¹ Bejọ ki diariọ, nadamiẹmin agbọn -ọsai nebunbun diagamaẹn, bhaji-iman shi-ihẹ kẹkẹ bi emiebe nọnro - ofẹmuọria chie. Bhaji iman re-ekpẹn ru-ọnu-unẹ nayi iman rulu. ² Bhaji iman kae Ijesun ehọ, onomugbọ bi urẹsotọ nẹbhi - urẹkẹleọ. Ramude ọne - eghọnghọn nan rẹ nanlẹn ọda sabọ yẹn-egbe bhọ ọno-oran ughughe, ọda rẹlo gbẹ ẹkhọlea, be jọ da dọ dotoa bho - obọbera nẹbhẹ ẹgua osẹnobla. ³ Benkidiario, uwẹ ria ẹmọlẹn ọnọria nọnyẹọegbe bhẹkẹ enehọle nebhọ lue - emiebe rẹye - egbenọnsọle benadamiẹn egbebha lọẹ bhọ ọkhọle nuwẹarẹzi Iyẹnlẹn obọ ⁴ Uwẹ bha sẹ nọ tẹngbe rẹ zakhuakhua daemiebe dọrẹ sẹ bhe ejoada zẹaranlen: ⁵ Uwẹ da yea ibhude natamaen bi imọn "omimẹn, hẹ riale khere lgbebhu - uriamin nọnse - ebianlẹmaẹn, uwẹ hẹawẹgbẹ sa ha diaẹ. ⁶ Ramude, ebianlẹnman gbọmọn bhe - esankan nọnle hoẹmọnlẹn, ọiroya nọn ọmon nonle miẹon-bhegbe". ⁷ Yẹngbe iloya bi igbebhu - uriamin. osẹnobula neọluemin bi - imọn. ọmọn nebhọ kiribhenin nabai da gbebhu - uriamin? ⁸ ọkpakinọn, ahamiemin abhagbeẹ bhu-uria min nọnrebhe daghale ẹghenin uwẹ ki kiẹn ọmọn na muọ-bhọ ọmọn oiyi ọmọn jẹje. ⁹ Narẹludiọ bho-odalo, imanẹn mọaba ọsi oria nọn gbe man bhu-uriamin, imaẹn muekpẹn nele. ekeka bhọ ki aba ọsẹ-ẹlimin bi anin nimaẹn da zegbeobọ nan. ¹⁰ Enabamanlẹn gbeman bhu - uriamin bhu -ukpomiẹn - ẹghe khere be jele riale ọmẹnẹ. ọkpakinọn osẹnobula gbeman bhu-uriamin rẹjọ ọmẹn nọnsẹ manlẹn, bejada miemin iman ki ghale bhẹkẹ ikhiale nọnsọle. ¹¹ Igbebbu-urianim ribhọ nọ mẹbhẹ - ẹlo bhọ ọnẹghenan, ọkpakinon ọibabhegbe ọkpakinọn ahazẹbue ọki ri ikpẹ ọsọ ọfure ọsi ikhiale ne - enẹbhonin namalemin. ¹² Benọkidiariọ muobọ nọnsẹ zeze nọnrẹa diọbhoto bi iguẹlẹ nọnsẹ nọnrẹ ha wẹghẹ. ¹³ Gbu - uwedẹ nọndiale neramen nọnsẹ, bejadamiẹm ebe kian-akhun aida shiọ si bhu - uwdẹ re ọkpakinọn egbekidalẹn. ¹⁴ Rọ - ọfure bi ikiale khurẹ khan ọrebhe, ramude ọnairibhọ ọriasoso - ida mie - ebianlẹman. ¹⁵ Reewanlẹn benadamiemin ẹseọhe nọnso osẹnobula man abhaguanọ baku, bejadamiẹn ukpọkhọ-obi bhajẹre nọnha siẹ-ẹmọre, bejadamiẹn enebunbun ọbha riae ele ọkhọlea. ¹⁶ Reẹwanlẹn, benadamiẹmin ebho negbe esankan bi isọ (Esan), nọn ramude ebae isakpa ọdakhia ebediananlẹn. ¹⁷ Ramude, uwẹ lẹmin, ọnẹghenan kigberafo, nọn-ọle re ha guanọ nọnle rẹ lọnahianba bhu-uku ada họle ramude ọbha yẹ miẹn oto gba-apupua nourẹ fidenọ aharẹmiẹmin Roi re-eviẹ guanọle. ¹⁸ Ramude uwẹ bha vae bhọ ọnukoke narobọso, ọkpakinọn, ukeke ọse olame-eranlẹn, ebiuki, bi efi. ¹⁹ Uwẹ bha vae bhi akala nankhuele, la urulu nọntalọ nọn - ọnọhọlẹn da bhi nahẹ chie tọ-ọbhebhe manle. ²⁰ Ramude, ebhasabọ yẹegbe eba gbuhiọle: "Aarẹmiẹn ẹlamẹn robọ su - ukoke, adẹ ru-udo gbọle" ²¹ Bejọ-ọki diariọ, ofemunari imosis (moses) bhe ẹlo nọnda tale: ofẹmumẹn imẹnguọ. ²² Nọnrẹdiariọ, uwẹ vae bhu ukuke ọsi zayọn (Zion) bi agbebho nọnso osẹnobula nọn yẹnlẹn, Ijerusalen nọnsi eguaokhun dọrẹ si bhi uli - uli bhi - ijian - igbe ọsẹ ẹhi neghọnghọn. ²³ Uwẹ vae bhẹkẹ osikokore nọnsọ-ọmọndiọn, nagbeelieleọbhoto bhẹguaokhun. uwẹ buo-osẹnobula re. ọbhuohiẹn nọnsọrebhe, bi reji ẹlimin ọsi-ionon-khiale nan rẹ musẹ. ²⁴ Uwẹ bui ijesun re, ọnọmiu-unu no-okovẹn. nọnsọgbọn, dọrẹsẹ bhi aranlẹn nan fiamẹọbhotọ nọn talọ gbera aranlẹn nọnse ebẹ (Abel). ²⁵ Jimaiẹn uwe bhahe ọnọna nontalọ. Abamiẹn ebhasabọsibhobọ nọsọlere bhe-eghe nere mọakaehọ da ọnọhasekhanele bhu-ukotons, ekeka ki ọsẹmen sahamiẹn iman mọe akaihọ da ọnọneguaokhun sekhaman. ²⁶ Uriẹghe ọkpa, uruọle dad mu-otọ lueghe ọkpakinọn bhọnẹghenan, ọivive nọnda tale, "Uriẹghe ọkpa ọiyo - otọkpa imẹn damu lueghe, ọkpakinẹn ẹguaohun diyẹ debale". ²⁷ Enẹmọnan, "uriẹghe ọkpa", tare ẹghe na ha rẹ ne-enemin chin naha sabọ mu-lueghe, ọnihe enemin na manlẹn, be nan damiẹn enemin nọida sabọ mulueghe eki kẹre. ²⁸ Bejọkidiariọ nanrẹ ẹmin ẹguale nọida mulueghe, bhajiman khuẹmo-osẹnobula bi ughọna bhọ ọnuwedẹnan bhẹkẹ ekpẹn bi ọghọ. ²⁹ Ramude osẹnobula manlẹ olamẹn nọntue eminlian nọn.