¹ Tlaya mba'ti Yesu Kristi tla mba'andə Farta kǝ pǝnantǝ kǝmsichiyan ɗǝnɗi ne ɓat nakanya. Pǝnanchan tǝmɗi tlǝn tlǝ tlǝndǝ'yan kǝmɗi kimse'yan Yohanna. ² Yohanna fǝr tǝ kit kǝ ɗǝnɗi mba'tǝ Farta tǝ paɗ kǝ ɓǝra ɗǝnɗi mba'tǝn kǝ ɓǝra Yesu Kristi, ɗǝchǝɗi nat natǝn. ³ Tlǝ mbǝs'ǝnkhar tla chan'nganchǝ kafǝrta, tǝ tla paɗ sǝkchǝ mba'ta'an, tǝ tla nggǝmchǝs tǝ ɗǝnɗi yarandǝ fe khaa khuran kǝtlǝm farta'an ɓi nduk. ⁴ Yohanna, kǝmɗi kǝtǝn sichǝɗi muɗ ǝ khakhi Asiya; kakit kǝmɗǝyowun tǝ khaskhaskǝta mǝɗi tla nesǝ nakanya, tǝ tla ne khaa chokh, tǝ tla ne ɓata, tǝ paɗ mǝɗi semech muɗ fe ne chiɗchiɗ fe ne pangngn kutrakti'yan, ⁵ tǝ paɗ mǝɗi Yesu Kristi tla ne kǝ tlǝ mba' kit, tla lafe nggǝttǝ khur mǝmatacha, paɗ tla ne chǝt kutraktǝ ɗar kutǝrchi khesi. Kǝmɗi tla yakhchǝmǝnchi paɗ kǝtamǝnchǝ kes khur ɓuɓifach'yamǝn tǝmɗi fer'yan, ⁶ chamǝnchǝ kǝ fǝ kutrakcha, pastochi Fartiyan tǝ chǝnmǝn, ma-nda tǝ alkǝta kǝn kǝ ya'an kǝ tlǝkhene, kǝ fere. kǝ chokj kǝɗu, ⁷ Ɗǝpo, mǝtlan ɓat tǝ khusambicha, chǝkwun wenite nan na ndi, nat tǝ fe tlǝtlakhranchǝfa. Kwatl nafchǝ nat nan ndǝ tǝta kǝtlǝm anchi. Aa kǝ chok kǝɗu. ⁸ "Nggǝt nech kǝ tǝrkanan tǝ ndukwata'an," nda Farta chǝnmǝn, tla ne sǝ nakanya, tǝ tla ne sǝ chokh, tǝ tla ne ɓata, tla ne kǝ tlǝ manda. ⁹ Nggǝt Yohanna wanmanwun tǝ tla chak'chǝ tǝ wunchǝ khur ɓakhtǝkhaa tǝ kutrakta tǝ kapa kǝrǝsta tla ne khur Yesu, nachi ə tle khakhiɗi taurandə 'yem khaa tla tlə 'yafe wa Batmusa kətləm ndikti Farta tə mba ən kə ɓəra Yesu. ¹⁰ Nachi khur semete ə farti Farta. səkki kapa ɓərata kərsən kəɗ mbembete. ¹¹ Ndakanwa, "yaran ɗənɗi səktu kə khur ɗelewer kə tlinin kə kətən sichəɗi muɗ yu - kəmɗi Afisus, kəmɗi Simirna, kəmɗi Birgamas, kəmɗi Tayatira, kəmɗi Sardisu, kəmɗi Filadalfiya tə paɗ kəmɗi Laudikiya." ¹² Təɓərkikha kə ni ndu ɓərati wun ne ndiktə tə nanchi, təɓərkikhaa naki mət tlarti pətəllachə mur i wan'ndəɓətla. ¹³ Khurɗəfi tə mət tlarti pətəllacha'an ne'sə arta kəɗ wa'i Nefe tə kapa mbara kapatfa tla sa'chə kakh kə kərsə sarchəyan, tə kənda i wan'ndəɓətla tla tauranchə kəfat'yan khaa. ¹⁴ Ind'yan tə wesi'yan kheɗəɗə kəɗ usən kapata - kheɗəɗə kəɗ ratlata, wenitə'yan paɗ kəɗ kəstə wata. ¹⁵ Sarchə'yan kəɗ nəkha tipese, kəɗ təpasɗi nəkhach tə yakwa sipte, ɓəratə'yan paɗ kəɗ ɓəra kapa churtə'yamcha. ¹⁶ Wandərichəs muɗ ə khar kharsəm'yan, paɗ chonggom si tə mi-cha'an 'wa chəmchan bates khur mee'yan. Chimendi'yan chəmndəf kəɗ watfartə təkchəkhaa kaa. ¹⁷ Naki ndi, khəmchi kha kə ɗar sarchi'yan kəɗ mərta. ɗəfikan khar kharsəm kə in ndakan wa, "Mə lekənwa, nggət ne kə tərkanan tə ndukwata'an, ¹⁸ Tə tla ne khaa. Mərənchi, chək kəɗu, ɗəposi nggət tə sisingdəfa kə fere! paɗ, wansukram chi mərta tə i pan kharənchi. ¹⁹ Kətləm nda'an yaran ɗənɗi natu, ɗənɗi səndu, tə ɗənɗi ne səɓtə kərsə tlaya. ²⁰ Kə wuɓtə saktə wan-ndərichəɗi muɗ natu khar kharsəm ənchəyu tə mət tlarchəɗi pətəllachəɗi muɗyu; wan-ndərichəɗi muɗyu, fə tlənchi kətən sichəɗi muɗyu, mət tlarchəɗi pəttəllachəɗi muɗ paɗ yu, nda'an ne kə kətən sichəɗi muɗ yu."