¹ Nggət Bulus tə Timoti mafachi Almasihu Yesu, kəmɗi nat fe ne ə Filibi ne kə tacha'an khar khur Almasihu; Filibi tə fe ɗəpa fə fər kitche Dikoni. ² Mbəs ənkhar kə chok tə wunchi tə kəɓi kaɗi məɗi Farta chənmən chən Yesu Almasihu. ³ Nggət chət usoko kəmɗi Farta ə fartəɗi tlə kuɗukti tə wunchi. ⁴ Chəka kweti sitinchi kətləm ngun nat, tə kheɗɗi tə khure tlə siti. ⁵ Nggət chət usoko kətləm wumndiyowun kha khur ndikti Farta tla'tə tərkanan kə nakanya. ⁶ Fərinchə kitsi kə ɗar ɗəchəɗya, ndatwa tla tərchəkan chət ən ndiichan khurwun, nan ɗət kə pang kə ndukwata'an kə farti Yesu Almasihu. ⁷ Ke'ke si ndiichansə kə səki kəɗaya kə ɗarwun nat kətləm ngun khur wandəkaɗatinchi. Natwun ngun tlawurchəna khur kakəta tə kənita kə ɗar ndikti Farta. ⁸ Kətləm sən Farta yakhtəɗi yakhti wunchə nat khur yakhti Almasihu Yesu. ⁹ Nggət sita yakhra'an yowun kən kə pang khur sənda. ¹⁰ Nggət sita kən kəɗuyu kətləm kə kaɗawun, kə taɗwun ɗəchiɗi ne ndiichan. Nggətsita kə nowun kə fə chət ɗich ndiichan, fe nawaktə fe 'yarata fartə ɓati Almasihu. ¹¹ Sitinchi paɗ kə ndiiɗwun tə fərkit tla tlə mbəstəfe təmɗi Yesu Almasihu, kəmɗi manda tə chəm Farta. ¹² Nakanya yakhchi kə sənwun, wanmanchəna, ndatwa ɗəchəɗi səɓchə tə nachi chəndə kə əna ɗət kə pang tə ndikti Farta ka'an. ¹³ Kətləm nda'an kənitəfe khur Almasihu chok kə sənan məɗi sotacha tə kwaan nafcha. ¹⁴ Fowun wanmanchəmən, mbəsndə alkət kaan, kətləm kən ɗi kənitə fe, ɓaskandə ndikti Farta lekətsuwa. ¹⁵ Fowun ɓas ndikti Almasihu khur səra'ta tə səɓtə fata, fowun paɗ kətləm nde' tə ndikti Farta. ¹⁶ Fə ɓaas ndikti Almasihu kətləm mbənfat'yan fa səndə wa ɗəfchə fe nanchə kətləm kə kəsani ndikti Fartəsi. ¹⁷ Fowun paɗ, tandə ɓas ndikti Almasihu kətləm yakh inde tə kumi kit khur kaɗat'yanda nandə ɓakhita khur kənndinchi. ¹⁸ Tə mə paɗ? Tə chəka mban mi, ndu tləmən, ndu tə kit, ɓas Almasihu na fe chəta, nggət mbənfata tə nda'an ni mbənfata. ¹⁹ Kətləm səninchi nan nat kə mban khəra'tənchi. Nachan chət kətləm sitiyowun tə alkəti semeti Yesu Almasihu. ²⁰ Kə ɗar ɗənɗi səndisi, chitən fa tə ndatwa nə fat kharichəwa. Chəka kəɗu, nat tə alkət wandəkaɗata kəɗ kə fere, nakanya paɗ, yakhənchi ɓat tə manda i Farta kəmɗi Yesu Almasihu ə khur fatənchi. Nggət ɗəf kəfatsi Almasihu kə mbəs manda khur fatinchi ndu khur natkhaa ndu khur mərta. ²¹ Kətləm ngət ə məɗinchi sisinde Almasihu, mərtə paɗ mbəs ənkhar. ²² Ma nachan natənchə khaa khur fata nan ɓat tə manandə Farta, sənwi tla nai taɗtawa. ²³ Nat ndə chep, tandə kakhandə khur indinchi, yakhənchisi kə mali məɗya khaa kə ni tə Almasihu, nda'an yakhti kaan! ²⁴ Chəka kəɗu natinchəkhaa khur fata chok waat kətləm nggun. ²⁵ Chokkan fərkit inchəsɗar tlaya,səninchə wa ni natkhaa, kə pangnga tə wunchi, nat kətləm ɗət kə pang 'yowun, kheɗɗitə khur'yowun, khur fər kit. ²⁶ Kətləm nda'an alkət'yowun khur Almasihu nan nat chekte kətləm mba'tinchə kəmɗiyowun. ²⁷ Ɗam kə pang tə əna chətyowun kəɗ ɗənɗi kəmchisi tə ndikti Almasihu. Cham kəɗu kətləm ma ɓənchi ɗəpawunchi ndu nggəssəwa kə səki wa nachowun kit khur semet arta. Nggət ɗəf kəfatsi kə səki wa tə kaɗat arta natwun kwe'tə kha tə fərkit i ndikti Farta. ²⁸ Kə lekəwun chakmewa, tə ɗənɗi na fe yakhwakchə wunchi chəta, Chokchan kə wanndə sənan məɗyanda i təktə yandə khaa. Nggun paɗ wandə sənan khəratəyowun məɗi Farta. ²⁹ Kətləm chowunchə fe kakəta kətləm Almasihu, ngga kə fərwun kit kə Almasihu ndakwa, paɗ kə ɓakhwun khaa kətləm ndi. ³⁰ Ɓakhtəyowun sə khaa we'tə yina tla natwun, tla səktəwun nati fiyan pa' kə nakanya.