1 Moneni, munshiku isho panshita iyo. Ilyo nkabwesha ba nkole bakwa Yuda na Yerusalemu, 2 Nkalonganika inko shonse, kabi no kushitentemushisha ku mpokapoka Jehoshafati. Nkabapingwila kulya, pa mulandu wa bantu bandi ne cikwatwa candi Israeli, abo ba pashile mu nko, kabili napa mulandu wa kwabanya icalo candi. 3 Bapendwilile pa bantu bandi, bakalwishe umulumendo pali cilende, kabili no kushitisha umukashana pa myangashi ukuti banwe. 4 Nomba, cindo mufulilwe pali nebo. Tyre, Sidoni na fyonse ifitungu fyabena Peleshiti? bushe mukambwesesha? Nangula munga mbwesesha, nkangufyanya ukubwesha icilandushi cenu pa mitwe yenu. 5 Pantu mwalisenda Silfere na golide wandi kabili mwaliletele nefipe fyandi ifisuma mu matempele yenu. 6 Mwashitishe abantu bakwa Yuda na Yerusalemu ku Griki, mukuti mu batume baye ukutali ukubafunya ku mipaka yabo. 7 Lolesheni, ndi mupepi no kubabusga, ukufuma mu ncende mwabashitishemo, kabili noku bwesesha amalipilo pa mutwe obe. 8 Nkashitisha abana benu abaume nabana benu abanakashi, kukuboko kwa bantu bakwa Yuda. Bakabashitisha kubena Sheba, ku luko ulwapatali, pantu Yahweh alisosele.'' 9 Alasheni ici ku nko: ''Ipekanyeni ku bulwi; imyeni abaume ba bulamba; lekeni bese mupepi. 10 Fuleni amakasu yenu ukuba ba panga ne mwele yenu ukuba amafumo. Lekeni uwakunaka alande ati, Ndi mpalume.' 11 Angufyanyeni no kwisa, mwensd mwe nko shamupepi, kolonganeni pamo kulya. Yahweh tentemushisheni ababulwi benu babulamba. 12 Lekeni inko shi ibushe no kunina ku mupokapoka wa Jehoshafati. Pantu kulya eko nkekala muku pingula shonse inko ishashingulukako. 13 Bikeni icikwakwa, pantu nafipya ifyakusepa. Iseni kameni imyangashi, pantu icakukaminamo imyangashi ciliswile. Ifya kubikamo fikopala, pantu ububi bwabo bulikulile.'' 14 Muli cinkupiti, cinkupiti mu mupokapoka waku pingwilamo. Pantu ubushiku bwakwa Yahweh bulipalamine mumi pokapoka waku pingwilamo. 15 Akasuba no mwenshi fili ficiti, intanda shafilwa ukusanika. 16 Yahweh akabuluma ukufuma mu Zioni, kabili akasansula ishiwi lyakwe ukufuma mu Yerusalemu. Imyulu ne calo fikatenkana, lelo Yahweh akaba ubucingo ku bantu bakwe, kabili icubo ku bantu bakwa Israeli. 17 Elyo mukeshiba ukuti nine Yahweh Lesa wenu uwikala mu Zioni, ulupili lwandi ulwamushilo. Kabili Yerusalemu ukaba uwamushilo, elo na bambi bambi tabakapitemo na kabili. 18 Cikesa kuba pali bulya bushiku ukuti impili shi kalekutonya umwangashi uwakulowa, ifyulu fikale kupongolola umukate, ne milonga yonse iyakwa Yuda mukalekupitamo amenshi, kabili mu nganda yakwa Yahweh emukalekufuma akamfukwe mfukwe ka menshi no kutapilisha umupokapoka wakwa Shitimu. 19 Egypto akesa kuba icibolya icalekeleshiwa, kabili Edomu akesa kuba amawanga ayalekeleshiwa pa mulandu wa bunkalwe bwacitilwe pa bantu bakwe Yuda, pa mulandu wa mulopa basumishe uwakaele mu calo cabo. 20 Lelo Yuda akekalwamo umuyayaya, kabili Yrusalemu akekalwamo ukufuma ku nkulo na kunkulo. 21 Nkalekumona umulopa wabo uwakaele uyo ntalamona ukuba uwa kaele, oantu ekala mu Zioni.''