¹ Fuvavọ, si isa ọshimi ọmimẹ boo tụ oboka, apẹ, ọfatụvakụ, ayamkụ ọnri ọsisi renu dụ ọza bo. ² Venebiri ezi-nụvọ, wee si enyi-rẹva ini ifẹ, doti wazụ zirẹngwụ aani fụ ini ọdidọtụ, ³ waa daare da, Ananyiyi vi ọnirẹiza. ⁴ Waa vẹ, wee ve tu, irẹta ana nyi ifẹ, ana aza seyi wụ, ama Oshomoshi ọ niọ, dọ zẹ vi isa ana bẹri yọ ọ. ⁵ Ẹwụ nin nyẹmbẹ o vene irẹta ana nyi ifẹ, ọnọvi kaa tụra shirẹ, ka siọ mi ireshi irafẹkẹ, ana va si mi oshirẹsụ arụfa ọnini ana misa irafẹkẹ, ana ngwụ Oshomoshi eyi zirẹngwụ Ijesu Ikristi. ⁶ Ọ yini iwe ọnini kaa: "Re nini, maa si irẹta ebekisha shẹtẹ tụ Izayọni, ọna nii, dọ beri. Ọzatụrọza ana ra dọọ wụ, ụshi ọ zaa nyi ọ." ⁷ Fụvọki ụbani izọ vi ayi awụ ana dọọ wụ. Ama, "irẹta ọni aza ẹnaa dareshi yi tẹtẹ, ọọsi vara obooro irẹtạ ireshi." ⁸ ọnri, "irẹta ana ọbọza sẹdụ ọnri ida ọbọza sẹdụ." Ẹẹ sẹdụ, dẹ razi vatụri ireyi Oshomoshi, anavi isa ọna vi ozụụ anini. ⁹ Ama, aza ana nii ọnụ vi nini, oshirẹsụ arụfa, aza ọnini, aza anavi ayi Oshomoshi, doti wa zụ si isa oshishozeyi aani zụ ẹzẹna shụ wụ fini oozi, nangwụ ini ẹtofeyi aani. ¹⁰ Oshẹtẹ wa zi vi aza nin, ama ọmẹyani aza Oshomoshi ọnụ vi nini. Waa zi bidi re ayụva dọ nin, ama ọmẹyani, wee re ayụva dọ. ¹¹ Ẹwụ nini ọnim ngwayani, ma shuwu nin vene azẹga ọnri aza anaa ngwẹshẹ zizi, kụwa sụvọ fini osisi ẹchẹngwụ ana beri ifẹ awụ nin kụrẹkụ. ¹² Navọ wa nyi ivefu ọiza inakaakana Ijẹntaini nini, doti ẹzu ree ụkọrụvọ ọiza awụ anava mẹ kẹ sụ ụga yi Oshomoshi ini ọkụshi ọnọ va sii vẹ, shọọdakavi kẹ bidi kaa kọ nyi ọshimi ọnụ mẹ. ¹³ Vatụri ụmọ bo ọni aza si tẹtẹ fụvi Ananyiyi. Wụrẹyi tụ oshinọyi irenụ, fụvọki ẹnẹ vi oshi, ¹⁴ bẹri igomina nini ana tụ kẹ vaa mụyari ẹnẹna misa ọshimi, dẹ zẹ ̣si ụga yi ẹnẹna mẹtẹrẹ. ¹⁵ Fụvọki ono Oshomoshi si yi yi, kaa mẹ inị ọiza ọmimẹ, dụ wa zarenụ ọnụra nini ana karẹyi arimayẹ kụokụ. ¹⁶ Ẹwụ nini ana naatụ, asụụ si ọninatụ awụ nin mẹ ọvagụ na misa ọ̣shimi, ama waa mẹ vene ezida Oshomoshi nini. ¹⁷ Dụbani yi aza boo. Navọ dụ we sirẹyi ẹngwụ nini. Nyi angwashi Oshomoshi. Sụbani yi oshinọyi. ¹⁸ Ẹwụ nini ozida, nyimarẹsụ yi ọga awụ nini dụ wa sụbani anini yu wa. Nyima rẹsụ yi oga bo, shi ọiza, shi ọshimi. ¹⁹ Isụga ọnọvi, aaviki ọnyi ẹzẹna sẹngwụ̣ dụya, ama, avaụriwa fụvọki wa ̣nyi Oshomoshi tụni ọtụtụrụma awụ. ²⁰ Yere ọgụ ana yi naani ụmẹ chamayi, da mụ̣ya rụwụ, dụ sẹngwụdọ? Ama aaviki wa mọiza, da sụya rụwụ, ọnọni ọnọ nyi uga idi Oshomoshi. ²¹ Fụvọ ọnọni ana si shụ wụ, fụvọki Ikristi nyẹmbẹ ọ rụya yụ wụ. Ọ siọ mẹ ọsishẹsa yụ wụ nin, kụ wa vatụra oze aani. ²² Ọzi chamayi ọnyọnyi, navẹki nyi irivene tụneenu. ²³ Aza mẹ kụọụfụ, ọzi voshi yụ wa. Aza mẹ mẹ ki ọ rụya, ọzi chirewangwa ka ọni vee siatọ. Akikọnọ, ọ navọki Oshomoshi ana jishi ẹtẹrẹ, ki ọ siọ zu ka ọnọ zi rivi. ²⁴ Ọni nyẹmbẹ ọ sẹngwụdọ ụyọọri aichama ayi ini ọchi-avashi, doti ya sụvọ fini aichama, di ya ra inẹshẹ ana vọrọ. Fụvọka ẹẹ taanava, ọnọ si fụ yi ikụ sha. ²⁵ Irẹiza, we vene atẹmẹ ene si vụ, ama wa varama vidi Ijesu ene seyipe wụ nin venebiri ọkwatẹmẹri mẹ seyipe atẹmẹ aani.