¹ A kauwe bwi a Kafarnahum a bukka kotǝ baniyǝng, kǝn nwi mo ka kai. ² Mwam ka kura bwi ya gai me sǝr we, yǝgira nyiya fugangngi, kǝn Yesuwa sotǝn yǝm a hanjimǝng. ³ Kǝ bagi nǝb a gwan hanguwi, bǝtǝnǝ rǝ ni bwi ya buburiyu; nebbǝ gwar a dǝbe hangu. ⁴ Fulla wu hanjim a dǝmǝn ba lauwe hangu rǝ doi, bǝrǝ mwamiya nǝbbiyu, kǝn hanjim a gwalmǝn jita kanni a bǝngotǝna kullo Yesuw kawi, a bukkǝ hanjima wʊmǝn jita kaniyǝng ka sǝg swetihi rǝ ni bwiya burburiyu a dawi. ⁵ Rǝ chutang ka nǝbǝntang ka yǝmbǝ nyam ba jiyǝmǝng, kǝn Yesuwa sotǝna ni bwi ya buburiyǝ go, "Yǝlli, kǝn yǝnonǝn jini bwirai ya mu." ⁶ Mǝni bagi nǝb mʊlarǝm bǝ ka chiro gaiyǝn nǝngnga kǝmarang a furna jiyu, ⁷ "Ba nǝngnga go nyǝnnǝ kǝ ni waiwe ba su yǝm nyang nyengkǝng? Ka su bwandǝ bwiran! Wʊnǝ gǝba dǝmǝn yʊnotang a jǝnni a li Niyajyu gǝn kwan?" ¹⁰ Mǝni bo na ba tǝ yǝm to Yǝlla Niyu karǝ kumni ya gusǝte a yʊnotǝn jǝnni bwirai, Ka sotǝna ni bwi ya burburiyu go, ¹¹ "Mǝn sunǝn mo gun,dǝb ji dariya mu na di ya kai." ¹² Ka gun wʊlak a dǝb ji dariya gu, ka jǝrmǝn a kai hi a kak ka nǝbbǝng, kǝ mǝnabuni wariguwa jiyu, ka ne grate Niyajiyu, suwerǝ go, "Nǝn chʊmǝnbǝ guji wu nyang nyǝngke." ¹³ Ka kabi ya kǝngka bwaka hiyǝngǝng, kǝ nǝb warigu a be gwa giyuwǝng, ka mǝsatǝnǝng. ¹⁴ A jii wu suriyǝng kǝ churǝ Lewi, Bwe Alfai a chichi a gʊn yǝrǝ chǝmmǝr da dʊrǝn wi, ka sotǝn go "Fʊngngniye" ka guna fungngǝng. ¹⁵ Yesu ka jarǝ jǝni jauri a kaitan Lewiyu tǝn bǝ kura chǝmmǝr da durǝnǝn rǝ bǝ rǝ jǝni bwiraiyǝm, nǝb mwam ka be gwan giyu tǝn bwiranǝmba gǝm, nǝb mwam deni ka fʊng hangu. ¹⁶ Nǝb mularǝm ba Farisawam ka chu Yesu jarǝ jǝni jauri tǝn nǝbbǝ yʊrǝ chǝmǝr da dʊrǝnǝm na nǝbbǝrǝ jǝni bwiraiyǝmǝng, ka gul bwiranǝm go "Wula ma ki jarǝ jǝni jauri tǝn bǝ kura chǝmǝr da dʊrǝnǝm na nǝbbǝ rǝ jǝni bwiraiyǝmǝng?" ¹⁷ Yesuwa nwiyǝng ka jautǝn go "Nǝbbǝ bwitǝ lǝmangngǝm me bǝ farǝ niya yǝnongngi; ba bwarabwaraiyǝm ji farǝ. N’be bǝ mo na fau bǝrǝ yobi nyamǝm mǝn fau bǝrǝ jǝni bwiraiyǝm." ¹⁸ Mǝssarbə ba Yohanam tǝn Farisawa bǝ so hi mǝnni mǝssarbə ba mʊm a sobeng. Kǝ bagi nǝb a be sotǝna hanguwi go, "Bǝrarǝ wʊllai ki məssarbǝ ba Yohanam na Farisawa ba so hi ki bumǝm a so bǝng?" ¹⁹ Yesuwa sotǝn go, "Kagǝm ba bweli rǝ nati ba so hi a fulla ka tǝn bweli natiyu ga? Ka tǝn bweli rə nati ki me ba so hi. ²⁰ Mǝnni kotǝ ka ba be wu bǝn dǝbmǝn bweliyu rə nati mǝnni a yai kote hanjim ba so hi. ²¹ Me rǝ ni ba sa dʊkkǝ fiyǝng ka murga tǝn kǝ funǝngngəng, si be ki kang dʊk ba bʊra warigu. ²² Merǝ wu ba dǝb hi ya inabiyu fi ka kwi a mura gʊlong kǝ funǝniyəng, si bǝ ki ba bwasǝ gʊlonghǝng, ki me gʊlong we, me hiya inabiyu we. Nyaguwi yangu kwi hiya inabiyu fi a mura gʊlon kǝ fiyǝng.'' ²³ Yesu ka diya kuna jami a ko griyu, kǝ bwiranǝm ba gǝm a tau kwira dutǝtta jamiyǝng. ²⁴ Kǝ Farisawa sotǝnǝ go "Chuwe wʊlai a ma ki tǝ nǝngnga jiya chin soriyu a ko griyuwung?" ²⁵ Ka sotǝn go, "Tǝ ke bǝ ji Dauda nǝngnga a fulla wa nui jun tǝn nnǝbbǝ ka kǝnǝmi ga? ²⁶ Nyǝngka dǝgi rǝga kaita Niyajiyuwi a fulla wun Abiyata gǝ tung jǝni a chǝriyu, ka jau jǝni jaura ni karǝ ba dautǝnbuwǝm, bo ka metǝn a bǝ kinǝmǝng ga?" ²⁷ Yesu go, "Nǝngnga Kogriyu bǝ rǝ rǝ ni me mo ni bǝ rǝ rǝ Kogriyu. ²⁸ Bǝrarǝ nyang yəlla niyu nigra a jiya Kogriyu.''