¹ Ipọlọ, Isivanus bi Itimoti rji otue nọn ribhe Itezalona bhe'ke Osẹnobulua nọn Aba bi Ebianlen malẹn Ijsu kristi. ² Eseọhẹ reji bi ọfure nọ no obo osẹnobulua na Aba bi Ebianlen Ijesu kristi ³ Man dei he khuẹmẹn osẹnobulua niẹn ẹghrebhe, ibhioo, ọigbamin, ranmude urẹ'bhọ nọse owanre ẹgherebhe, ihoemọn'gbe, nọ ọne de ọde manlẹn da oibọle ọre okhun okhunlun. ⁴ Man bhọ irebha dẹgbọ bhe ẹkẹ otue ọso osẹnobulua, ranmude iziegbe be urẹ'bhọ bheke okpokpo bi iloya nibha ziẹnlẹn. ⁵ Ọnan reman ibhuohiẹn nọdiale nọso osẹnobulua bọni egual okhunlun nọso osẹnobulua nibhalo'ya na. ⁶ Ẹmoata,ọigba min, no osẹnobualua rẹni iloya ne ene ro oya nibha. ⁷ Ọki rọ ọfunore ni bha ne laya rekha manlẹn, eghe ni Ijesu arẹ no okhun vae, ele bi ene Ehi nesọle. ⁸ Eke olemen eranlen, ọarẹ so ikhili bhu ukegbe enebha lẹn osẹno bulua bi ene bha rẹobhọ uhọmuje nọsi Ijesu. ⁹ Edei loya uriaa bi udumuan nose ededemende bhu ikeke Ijesu bi oriri nose ahun nọlọle. ¹⁰ Odei luo ona, bhe eghe noa re vae bho enu ukpede ni nebho nekhiale nọsọle are mu oriri nanlen óki han enereobho rebhe ilolo ranmude erobho oseli manlẹn. ¹¹ Ranmude onan, man se daye bhi nibha eghe ẹghe bọno osẹnobulua da rebha kien noa re lu oni ilomon natie ẹ ọ bhe ekeahu nọsọle bọnoa da lu emanman esiti rebhe jie bi iwẹnan ureobho nose. ¹² Man nan one eromon nan re mun oriri ji elinlin nọsi Ijesu bhu uwẹ bu uwe bholle, beji Eseohe nọsọ osẹnobulua bi Ebialen Ijesu kristi.