ma khọn bọni man da ha mọn ole rẹkpa mẹn ofẹn da munmẹn. Bọ ọria sabọ lu mẹn le?" ⁷ fẹ ene rẹbha khian gbe, ene temọn Osenobulua man bha, uwẹ kuẹ ghe ihasa ọsi urekhia nọn sele. Regbe tẹẹ urẹbhọ nọn sele. ⁸ Ijesu kristi bejo ye inode, iriọ ye elenan, iriọ ọye ọsẹdedemẹndẹ. ⁹ Hẹitua re obo rẹ khan iman ebhi nọn bha gba. Oidiabhin nan rẹ miẹn ahu nọn sẹmanlẹn muzeze bhi ẹkẹ se ohẹ nọn si Osẹnobulua iyi bhẹkẹ ebale nọn bha rẹkpa ene khian bhẹ ẹkẹ ọle. ¹⁰ Bhan bhọn ojukhuo nan da mien ene gabhọ ebhọn ahu nerẹ la ebale. ¹¹ Ranmunde aralẹn osi ene elamẹn nin nan gbea ne emin ebe eno oje ohẹn munre bhi eje khiale, beji arẹmien egbe nọn sele akhi tuẹ ẹlea bhodo olele ọsi ene eko. ¹² Iriọ Ijesu rẹgbo loya bhi ọlele ọsi ogbodẹ, bọ nọn ada kpekhia bhi ẹkẹ aran nọn sọle. ¹³ Bhaji man bu ọle bhi olele ọsi igule, niman re miẹn ẹkhọle nọn sọle bhe egbe. ¹⁴ Ranmunde man mọn agbaẹbho bu ukotọlenan nan bhaha saba re min ọle ele. Bọnọn ki dia nan, man mọn ikhua elo gi ukpọkpa nọn vade. ¹⁵ Rẹ no obọle, ibha jiman zọ ese osu ugẹnbhi gi osẹnobulua, ugẹnbhi nọn kiẹọn ikpiru ọsi unun nọn lẹn eni ọlẹn. ¹⁶ Bha he ji man yelea nan rẹ ha lu emin esili bii nan re rẹkpa ibo ọria, ranmunde ẹseọhẹ nọn sẹ rio ọle ie Osẹnobulua bhọ. ¹⁷ hẹnhọ uadegbe re ne enerẹbhakhian, ranmunde ele gbale ghe ahu bha be enea yẹgbo tale inian bha rẹ yẹnlẹn. Hẹnhọ bi enerẹbhakhian nan wenan bhẹ ẹkẹ eghọnghọn ayi bhẹkẹ akhie, nọn ha yi ebhi nọn bhagba rẹ jiẹ. ¹⁸ Ne erọnmọn ji man, ranmunde mani man man mọn ọkhọle nọn khiakhiale bii man yẹ mọ ọnọn ọni uynlẹn ni nan re lu emin rebhe nọnsẹn. ¹⁹ Mẹn zẹwẹ ude nu uwẹ rẹ lu ọnan, be jimen arẹ bu uwẹre ukpẹghe nọn bha regbe. ²⁰ Ejayenan nan mo osẹnobulua ọsi ọfure, nọn re kpanọ bhi uyumin ọrohun kọn non kpọnọle, ne Ebianlẹnman, bhẹkẹ aranlen ọsi okovẹn ọsi ẹdẹdẹndẹ. ²¹ nọn ne emin rebhe ne mẹnfo ju uwẹ re lu iho nọ sọle, wenan bhẹkẹ uwẹ ebe gbale rẹjọle, bhi obi Ijesu kristi, no oriri ne osi ẹdẹdẹmẹnde. isẹ. ²² Ejayenan mẹn zẹwẹ udu, ibhiobhẹn nin ikpea, ni bha ha mọn ẹbhọn izebhudu nọkiẹn imẹn gbẹn ju uwẹ. ²³ Lẹn ọnan obhiomẹn itimoti amiọnlẹn fan, nọ ze imẹn bhọ daghe bha sade ọikẹ vae. ²⁴ Tuẹ erebhe nẹ rẹbholo khian bii ọrebhe ẹbholo ne khiale ọsi osẹnobulua. Erie nin Italy vae rtuẹ bha. ²⁵ ẹseọhẹ ne bhare dia.