¹ Okpakinọ muolukhọlọ rebhe bhi egbọkpen bi ohielu, abadaghemen, ihienlo yiẹn bi irunu gbe rebhe. ² Bọ ọmọ nan labiẹ rẹ guanọ amẹn iyielen nọsi orion, bejia danien oki rẹ wanre bhẹkẹ ẹni,. ³ Uwe hadanmẹn ebianle uki kere ọ moitohan.. ⁴ Buolere uwe nudo noyielen nagbon hele, uwe kikion ọno osẹ zele natiolemili nọsọle. ⁵ Uwe yie diabu udo nọyielen nanbon bu uwa osi orion bejọ dadiabi ene khiale ohenlen ne zọese oso orion jo Osenebulua no nobi Ijesu khristi vae. ⁶ Ebe nọkhiale gbonlen, ghe, ime gbelotọ bhi izion udo nọ muwa monlen, nazele bi natiole emili, ọnọ kire khi nọrẹbhọ ọda miẹ ẹkhọlo". ⁷ Ọnọ ọghọ kion ẹsẹ nọrẹbhọ ukpanọ ene bha reọbhọ, "ọnu udo ni nebu uwa hele, ọnan kikien ọne ẹlotọ". ⁸ "Bọ ọnu udo nẹ ekpokpo bi ọnu udo nọ mune ẹbholo dere" Edere ramude ebha rẹobhi ọnọ ọta natamale nealu. ⁹ Eria nan zele makhi, ohenlen namuekpena, agbebholo nekhiale, Ebholo nekon oso osenobulua. Beji uwe darema ohanlolo iwena nosi ọnọ riani no tielea sibheke ebiuki re vae bheke urukpa ọanlolo. ¹⁰ Eghele kaharibhọ imale bha kieria, Ejakiyena eso osenobulua makikhi. Uwe bha kamọnle itohan, bhejayena uwe kimi itohan. ¹¹ Ọmọle, ime datie bi eriobhe bi ene ribhi iyaebholo nima siegbe sibhi iwene efuegbe re ọna nọ ọkhọle manle khọnlẹn. ¹² Iyielen nọse manlen kikiọn ọnọ mose, bhe ẹwe eneriani ne bha len osenobulua, Ahaki mien eru unu gbemanlen bhe emili ne mien, eki daghe ilueminosen nọsẹ be eje ekhemen adakion oso osenobulua bhe eghe nọan re vae. ¹³ Muekpen nuhi rebhe ne erebholo khian gbele ramude ebialemale. muekpen nọ ọnoje bọ enekokhune. ¹⁴ Bi ene rebholo kian, ne enebholo zẹle nea gbielunọ se gbo obọ riuhi bi ekiye reihanosa ne ene lunosen. ¹⁵ Ọnan ọnọ ọkhọle osenobulua, bhe eke ilunọsen eni uhuki rebhe kilan unu. ¹⁶ Be eria neribhi imu, Eri iyan egbemen adueki emiebe, ọkpakinọ dia bo odibo nosi osenobulua. ¹⁷ Muekpen nọ orebhe. Hoemon iboloea nibha koribhọ oga. Jofon osenobulua amuen. Muekpen nọ ọno oje. ¹⁸ Eguomadia, degbere ne ebialen uki amuekpen ọye ene lue nosen ọkpa be ebialen ne muekpen bhe egbe, ene yẹa gbohielu. ¹⁹ Adẹ gẹn nọ diale sade, ramude oleni osenobulua rebhọ, ọria nọ moiziegbe iloya bhe eghe nan re luole emioya bhe egbe. ²⁰ Elele be uaki mien sode uluemiebe bi iziegbe sade ọle elele olukhọlọ? Ahamien ulueminosen adagbeọ bhọ bho obọ nosi osenobulua ugmi osẹ. ²¹ Ramude ọna ada tie ea, Ijesu yẹ lenya nan rien ori Ijẹmi bho otọ nuwẹ arẹkhanlen bho oẹ nọle zẹle nurekhanlẹn. ²² "Ole bha luolukhọlọ bi ọti bẹbẹyẹ bhu unu nosọle" ²³ Eghele naki re ha zuozuole, ọbha ha khọele ọbha ha yie yie elolo re, ọda muegbole nọ ọnọan bhuo ohien nọdiale. ²⁴ Ole tobọle mue emiebe maulen bhe egbenọsọle reha khion ọno oran beja damie ima bhaye ha mọn obọ bhọ ọne emiebe reji ọnan ima kikion ọno yielen bhi ikhiale; Bha asan nan gbọlele ima miegbenọdanlẹn. ²⁵ Imarebhe. kirẹ khian bo ohuan noyulu, Bhe ajayenan ima ki buọ ọri ihuan kon bi oniyielen manlen riolebhobọ