¹ Ma fər alkətsi khur Almasihu, ma əna ləm khursi khur yakh fatyan, ma əna yakh ra'ansi khur semete, ma əna khaɗandə ra'ansə fa, ² Kəndiiɗawun kheɗɗi tə khurinchə khaa kətləm kə chokwun tə kaɗata wetə tlenni, tə yakh ra'an arta nggun mbənfat khur semet arta, kə chokwun tə əna chət arta. ³ Kə chəwun chəkami nat khur yakh indawa, ndu maan indawa mani nda'an, khur wandəkaɗata tlə kərəsta chəkawun kə ɗəpantə fowun kəɗ ə mbərandəkha. ⁴ Kə ɗəpan nef ɗənɗi yakhtən wa, kətl kuɗuk tə fowuna. ⁵ Kaɗam tə mbanɗi tla ne khur Almasihu Yesu. ⁶ Tla chokchə kəɗ Farta, tərwa indyan kəɗ Fartawa. ⁷ Chək kəɗu, tərwa indyan kəɗ ənawa. Tərkan fa mafakəta, pənkan fatyan khur fa nafkəta, mbəsankə fe kəɗ nefe. ⁸ Fərkan fatyan kəɗ ngga ən nakan wa, nggəmankan k məra, mərtə tla ə ɗar paləngnda. ⁹ Kətləm nda'an fərankə Fartə manda, fərankan tlime tla mbəranchə chəka wun tlimkhaa. ¹⁰ Kətləm khur tləm Yesu chəkawun khulafə, tə khur khesiɗiya tə kan khakhaa nandə cham kurumchəkhaa. ¹¹ Paɗ chəkawun senu'te nan mba'ta ndatwa Yesu Almasihu chənmən, kə mandi Farta. ¹² Kətləm nda'an fe yakhti, kəɗ ɗənɗi nding tlə fərtəwun inde chək nggətsuwa. Cham tar khəra'ta tə lekəte tə chit kafata. ¹³ Kətləm Fartə ne chət ter khur'yowun, yakhta tə waa tə chət ɗənɗi ne mbənandəfa. ¹⁴ Cham chəka mi ngga tə khurumndə tə asindawa. ¹⁵ Cham əna kumi 'yarata fə kitche, wanchi Farta fe nawakchə kə əna 'yarata, kətləm kə chokwun kə ɗakəta khur səɓtə khesiɗiya. ¹⁶ Kərsam ndikti sisingndə khar kwa'kwa kətləm kə mbəsi əna manandə Almasihu ə fartəyan. kəni səndə wa rakawi pafənwa, paɗ ɓakhwi khaa pafənwa. ¹⁷ Chək tlərichəfe kaɗ kəɗ tlər fere kə i fərkit, chənchi kheɗɗi tə khure tə wunchi. ¹⁸ Kəɗu paɗ chokam tə kheɗɗi tə khure, cham kheɗɗi tə khure tə nenchi. ¹⁹ kwe'tənchikhaa kə tləni Timatawus kəmɗiyowun ngga tə təla fatawa, kətləm nggət paɗkə mbəssi alkəta ma sininchə ənɗi ne səɓtə təwunchi. ²⁰ Kətləm yowunsə na əna chətya'an keɗechawa, tla na tə khur ɓe'ɓe kətləm wunchi. ²¹ Kətləm nat nda kanau indiyanda tlə kat nda ngga i Yesu Almasihu wa. ²² Paɗ sənwun mandyan kəɗ ɗənɗi tlə manandə waa chinan, kəɗu kə manichi khur ndikti Farta. ²³ Tlə ɗəfchi fatsi kə tlənindi kəmɗowun ngga tə təlafatawa ma ninchi ɗəchiɗi pangngənna. ²⁴ Nggət tə indinchi ɗəfənchə fatsi khur chənmən ndatwa, ni ɓat ngga tə təlafatawa. ²⁵ Nggət kaɗatwa kimsi kə nggəri tlənowun Abafaroditus kaɗi mətlan wanmana, tlawur terinchi khur yanda, tlə tlənda, paɗ mafata kətləm ɗəchəɗi yakhti. ²⁶ Chək mətlan yekhsi kə na wunchə nat kətləm səkwunwa ə kheɗi. ²⁷ Kitta'an khəɗi, nduk mərtə khaa, khaɗankan Fartə fa, ngga mətlan ndakwa, paɗ tə nggəta, kətləm kə chi səɓtə khurawa. ²⁸ Kətləm nda'an yakhti tlənɗi, kətləm ma nggərwun nowun chət kheɗɗi tə khure, nggət paɗ kə khəra'i khur ɓe'ɓe tə khure. ²⁹ Tlam Abafarodintus tə mbənfata khur chənmən. Nam mandi nafcha kəɗ mətlan. ³⁰ Kətləm teri Almasihu ɓat nduk paɗ nduk khaa kə məra. Fartə sisingndiyan kətləm kə manichi kətləm kə ndəɗantə ɗəchəɗi khaa kəmchəs kə chiwun.