¹ Aaviki ọọ nyi ayọvi ini Ikristi, aaviki ọọ nyi ofifụfụ fini osisi aani, aaviki ọọ nyi ọyiya bẹrẹ ọi ifẹ ọnini, aaviki ọọ nyi ayụva ọna vọrọ ọnri ọvivi ẹngwụ nẹtẹ, ² Ụmọnọ, di ụjẹ ami shi, ụmọ nim ra nyi aroo ọnya, di vaa nyi osisi ọnya, di nyi ọvivaabẹ ini ifẹ ọnri dọ vaa viki isọnya ọni ya dụechi nini. ³ Asụ misa ọnyọnyi inoze eyisa navẹki ụbani osụsụ. Akikọnọ, bẹrẹ ọvẹngwụ nẹtẹ, wa si azẹnẹsa dọvidi ẹngwụ awụ nin. ⁴ Asụ seyi pe isengwa awụ renya, ama shi isa azẹnẹsa nini, dụ wa mọgụvọ yụ wa. ⁵ Nyi aaro inoze ọni Ijesu Ikristi nyẹmbẹ mẹ nyi aaro. ⁶ Ọọ yi inaani vene Oshomoshi mẹ ya, ama ọzi sẹngwụ aani mọrọ Oshomoshi, veni isa ana vasi ụvọ za. ⁷ Akikọnọ, dọ tu ẹngwani osụsụ. Dọ si ẹngwani veni ozida. Dọ jinẹ vẹ venebiri ụmama ọza. Dee ve re vene ọza reyi-rẹsụ. ⁸ Ọọ kẹngwụ aani chi, dọ va nyima rẹsụ netụ ụmọno sụ, isụ ọchi-avashi. ⁹ Fụvavọ Oshomoshi ọọ kaa shirẹ tụẹba kokoro. Ọọ yọ ọ irẹsha ene fụni irẹsha ẹnavọ boo. ¹⁰ Ọọ mọnọni fụvi doti idụnkụ bo, ọ zụ va kwẹtẹ yi irẹsha Ijesu, idụnkụ ẹnẹna yi ineeku, inẹshẹ ọnri isẹna yini inẹtẹ. ¹¹ Ọọ mọnọni doti irarẹ̣ bo, ọ divenụ ki Ijesu Ikristi vi Ananyiyi, ini ụga Oshomoshi ọnavi Adaa. ¹² Fụvavọ, ẹwụ nin ọnim sirẹyi aani, venebiri ụmẹ wụ irẹyi tụmi renu nin, aivi ineyi ami kẹnẹ, ama ọmẹyani, inaama mi zẹtụọ, ree ki waa si angwashi ọnri ọ ọbibaani ọdọtụ awụ nini dinẹ. ¹³ Fụvọki Oshomoshi ọna mụkọrọ inẹngwụ awụ nin, dụ wa va zụ nyi osisi, dụ zẹ zụ mụkọrọ tụni inoshishine ayani. ¹⁴ Ree ki wazi rifụfụ navẹki ẹshankata ini ụkọrọ ọnụ wa mẹ boo. ¹⁵ Mẹẹ inoze ọnọni dụ wa vazụ vara ẹzẹna razi nyivi, du wa zẹ vi ọnirẹiza, ezi Oshomoshi ana razi nyi ẹvụvụ. Mẹẹ inoze ọnọni dụ wa va zụ za vene ẹtofei inẹshẹ, inakaakana azodụvi ọnri azẹshimi evezere ọnọni. ¹⁶ Sụvọ zi irẹyi ifẹ di ma zụ nyi ụga ini ọkụshi Ikristi. Ẹfiọnọ, mva ye ki me zi zụechi osụsụ, ọnri ka akanya mi ọzi vi osụsụ. ¹⁷ Ama, shọọdakavi ka avaa mi shẹtẹ veni isẹvọ ọnri irafẹkẹ ọdọwụ awụ nin, ma juj̣ẹ, dim ze pe wu nini jụjẹ. ¹⁸ Inoze ọnyọnya ọnọ, ẹwụ nyẹmbẹ jụjẹ nini, dụ we ze bere mi jụjẹ nini. ¹⁹ Ama, ma nyi ọkikụayitụra ini Ananyiyi Ijesu, ki mvaa jantụ tụ Itimoti shụ wụ nin, fụvi di ẹmi nyẹmbẹ ọ vaa nyi ayọvi, ụmọni ra yẹ isa inọpati awụ nini. ²⁰ Fụvọki ma zi nyi ọzẹnẹsa ana nyi ivefụ ọnụ nyi, ọnọvi ka ọọ shafasha yụ wụ nini. ²¹ Fụvọki ẹni bo vene si ẹngwụ ayanini renya, aivi isẹnẹ vayi Ijesu Ikristi. ²² Ama wa yẹ ụbani aani nin, fụvọka venebiri ozi mẹ fẹkẹ ada aani, avọ ọ mẹ bẹrẹ mi fẹkẹ ini renụbe-ọiza ọnọni. ²³ Fụvavọ, ma kụayitụra kim vaa tụọ shụ wụ nin, me risa mẹ va nọvidi yi mi. ²⁴ Ama ma dẹngwụ ami ̣renụ ini Ananyiyi, ki ẹmi nyẹmbẹ vaa jantụ vẹ inẹfi onere kụ. ²⁵ Ama me roo ki ọọ vọrọ ki ma tụ Ẹpafroditusi varama vetụ wu nini. Ọnyarami, di gẹ aa mụkọrọ, dọ zẹ vi ọkụrẹkụ veneyi, dọ vi ọnitụ yụ nin ọnri ozida yi arimanyi ami. ²⁶ Fụvọka ẹngwụani oche kokoro, do si ko nee ve rewụ nini, fụvọki wawụ ki ẹngwụ aziọ. ²⁷ Inirẹiza, ẹngwụ ọnọ ọziọ, dọ vọche doti osụ. Ama Oshomoshi dọ nyi ayụva yọ, aivi ọni renya, ama shẹmi nyẹmbẹ, da sim na nyi inoodụ bẹrẹ inoodụ. ²⁸ Fụvavọ ọnim si shafasha tụọ vetu wụ nin, dụ wa varama re nini, du wa zụ jụjẹ nini, dima nyi ayọnẹtẹ. ²⁹ Kụ Ẹpafroditusi kanẹ ini Ananyiyi bẹri ụjẹ. Si ụbani yi aza vene ọni. ³⁰ Fụvọka, fụvi ụkọrọ Ikristi ọnọni, ọnọ si gụri isụ. Ọsi ẹshe aani tụni oze ọkatẹngwụ, doti ọ zụ fẹkẹ mi, zẹtụọ, do re ki ọni ọ dinẹ pe mi, dọ mụkọrọ ọnụ razi zụ mẹ yi mi nini.