¹ Oretẹ anapẹ nin e vee tụ aza, ọzụọzisa anapẹ zẹ vavẹ vee tụwụ nini. Evee bebe si ọzizụ ọza ana razi vọrọ, ene ve dụ aza shaa vẹ, de yii ana shụ wa tẹtẹ. Ee si ovivụri ọfirafira yi ẹngwa anini. ² Aza ẹrụrụ vaa vatụri oze ẹchẹngwụ anini beri irẹyi apẹ. Zirẹngwụ anini ẹvaa kọ̣shimi oze irẹiza. ³ Ẹvaa si avụka-avụka riọgụ ini ẹngwa awụ nini bẹri irẹyi apẹ. Ovivụri anini, o zee tụrẹtẹ dọva ngwụ; ẹ vaa jantu vụụri. ⁴ Oshomoshi ọzi sha angẹni ẹna chamayi tụụ. Ọọ fụrẹ wa ụvọ yi Itatarọsi. Kọ zụ si ẹba sụwa tụni oozi rim-rim nangwụ ọkụshi ishọji. ⁵ Ozi anụmọkụkụ nyẹmbė, akikọnọ, ọ si Inoa tẹ, mẹ ẹvagụ yi Inoa, ana tụọvidi ini irẹyi irẹiza ọkika, vabẹri aza ishimba ọsa, ọmẹ si ọshara-enyi vẹshẹ, dọ ku azẹna razi nyi Oshomoshi na. ⁶ Oshomoshi do zẹ vụ irẹkụra Isodọmi ọnri Igomọra iri, ọmẹ jụwa atitọ, dọ varama vụwa-iri. Doti ẹnẹna razi yẹ Oshomoshi, ẹ siọ kọsụẹ irẹyi-ọyẹ. ⁷ Ama Irọọti, ọni irẹiza, ọni odụofi nini mirifụna yi zirẹ̵ngwụ vana jitụ. ⁸ Fụvọki ọni irẹiza ọnọrụ, ana ra bẹrẹ wa, dọzẹ nyi ọdọwụ eyinieni, da mụya riọ ini irẹiza ọnọ nyi fụvọ isene re ọnri isẹnọ wụ. ⁹ Ananyiyi ọ yẹ, ọ mẹ vaa ji aza Oshomoshi tụ, fini ụvọ azamare ọnri ọmẹ vaa yi azẹshimi nini ụyari ini ọkụshi ishọji. ¹⁰ Ọnọni vi irẹiza yi ẹnẹ razi tụvọ fini odidụ osisi ẹchẹngwụ, dẹẹ si eyi wụ ọnụmọ. Ẹnyi ayọvi ọnri odidụ-ẹngwa anini. Eme shangwa ọmime isa anyisi shi ẹnẹna nyi ụga inọvidi Oshomoshi. ¹¹ Angẹni nini ẹ nyi ụkata ọnri ụmọ, ama ẹ masi ishọji ufu irẹyi aza ẹnẹ kavape Ananyiyi. ¹² Ama, isụpa ẹnẹni ana razi nyi oriro aani, amẹwa kaa zawa, daa zẹ vụwa-iri. Ẹzi nyi Oshomoshi ẹnẹ kwafụza. Eve vụwa-iri. ¹³ Ẹ vaa riọgụ ọshimi ọmimẹ anini. Eero ki ẹshẹ avụkavụka ọnri inodụ vana vẹshẹ ọriri. Ẹvụvụ ọnri ẹkụkụ ẹnẹvi, dẹzẹ nyi ivefụ ene zize. Dẹẹ ri ẹshẹ apaapẹ, dẹ bere wụ rụpe. ¹⁴ Iri anini ọzi fini ọnyẹnẹ anaa sẹrẹka; Aichama ọmaa tụwa. Dee vene aza ọnọviki ayi anini razi vi nangwu ini ọshimi ọmimẹ. Ọtụtụrụma anini ọkata ini ọkikueyi tụni isa azẹnẹsa. Ezi ene cheku ẹnẹvi! ¹⁵ Ẹẹ navọ oze ana vọrọ tẹtẹ. Dee nyeyi. Dẹ vatụra oze Ibaramụ, oze Ibeori, o nee si kọnọ riọgụ arima-mirẹiza. ¹⁶ Ọdi ofụvọ fụvi ọshimi-ọmimẹ aani, ikẹtikẹtẹ ọnọvi kọma karẹyi, dọ si irẹyi ka, ini ọngwẹ ọza, daa siọ zi ọkisẹ dinẹ. ¹⁷ Aza ẹnẹni ee vene orosi, ana razi nyi enyi. Ee vene ovụrụkụtụ ọni ashi ọrata a kụụ zizi. Oozi okụkụ-mẹmẹ ọọ yatụ e zi wa. ¹⁸ Ẹẹ si ọngwẹ tụẹba ini osụsụ vaasha. Ee vene aza zirẹngwụ ọmimẹ-ẹchẹngwụ. Ee vene aza ọnọviki e zụe yi ẹnẹna si yara ini abọjinye. ¹⁹ Ee garogu ọninatụ yụ wa, ama ẹni nyẹmbẹ vi ọrishi yi ụdụ. Fụvọki ọza vi orishi yi isatụrisa ene re fụni ọza ²⁰ Ẹzẹna raa javọ fini ụvo akụvi ẹshẹ zirẹngwụ ọyiyẹ Ananyiyi Ijesu Ikristi Ọdọzatụ, dọ varama fini akụvi, dọzẹ varama tụni akụvi ọnọ, ụdi ọikọta ọnọ vee dụvi fụ ọnọ bidi ya. ²¹ Ọ yaan dashi yụ wa fụ kẹzi yẹ oze irẹiza ọnọni, fụni kẹyẹ, dẹẹ tangwa zẹva varama fini ofi Oshomoshi ọnọni ana si titụ shụ wa. ²² Ụshioche ọnọni vi irẹiza yụ wa; "Irezi ọ varama ni ni irenụ ọnọ ka tẹtẹ. Ụra ana fụenyi, ọ varama ni ni ẹbọrọ."