¹ Ejayenan rji uvade nosi Ijesu bi oni man da sikokore khe uvade nọsọle man guini bha ibhioo. ² Ni bha hei ja aman hian bha, la nu udu wa bha, ọhare kin elimin, ota la ebe no dea bi manlẹn gbon rẹ nareyin eghe nọ si Ijesu ọ dotọ re. ³ Hei jo ọya hiee bhu uwede nore rikhin. Ranmude ọisẹ vae okuese enebunbun dele bho oga, ono okpea ebe ni, ọki zegbe re, omon nọsu uria bi odumuan. ⁴ Ọnan họ ọnọ no osẹnobulua tia abo non tuen egbe ole okhunlun gbera emin rebhe nan tiole osẹnobulua bi eba gholo nan. Oda dotọa bhu uwa otue, oda re egbe ole man bo osẹnobulua. ⁵ Bha bha yere eghe nire ha ribhe ejibhaye, itenan rebhe man bha? ⁶ Ejayena bha lẹnlẹn be dale obo yi? bo ona do mien ha zole egbere re man bhe eghele non . ⁷ Olo nonsi eiro obo bhu uhi, owenan foo ọkpanọ, oya sei nibhọ no dalo obọ okuese ha re ole sibhi uwede re. ⁸ Ọnẹ ẹgh nin, aki zo ọno omio ojuu egb dagbare, ọle Ijesu ne Ehialẹn manlẹn laro ohienhien nan unun onlen gbea oki role kin hohoo. ⁹ Onu vade nosi omiojuu ọdẹi kin iwenan nọsi ojuu bi ahu rebhe, iyama bi emin ohailolo neso ohogholi. ¹⁰ Bi olukhọlọ kẹkẹ nerẹ hiẹ ẹbho kẹkẹ ne kika mu egbe oriaa fo ranmude he bha ho emonlẹn emoata, ne nin. ¹¹ Ranmude onan osẹnobulua da ru ureobho ọsọbe nele bejele oda rẹọ bho ohogholi. ¹² Bọ ọnele da kilen ene ariaa nebha rẹọ bhe emoata, ọkpanọ eda ghonghon bho olukhọlọ ¹³ Man dehei khuemen osẹnobulua nibha egherebhe, ibhioo, ne Ebialẹn manlẹn ho emonlẹn, ramude osẹnobulua zẹ bha bi irulu non olenihen nea nin bhe ukpkhian bho obọ nosi ẹlimin nokhiale bi ureobho emoata. ¹⁴ Uhomuje nọsi Ijesu ni man tama bha ole ọrẹ tie bha bọni bha da mien oriri nọsi Ijesu ne Ebialẹn manlẹn. ¹⁵ Ibhioo, bha mudia nọsen, bha mu ọne emin rebhe nin man luẹ bha ele, ọkhare kien bha ọta la ebe nan gbẹn. ¹⁶ Ejayenan,Ebialẹnman ni Ijesu kristi bi osẹnobulua nan Aba manlẹn, ne ho emon manlẹn, eda ro ofubhegbe ọsẹ ẹdẹdẹmende imanlẹn, bi ighodalo esili bho obọ Eseohe. ¹⁷ Non toto, ọaye funo bha udu re bhe ẹkẹ ilomọn esili bi ọta esili.