¹ Ipita, ọnazẹle ọsi Ijesun Kristi, rẹ je eriọbhe negha leadiọ bhi je rebhe, agbotu nazẹle, rẹ na agba ẹbholo ọsi Pontus, Galatia, Cappadocia, Asia bi Bithynia. ² Ọna da kiebe no obọ so osẹnobula na abaman var na rẹ lu iwena nọnkpekhia bhẹ ẹkẹoriọn bhẹ ẹkẹ irehọbhọ ẹmọnlẹn bi Ifiaman- aranlẹn nọn si Ijesun Kiristi kua. Ese ọhẹ kiọsẹ, ọfure nọnsẹ tuẹ-okhun. ³ Akhuẹmẹn osẹnobula na bi ebianlẹnman Ijesun kiristi! Bhẹkẹ itohan nọnsọle, odarubiẹmin ọsọgbọn manlẹn ni imanlẹn arẹ ha Iyẹmin ọsi Ighodalo nọn nẹkẹ Uguakpanọ bhi idin nọn si Ijesun kristi bhẹ wẹ eneyulu. ⁴ ọnada kin alebhuku nọifuan, nọi moi iton,nọi mọn-ufomin. Aire ya khẹ bhẹ ẹgua okhun. ⁵ Ahu nọso osẹnobula ọle ru-ugue guelẹ bhẹkẹ Irẹkẹ leọ nọ rẹ ẹnin re nọn mue egbe na rẹ zọle gbe re bhẹ ẹghe nọn ki ke. ⁶ Uwẹ mama ghọn ghọn bhọ ọna, arẹmiẹ min ọkhẹke nuwẹ arẹ ha lua akhiẹ ra mude ekpokpo kẹkẹ nuwẹ miẹnlẹn. ⁷ Ailuọna na rẹ rilrẹkẹloọ nọsẹ ma nọn mẹn gbera ẹlọmọn nọn fuan, arẹ ha rẹmiẹn ai dọmọnlẹn bhẹ kẹ eranlẹn. ọnaisunu be na da miẹn irẹkẹ lẹọ nọnsẹ ọki mue ekhuẹmẹn, oriri bi ọghọ bhẹghe na rẹ ri Ijesun kristi ma. ⁸ Uwẹbha sẹ miọlẹn, ọkpakinọ, uda hoẹmọnlẹn. Uwẹbhasẹ miọlẹn nia ọkpakinọ, uwẹ dareọ bbhọle bhẹkẹ aghọnghọn bi Eghọnghọn ọda vuọn bho oriri. ⁹ Uwẹ kida mien jegbe nọnsẹ ihaosa ọsi ikẹkẹ leọ nọnsẹ bi ẹnin ọsi oriọn nọn-ọs. ¹⁰ Rẹ khọ ọnẹnina, enakhasẹ ne kata ghe ẹseohẹ nuwẹ da miẹn, eda guanọle bhẹkẹ irẹ lo sotọ bi ifẹmimghe bhẹ kẹ ekpẹn. ¹¹ Ibha da gha nọ i bha leọ ọnọriani bi ọnẹ ẹghele narẹ tale ghe Ijesun Kiristi ọdẹ loya bi orm nọn da rẹ khanlẹn. ¹² Ada rẹ manle ghe ọiyegbe nọnsele ele ga. ọkpakinọ, uwẹ bhẹghe na kire ha tama ele enemini na ta bhẹ kẹ ẹmọn nọso osẹnobula nọn nẹkẹ ahuẹlimin ọkhiale vae naje nẹguaokhun vae bhe-enemin nẹ ẹhi mọnda guanọ nemiẹn. ¹³ Bejẹ ki diariọ, re-akpa gba nọnsọ ọkhe nọsnsẹ. mudianọsẹn. mu Ighodalo nọnsẹ bhi ẹseọhẹ nan da mu jiẹ ẹghe nada rẹ rijesun kristi ma. ¹⁴ Bi imẹn nehẹmọnlẹn, Ibha rẹ robọ re khan ebe ọkhọ bha gnanọle bhẹ ẹghe ni bha bharẹ lẹn emin soso. ¹⁵ ọkpakinọ, be jarẹ miẹn ọnọn tatiẹ ọi khiamin, uwẹ di yẹ khia bhe min rebhe. ¹⁶ Aigbọn leọ bhotọ, "Kiọnọ khiale, ramude Imẹn khiamin". ¹⁷ Aha miẹn uwẹ datia "Aba" ọnọriani nọ bhuohiẹn abọkpa (nọin bhọin Iyegbe) be ni Iwena ọnọ sọ ọdeọde dia, ni bha rẹnẹ ghe nibha rẹvae bhẹ ẹkẹ ekpẹn. ¹⁸ Uwẹ lẹmin ghe ọiyemin ne ria be ẹlọmọn bi oze arẹ faẹn si bho obọ uuki re ni ibha luẹ luẹ bho obọ ababha. ¹⁹ Ọkpakinọ, aran Ijesun kiristi nọi bhọn iton bi eria bhariabha ọle arẹ dẹ. ²⁰ Aizi kiristi ọkuẹsẹ agbonu ọsọnagbọna, ọkpakinọ, aki rọ man bhẹ enẹghe nọn kike na. ²¹ Ukegbọle uwẹ da reọ bho osẹnobulan, nọn riọle si bhẹ ẹkẹ idin re nọn da mu oriri nanlẹn be ja da miẹn Irẹkẹ leọ bi Ighodalo nọnsẹ ọki ha ribho osẹnobula. ²² Ibha ro-oriọn bha khia nin ibha rẹ kae ehọr ọsẹ ẹkẹata. ọna kin ahoẹ mọegbe ọsi ibhio ọsẹ ẹkẹata; be nọn ki dia riọ bha hoẹ ẹmọegbe bhọ ọkhọ ọkhọ ọkpa. ²³ Aichiebiẹ ugbazeva, ọiyẹ kẹ ikpẹ ne ria, Laenefuan, nọn nẹkẹ ẹmọn nọnso osẹnobula nọnyẹnlẹn vae. ²⁴ Egberebhe dia bi Ilumu, oriri nọn sọle ọidia bi aroro nọn sọni-ilumu. Oni ilumu oikaka ena-aroro denẹ kua, ²⁵ Okpakinọn, ẹmọn nọn so osẹnobula be ejọye ọle ọye. ọnẹ ẹmọna ọle ọnẹ ẹmọn nọnso osẹnobula na tama bha.