¹ Ran mu de ibha egbe bha, ibhio ne bu bha re hi ye ghe ebha mon ebe ha da rẹ lu. ² Eboki khin, bi eji ibha lenlen, ghe iman ka wo mama loya bhi eghele non gbera bi eda yẹ lu imalen emi ẹkhole bhi egbe bhi otọi Ifilippi, iman da ha mon ọhubhidu bhi Osenobula non osẹ man ni iman rẹti ẹmon non si Osenobula bhi izakhuakhua. ³ Ran mu de, ugen min non sẹman, eyi obọ si okan ọnan vae, la abhiolo, lan umurẹu. ⁴ Reji onan, bọni Osẹnobula re zẹ manlen, mu ẹmonlen non sọle iman bhi obọ iriọ iman re ha tale, hẹ yi rẹ ji. Otiti non si okpia, ọkpa ki non, rẹ ji Osenobula. Ole non, non fẹ ọkhọle ghele. ⁵ Ran mu de, iman bha vae dọ tale, aba yọle, bi eji uwe lenlen, la aba dagheimen nan rẹ gue akhẹlu, Osenobula ole hi ọsali. ⁶ La iman guani otiti bhi obọ si eni ebholo, la bhi obọ non sẹ la ni ekele. Iman hẹ sabọ ha zẹ bi osi ohen non si Ikristi. ⁷ Okpa ki non, iman da mu ekpen bhi egbe bhi ẹwẹ ibha bọ ni oo re gbelo ghe imon ne sọle. ⁸ Bhi ọni uwedẹ nan, iman da ha mon ifuẹkele re ji uwẹ. Oda sẹman eghonghon ni iman rẹ ti ẹmon non si iyelen non sẹman len ranmude, uwe ki uriemin rẹji iman. ⁹ Rẹji, uwẹ yele re, ibhio, ihohore bi iwenan non sẹ man. Osi ason bi ọsi odamen iman re ha wenan bena da miẹn iman re ha tẹmon non si Osẹnobula man ibha. ¹⁰ Osahi uwe khin, bi Osẹnobula sẹyẹ, bo khia yẹ, lunonse bi okanine re ji ebi iman rẹ yenlen yẹ, rẹ ji ibha ne rẹọbho. ¹¹ Bhi ọni uwedẹ seye, uwe da len ebi iman re de ba ibha rebhe kẹkẹ, bo si aba bi imon ne sọle. ¹² Ugenmi sẹ, sẹyẹ ri isudu nien bi mu udu non sẹ zeze nu re khian bhi uwedẹ, non gbalẹ si Osẹnobula, non tatie uwe bhi ẹkẹ ẹgua bi otiti non sọle. ¹³ Ranmudi onan, iman nan ha khuen mi Osẹnobula ẹgherebhe, be ja da mien ẹghe ni uwẹ ki rẹ mien bhi egbe bhi obọ man, uhuonmi ujie non si Osenobula, uwe bha da riole bi ọta non si okpia, ọkpa ki non, bi eji ọdia bhi uwedẹ ẹmuata, ọni ẹmon Osẹnobula, non sẹyẹ ha wenan bhi uwẹ non rẹọbhọ. ¹⁴ Reji uwe, ibhio, bha kin ureghe khọkhọ non si otuẹ rebhe non si Osẹnobula ne ribhi Ijudea bhi Ijesu Kristi. Ramunde uwe sẹyẹ loya si ene min ye bhi obọsi eni ikpia ne sẹbha ne ribhi ọni agbaẹbholo, bọ ne lu bhi Ijesu. ¹⁵ Ene gbi oni ebianlen Ijesu bi ọni ọsakhasẹ a, bi ene khu iman kua. Ebha lu ebe ti Osenobula bhọ, ọrẹdiaro, ebha huemon egbe. ¹⁶ Ebha ji iman da ni ibhokhin Ijentiles talọ bọ ne ha da mi umien fan. Ebi ele mien bhọ, hi ghe, ki ji emi ebe non, okele eda mien bho, ọkike. ¹⁷ Okpa ki non, bhi eghele non bha tan gbe, eda ne uman ibhio si bhi ẹwẹ ele re, bhi ukenegbe, hẹ yi bhi ọkhọle. Oda maman si iman bhọ bhi ọghomen ni iman rẹibha ẹlolo. ¹⁸ Ranmude iman guanọ ni iman bu we re, gene, imen, Ipọlu, gbokie yẹ, alimin-ebe da mu iman monlen. ¹⁹ Batie ighodalo non sẹman, la eghonghon la ejele si ihianbhi egbe bhi iyalo non si ebialen man Ijesu,bhi eghe non ha rẹ vae? Ebe yi uwẹ? ²⁰ Ramunde uwe, ebianlen hi otiti bi eghọnghọn non sẹ man.