¹ Iwe we wacila abanakashi bonse ukuyemba? ni kwi umutemwikwa obe ele, pakuti tukwafweko ukumufwaya? ² Umutemwikwa wandi ele kwibala lyakwe, kucilime cakwe ukwalimwa imiti iinkunkila aleya mwibala lyakwe, kabili alesabama na maluba aya mu manika. ³ Ine ndi wa mutemwikwa wandi, no mutemwikwa wandifye neka; alitemwa ukulya mu maluba aya mu manika. ⁴ Ala uli musuma we mutemwikwa wandi wawama ngo musumba wa Tirisa, nakutemwa ngo musumba wa Jerusalemu, ala ulasungusha kwati mulalo wabashilika. ⁵ Funya amenso yobe kuli ne, pantu amenso yalenenga ukupompoteka. Umushishi obe nao uwatelela kwati libumba lya mbushi ishilefumina ku lupili lya Gileadi. ⁶ Ameno yobe yabuta tutungo mukuni wa mpanga isho basamba no mbaline. ⁷ Insesematwi shobe nasho kwati fipandwa fya mateke mu citambala. ⁸ Banafumu (60), (80) banacisungu, abanakashi abashaupilwe mu bwingi. ⁹ Inkunda yandi, uwapwililika wandi, abafye umo mpo; nao nyina amufyalafye umo mpo; ali mwanakashi uwacindama pabanakashi bonse. Abakashana bambi bonse ngabamumona balemwita walipalwa, aba banamfumu kumo nabanakashi abashaupilwe nabo balemumona, kabili balemulumbanya: ¹⁰ Ninani ulya alemoneka nge mibengebenge yapa macaca, uwayemba ngo mwenshi, uwabengishima nga kasuba atusungusha kwati mulalo wabashilika abali nemendele shabo?''' ¹¹ Ine natetemukila kwibala lya miti yafitwalo kukumona ifyo imiti ilekula, kukumona imyangashi nga naipuka, namatete nayo nga nayabalula. ¹² Shaishibe ilyo umweo wandi kukafika pali ine nokumbika mu maceleta yaba bantu bandi ¹³ Bwekela kunuma, bwekela kunuma, wemu Shalamu bwekela kunuma, uleke tulekutamba! Nga cinshi ico mulefwaila umwina Shalumu, pa nshita alecinda pa Mahanaimu.