¹ Ipọlọ, Isilvanus bi Itimoti rẹ ji otuẹ nọn ri bhi Itezalonia bhẹkẹ Osenobulua bi Ebianlẹnman Ijesu Kristi. Eseọhẹ bi ọfure kiẹn ọsẹbha. ² Iman tuo Osenubula obulu bhu ukegbe nọn sẹ bha sue ilin nọn sẹ bha ẹgherebhe bhẹ ẹkẹ inerọnmon. ³ Iman yere bhi iyalo Ocenobula nan Abba iwẹnan urẹbhọ, ahoẹmọnegbe, izinegbe, igboyabhigbe bi ikhualoghe nọn ni obọ nọn ọsi Ijesu Kristi vare. ⁴ Ibhiomẹn ni ikpea nin ho emọnlẹn bhẹkẹ Osenobula, iman lenẹnmin ọi zẹbha. ⁵ Ramude itẹmọn Osenobula ọsejibhage ayi bhẹkẹ ọtakpa, ọkpakinọn bhẹkẹ ahu, oriọn nọn khaile bi idegbeyan. Bhẹkẹ enodẹ rebhe, bhaiyẹ lẹn ukan ọria nin man khin bhẹ ẹkẹ ibha rebhe. ⁶ Ibha regbetai iman bi Ebian lẹnman, ẹghe nin ibha rẹ miẹn emọnlẹn ọsi Osenobula bhẹkẹ ekpokpo bi eghonghon nọn nin obọ orion nọn khaile vare. ⁷ Ramude ọnan, bha kiẹn ijemin rẹjiMecadonia bi Achaia ne rẹbhọ. ⁸ Rẹnabhi ukegbe bha, ẹbhọn Ebian lẹnman fi agogo dagbare, ọiyẹyi bhi Mecedonia bi Achaia, ọkpa nọn urẹbho Osenobula nọn sẹ bha dagbare bhi ijeberhe. Ramude ọnan mani yẹ min ebiman ta reji ọnan. ⁹ Onan zele mani yẹ min ebiman ta reji egbeman rẹtẹ umiẹn bhe egbe nọn sẹ man bhẹ ẹwẹ bha, bi ebi bha rẹbu Osenobula bhẹ ẹkẹ igẹbo dọ ha go Osenobula nun uhẹnmọnata, ¹⁰ bi ebi bha rẹ ha muegbe khẹ omọn ọse Osenobula nọn no okhun vae, nọn kiẹn ọnọn ni idin kpanọ-Ijesu, nọn kiẹn ọlẹ miẹn bhan fan bhi iguẹzọ nọn vade.