¹ Wang ka dɨl da Yesʊ Ni Jəgri yəllang Daudai yəllang Ibrahimi. ² Ibrahimi gən ten Ishakʊwi, Ishakʊ gən ten Yakʊbuwi, Yakʊbu gən ten Yahuzawi tən chəte. ³ Yahuza gən ten Fariza tən Zera, nen jiyʊ nən Tamar, Farisa bo gən ten Hasuruna, Hasuruna rə kɨngang gən ten Arammi. ⁴ Aram gən ten Aminadabi, Aminadab gən ten Nashoni, Nashon gən ten Salmoniyu. ⁵ Salmon gən ten Boazzai; ne nən Rahab, Boazza ten Obidai; ne nən Ruti. Obida gən ten Yessiyu. ⁶ Yesse gən tən Dauda Nidʊ, Dauda gən tən Sulemanuwi; a butəna nyʊiya Uriyai. ⁷ Sulemanu gən ten Rehoboammi, Rehoboam gən tən Abiyai, Abiya gən tən Assai. ⁸ Asa gən tən Yehoshafati, Yehoshafat gən ten Yorammi, Yoram gən ten Uziyai. ⁹ Uziya gən ten Yotammi, Yotam tən Ahaz, Ahaz tən Hezekiyai. ¹⁰ Hezekiya gən ten Manassai, Manassa tən Amonni, Amon ten Yosiyai. ¹¹ Yosiya gən ten Yekoniyai tən chətte, a fʊlla wʊn yi hanjim n'digra Babilai. ¹² A bukkən yi hanjim n'digra təmba Babilaməng, Yekonia gən ten, Sheyalliyel, Sheyaltiyel gən ten Zarubabelli. ¹³ Zarubabel gən ten Abihudʊwi, Abihudʊ ten Eliyakimi, Eliyakim bo gən ten Azuruwʊng gən ten Azuruwʊng. ¹⁴ Azuru gən ten Sadʊkʊ. Sadʊkʊ gən ten Akimʊwi, Akimʊ gən ten Aliyudʊ. ¹⁵ Aliyudʊ gən ten Ali'azari, Ali'azar ten Matanai, Matana ten Yakʊbuwi. ¹⁶ Yakʊbu gən ten Yusufuwi, nibaran Maryamʊyi, wa bu Yesʊ, n'bərəmo Krisitiyʊ. ¹⁷ A dəbbewa Ibrahimi yɨgira Daudai, kən nəngnga tangngartə kwʊ a jɨrtə gwar, a dəbewaDaudai yɨgira fʊlla wʊn yi hanjim n'diya rə ga Babilai, tangngər kwʊ a jɨr tə gwar, a dəbewa fʊlla wʊn yi hanjim n'diya rə ga Babilai bera buwʊngka Kristiyʊ tangngar tə kwʊ a jɨr tə gwar. ¹⁸ Buwʊngka Yesʊ Kristiyəng a nəngnga bwi nyəngke. Nengʊ, Maryamʊ, Yʊsʊfu a jɨrtənni, kən nya rə fʊr a gwa We Yʊlgoiyu. ¹⁹ Nibarangʊ, Yʊsʊfu ni rə yobi nyai, mənni me bə farə go gə ne bujiri hangʊ a tari. Ka bʊ yəmma furiyangʊ go gə jamən a bəmənbʊwi. ²⁰ Ka mʊra kang kəmarangəng, kə we təmra Nigrai a betəne a dʊgaməng, ka sotən go, "Yʊsʊfu, yəllang Daudai, kari bən nwi tata dəbtang ka Maryamʊwʊng a chi nyʊiyamʊ, bɨra ki jiwʊ ka furda gənni, nya wa gwa We Yʊlgoiyʊ. ²¹ Ba bu bwe, bən bu mo Yesʊ, bəraki ba jəg nəbba gəmma jɨni bwirai.'' ²² Mənni hangʊ a nwi mo Arkilayʊs ka jau kʊla ten gʊ Hiridʊsi nəngnga dʊʊta Yahudiyang, ka nwi tata lautangnga gaiyʊ. A bukkə Niyajiyʊwa wʊtən suu a dʊgaməng, ka mʊl yɨgira təm ba Galiliyəmməng. ²³ Ka yɨga chiya dagi bɨr bərə mo Nazaredəng. Waiwa rii jiiwʊn sʊwe wa nyʊiya nəb yʊwerəmmi, mo, bən bu mo niya Nazaredi. ²⁴ Yʊsʊfu ka gʊnna dʊʊm, ka nəngnga nyəngkə we təmri ya Nigrai a sotən rəgəng, ka dəb a yullo nyʊiyangʊwʊng. ²⁵ Yʊsʊfu bo a chigabe kin yɨgira fʊlla bu bwe bariyʊ. Ka kautən dʊn go Yesʊwʊng.