¹ Isaimọni Ipita, anavi ọrishi ọnri ọnitụ Ijesu Ikristi, yi ẹnẹna nyi ọdọwụ ebebani, venebiri ẹyi mẹ zẹ nyi ọdọwụ ini irẹiza Oshomoshi ọnri Ijesu Ikristi Ọdọzatụ. ² Ọiza ọọfẹ, ẹngwọrọ ọnri ẹdabẹrẹ ini ọyiye Oshomoshi ọnri Ijesu Ananyiyi, ọva si vi ayawu. ³ Isa bo inọpati ụkata Oshomoshi yi ẹshẹ ọnri ivefụ Oshomoshi vana si yiyi zirẹngwụ ọyiyẹ Oshomoshi ana shi yi zirẹngwụ ụga. ⁴ Zirẹngwụ ẹnẹni, ọnri ọmimẹ oiza anini, ọọ mẹ otowụ ọbani ọbani yiyi, dụ wa zụ nyi ọgiga ini ivefu Oshomoshi, ụ mẹ javọ̣ fini ụdụ ana yi inẹshẹ ọnọni, fụvi osisi ọshimi ininẹ aza. ⁵ Fụvavọ, sikamarenụ dụwa ni bere ọmimẹ ọiza, zirẹngwụ ọdọwụ awụ ọnri ọmimẹ oiza, shi ọyiyẹ. ⁶ Zirẹngwụ ọyiyẹ awụ, si ọzẹngwụsụ tụọ, zirẹngwụ ọzẹngwụsụ, si ọsẹngwụdọ tụọ, zirẹngwụ ọsẹngwụdọ, si ivefụ Oshomoshi tụọ. ⁷ Zirẹngwụ ivefụ Oshomoshi, si ivefụ ẹnyara tụọ, zirẹngwụ ivefu ẹnyara, si osisi irẹyi-ẹngwụ tụọ. ⁸ Aaviki isẹnẹni inẹngwụ awụ, dẹẹ fu inẹngwụ awụ, ọzi nyi kụa za tụ ẹtụtụ ini ọyiyẹ Ananyiyi Ijesu Ikristi. ⁹ Ama, ẹzẹna razi nyi isẹnẹni, vene e ri isa ana gụrẹẹ; oguri ọnọvi. Oshayi da ka anyina ọn fini aichama ọkụkụ aani da. ¹⁰ Fụvavọ, ẹwụ nin ẹnyarami, wa manasẹrẹ, doti wee re ki ọshishi wụ ọnri ọnini anaa nii wụ nini, kọ sụfụ shẹtẹ yi ẹngwụ awụ nini. Waa mi isẹnẹni boo, wa zaa sẹdụ. ¹¹ Ini ọnọni, anaa vi oze, ana ngwụ ineekụ poro-pooro ọi Ananyiyi ọnri Ọdọzatụ Ijesu Ikristi, vi ana si mi ẹdabẹrẹ yụ wụ kokoro. ¹² Fụvavọ, mva si ẹfi boo tama wụ nin ayi isẹnẹni, shọọdakavi kụa yẹ wa ọnri kụ wa kata ini irẹza ọmẹyani. ¹³ Me ro kọ vọrọ ki ma tụ nin ọtụtụrụma ini ọtitamawayi inọpati isẹnẹni, obonotụ dim yini ajẹngwụ ọnọni. ¹⁴ Fụvọki maa yẹ ka o zeekụ, di ma tụ ajẹngwụ ami fini ẹtẹ, vene Ananyiyi Ijesu Ikristi mẹ siọ zụmi. ¹⁵ Mva mẹ ọgụvọ yụwụ, dụ wa zụ si efi boo tamayi isẹnẹni, ini rama ami. ¹⁶ Fụvọki yaa zi vatụri ụshi ana aza si ọyiyẹ isa anini che, imẹ kaa yụ wụ inọpati ụkata ọnri ọsisi ẹngwụzụ Ijesu Ikristi Ananyiyi. Akikọnọ, yaa vi onivenụ yi ụ̣bani aani. ¹⁷ Fụvọki ọọ dụbanl ọnri ụga fini ụvọ Oshomoshi Adayi, ọngwẹ me jinẹ vetụo ka, "Ọnọnl vi Ozl Ami, ọnim sirẹyi aani, ọninami-shine tụ." ¹⁸ Yaa wụ ọngwẹ ọnọni ana jinẹ fini neekụ ẹbẹẹba, ẹfi ọni ya pee ini irẹsụfa ana vi ọnini. ¹⁹ Yaa nyi irẹyi ẹtoore ọnọni ana dọrenụ aani. Navọ dụwa sụtọ petẹ tụ naani. Oo vene ọpa ọna zaa ini oozi netụ̣ ọnẹnẹ, ụmọni ụzọmi ọnẹnẹ vaa sha kwẹtẹ ini ọtụtụrụma awụ nini. ²⁰ Yẹẹ nini da, kọ zi nyi ẹtoore ọnọviki ụvira ọza, ana si shafụ-sha. ²¹ Fụvọki ọzi nyi ẹtoore ana fini ụvọ ọza vẹ, akikọnọ, zirẹngwụ aza ọni Ifẹ Ọnini si karẹyi, fidi Oshomoshi.