¹ Bulus, tlə ɓasi Yesu Kristi tə yakhti Farta, kəmɗi chəɗ chəɗ tə nafchi Farta ə Afisa, fe tlə fǝrchə kit kəmɗi Yesu. ² Kakəta tə kəɓikaɗi kəmɗiyowun məɗi chənmən Farta tə Yesu Kristi. ³ Mandə kəmɗi chinmən Farta tə Yesu Kristi, tlə fəramənchə mbestaan khar i semete tla khulafərta khur Kristi. ⁴ Taɗ Fartə mənchi khar tərkan khesi, taɗchan mənchə khar 'ma namən chok chiɗchiɗkəta təpaɗ kənamən kə əna 'yarat məɗyanwa. ⁵ Khur mbənfata taɗ Fartəmənchi kə chokmən kə wancha təmɗi Yesu Kristi, chichan kuɗuyu kətləm kət kə chət ənɗi yakhtənsi. ⁶ Mbəsta'an khar kətləm kə manachə Farta. ⁷ Khur Yesu Kristi tlət fe mənchikaɗi tǝmɗi fer'yan tǝ kal ɓǝɓifatkha tǝmɗi kafat'yan ⁸ Fǝrchan kakǝt'yan kaan khur yaka ɗatla tǝ sǝn'ǝnawa. ⁹ Mbaamǝnchǝ Farta, kit tǝ ǝnɗǝ nach mǝtwuɓta natǝn takhsamǝndǝsi na Fartǝ ɓat tǝ ɗǝchiɗi nach fǝrta ta khakha khur tlǝm Yesu. ¹⁰ Ma'su wanmǝnchaan ǝ mechendǝ takhǝstǝfa na Farta ɓat kakh tǝ ɗichiɗi ne fǝrta tǝ khakhaa khur tlǝm Yesu. ¹¹ Taɗchǝfe mǝnchi khur Yesu Kristi kǝ chokmǝn kǝ nafchiɗi ne nat kǝ i Farta. ¹² Chik Fartǝ kuɗuyu kǝtlǝm kǝnamǝn kha kǝ manamǝn kafat'yan. Ngamǝnne kǝ tǝrkan fe ɗǝfchi kǝfat si khur tlǝm Yesu. ¹³ Tǝ paɗ khur Kristi mbǝstǝwun sǝktǝmǝn kit taan. ɗǝk kǝɓikaɗi tǝmɗi Yesu paɗ khuran fǝrtǝmǝn kit paɗ ɗǝfkǝ Yesu khersi tǝ semete. ¹⁴ Mǝtlan nach kǝ mǝt ɗǝf kǝfat'yamǝn kǝ ɓǝra ǝnɗi natmǝn pǝkta kǝtlǝm kǝ manamǝn. ¹⁵ Kǝtlǝm kǝt nda'an, fartǝɗi sǝkti kuse'tǝ fǝrkityon khur chinmǝn Yesu tǝ mbǝnfatyon kǝmɗi nat nafchi Farta. ¹⁶ Tamwi malandǝ chan usa farta kǝtlǝm wechwa tlǝ nach kuɗuk wech ǝ khur sitinchi. ¹⁷ Siyani Farta Chin chinmǝn Yesu Kristi chinmǝn tlǝ manda, seme sǝnda paɗ tǝ sǝnɗǝchiɗi nach ǝ panga kǝ ɗaran. ¹⁸ Ngǝt sitǝwa weniti wandǝkaɗachyowun kǝ nandǝ mǝtkha, ma' nowun sǝn alkǝt 'yaɗi 'yafe wunchi paɗ ngǝt sita kǝtlem kǝsǝnwun mandi kǝnandǝ malandǝ kha. ¹⁹ Ngǝt sita kǝsǝnwun alkǝt ɗan nesi tla manchan nawak tǝ sǝrtaansi ǝ khurmǝn tǝɗi fǝrchǝ kit. maan ini 'yanyu tǝmɗi, tar alkǝtyan. ²⁰ Alkǝt mandǝyan chich ter khur Kristi, Fartiɗi tlaandǝ Fartǝ khur mǝmatacha. chokankan tǝ kharkasǝm khulafǝrta. ²¹ Chokankan Kristi ɗar fǝrtǝ kaan mǝ taɗtǝ kutǝrcha, alkǝta, manda tǝ chǝkawun tlime. Kristi nan chit kutrakta, nga khu rachiɗi nduk yawa, paɗ tǝ fe ne ɓatyu. ²² Sǝch Fartǝ chǝkamǝ nat kan sarti Kristi tǝ paɗ fǝrkanndi kǝ tlǝ pangnati fǝ para mbanch ɗar chika mǝ nat. ²³ Fǝ para Kristi nach kǝ fat'yan, ndiyittaankhaa tla ndidenchǝ ɗǝchkha nat chika yen mbene.