¹ Yakubu, pidere ukashiri, na Yesu Almasihu, maka kana kan nbiga pitura akaba mukazono nsumazyini. ² Zyinin yeni napirin anasugu nabok, akwani anang, akapa kanna imansanan ijarabobi. ³ Iyogotya magu adunturu ribin niyin nini nima waba ujimiri. ⁴ Jikin ujimiri uyin ukurganya utuma uyin, abara magu kazagin akicibru kigbaki amangarini, abara magu izu biza kadanma. ⁵ Nna pidong uyin imani uhikima, igisa kashiri, kana magbaki mazasu dishiya ugon kapiyigisan kani, kadama do piyami. ⁶ Magu gisa namadene makasugu mi mazadhe ushakkami, magu piyu shakka iyine mavunduruni ma-mani maka jiwa kagbaki, unna uvunu una pepra unusu vundurunu. ⁷ Muzu wana magu piyangwunu iminzha mashere kadamana ka kashiri; ⁸ Piyangwu apiyu nasugu nabami, piyi na nyazakiyayi kumina kuyi akijina kiyi. ⁹ Magu kobina uyi ucaza irerene akazomi kayi kagbaki, ¹⁰ Magu piyar idhe kakusu kichara akazomi kacaza na idama zomo, idama wurone ibasgha iugi amagura. Ngmyi mu cizzah muyheki ¹¹ Mupopso asu rogonzya ugyi ibasgha imijigi, uwura uyini ununaguzura. Kenna pikarma idama rogo ayi unyong kacaci kujaruyi. ¹² Libarka niyi kapiyi nyazanhan ugwaji. mugu unna uyazanham ana makamani,Idama zuga kukar kuivataru, muni na'adeni likawali ka kashiri abara ka yamani kani. ¹³ Pidong uyun izugi unna amakanzi, "mamaka mani ama cirika kshiri," magu ana maka'ani kashiri a kucok, ukusu deni kana maka kani pidong. ¹⁴ Ina zuga ma- maka abara kutau kuyi kuco, kun kuna daska piyar akanokyayi kumina. ¹⁵ Na kutau kukuco kurighan unyong, kudama waba ibang, una ibang igbakanan inina waba make. ¹⁶ Azu cipanzyini, akwani anang. ¹⁷ Ko'she ubaiwa uvur, na ubaiwa ukuri au ciri uzoumi. au toron aciri kapicu unu dama sakurguni ko matuburga kenna ntongoro munayi. ¹⁸ Kashiri ka samgan agu a wabidi unyong abere anibin, magu kiwan mayenha mazoni unyong uhalita ukani. ¹⁹ Iyo munnamu akobini anang muwani magu kowan uyi iden kadhazhazhaka matara ato awana nazya ana bere, awna nazya akishiga. ²⁰ Magu kishiga kiwur kina disha kini utumumatini ukashiri. ²¹ Abara kene nikin utuma ukuzyini nama gbaki nakucok. Unyong matini sherin abera a gingan angha dama gaska avataru awur. ²² Iwana yana tumzana na abere ashiri izuwana ayana potonzyani nazyik, icipanzya acyi ayin. ²³ Magu piyina potionzya abere ami nazyik, mazsu tumzana nani, iyine piyer uru ina dukara nyan muyi a madubi. ²⁴ Ina yita nici niyi aworoyi, aminzya wurunun nyan muyi kenna muyi. ²⁵ Magu piyi dukara matya mashiri azob manang mani na uyanci adene nicyimi amatini idama wanayi na piyi poton awuronu, piyangwu idama wana piyu libarka unyong ukusu iyisha. ²⁶ Nna pidong iminzya aguyi azob kashiri magu puri kano kayi, icipanzya kasugu kayi mazobmashiri mapiyami auwam. ²⁷ Mazob mashiri madugan azan ukusu makari kazono kashiri kawur na picuwur, anayi a mukshi a gugami na acono unyong nshishi muyeni piyer itara nici niyi azomo maza de kasugu ka makari unyong uyangwu.