¹ Akwani anang nna muyi magu idhe ubangakiya agu ka kashiri uwur Yesu almasihu, kashiri kakigomo izu saganya maza kupki macyi na adong ayar. ² Nna pidong ikanan makassura mayin na nkari mu zinariya na makusu mavur, pidong na az iringya na makusu madhe kirik. ³ Nna iseten na piyu makusu mavurmani aguyi agu " nna pidumum pizono akatikadugan," piyu caza uni uguyasu," nyazah kuri" bamagu" zomo nna kajes kazono kanang". ⁴ Izan muyi magu ibasha maceszhe uyong uyin shi? iwanini alikalau ama minzha makuchok kawan?. ⁵ Potinmi, akwani anang, muwani muni agu, kshiri kasamgan kani aya caza uyhanwu agu awan ayi ichara uyong ubangaskiyaumi, yeni nnayeni awana agu ugadu unyong kigomo kiya shiri kinna ka kadeni aya mani kani alkawari. ⁶ Magu, icokonon kaya caza! azan, azan ayichara agullonyi shi? azan yeni adazini amatiya?. ⁷ Azan yeni adhe rizagu rinnini nipes nigbaki na ana yesahd ni na ninimi?. ⁸ Na magu kene, nna ikurgang matuyama madugan na abere shiri abaran agu," dumiya na piyi suzhibu nanicyi nimu," agu, muvur. ⁹ Nna isagan maza kupki macyi ideni ibangmi matiya mazugi na irafu imagu igara nan abere ashiri. ¹⁰ Piya itiri matiya napirin, aciri aujina adhe nazyik, ideni irafu amtiya mami napirin. ¹¹ Magu piyi iguragu "zudisha uzina" yi iguran agu, "zuwuna ncyi" nna pidishabu uzina asu wunza cyi muwani magu piwani piyuma garanzyi mityami. ¹² Abara kene berin atumzana ne ayama dama ciske unyong matyama masubtani. ¹³ Magu maceske majara mawana maza dhe ujinkai kaya saganan ani ujinkai. ujinkai udeni nasara namaceske. ¹⁴ Muvurmagu, akwani nna pidong iguran agu idhe utangakiya, mazasu yumzana? ubangaskiya umi unudeni gaskuniyi, ba uni ndama gaskayi?. ¹⁵ Matukani nna kwani na kwani nyeni azni makusu mavur na mazadhe maninaru ma mayira. ¹⁶ Madukani nna pidong uyi iguran yeni, "worinin na kasugu kabok, zomzonin na upiwa ashiri zura" bama do yeni ukusunna nipum nimani iyan uvura umi?. ¹⁷ Kene magu ubangaskiya nazyik, maza dhe utuma ungwu sagana nniba, akukitaru. ¹⁸ Pidong idama magu, "mi naciyi ninan ndhe ubangaskiya mi nnami ndhe utuma" sagamyani ubangaskiya umi uzadhe utuma mina nsaganayebu ubangaskiya unang unyong ayuka anan. ¹⁹ Dumya kashiri akdhe, disha naten magu na ayaju adumun, asu zara apum. ²⁰ piman mayokotya pizadhe kudugan, magu ubangaskiya uzadhe utuma a uwammi?. ²¹ Ama baratar na Ibirahim piwaban uwur autuma, kenna inima dakanya pibezene Ishaki uzo nbagadi?. ²² Yita ubangaskiya uyeni utumzanan na utumiyi, na maguragu uyong utuma ubangaskiya uyimi nma sugana nacap. ²³ Unassi ukuri, "Ibirahim idumun na kshiri Abarsin uni amasayi madaki, ayerkini agu pijamu kashiri. ²⁴ Iyitan autuma napiyar ina zuga ubaratarwa azn ubangskiya nazyik. ²⁵ Aujina ungwuma na Rahab kigadan kinkini kima zuga ubaratarwa autuma, na ima toddo ayama vegenzyi akgnisa a cidda yeni a ndon ujina ubktazyi? ²⁶ Kenna nipum niza uruhu akukitaru, kenna ma zubangaskiya uza utuma akukitaru.