1 Ici e cebo cakwa Yahweh icaishile kuli Yoele mwana mwaume wakwa Pethuel. 2 Umfweni ici, mwebo mweba koloki, no kukutika, mwebo mwense mwebekala calo. Bushe kwatala akucitika ica musango uyu mu nshiku shenu nangula mu nshiku sha fikolwe fyenu. 3 Ebeni abana benu pali ci, no kuleka abana benu bebe abana babo, nabana babo ku nkulo yakukakonkapo. 4 Ico makanta uputaula ashile, ashile, makanta umukulu ali lile; ico makanta umukulu ashile, icipaso cili lile; ne co icipaso cishileko, icishimu cililile. 5 Alamukeni, mweba cakolwa, no kulila! Welesheni, mwense mwebanwa umwangashi, pantu umwangashi uwakulowa uliputwilwe ukufuma kuli mwebo. 6 Pantu uluko lulimine pa calo candi, ulwamaka ukwabule impendwa. Ameno yaluko meno ya nkalamo, kabili luli na meno ya nkalamo iyikota. 7 Alicitile ibala lya myangashi lyandi ica kupapa kabili alyomwene icimuti ca mukunyu wandi. Alyomweneko ifipande fya ciko no kufiposa; imisambo ilifye iyakubuta. 8 Losheni nga na cisungu ufwele insamu pa mfwa yakwa shibwinga wakwe umulumendo. 9 Umutulo wa ngano no mutulo wa mwangashi filiputwilweko ukufuma ku nganda yakwa Yahweh. Bashimapepo, ababomfi bakwa Yahweh, bakolosha. 10 Amabala balyonawile; umushili ukolosha pantu ingano balyonawile umwangashi upya ulyumine; amafuta yali kamine. 11 Ikatweni insoni, mwebalimi, kabili welesheni, mwe balima imyangashi pa ngano na barley. Ico ukusombola kwa mabala kuli pwile. 12 Imyangashi ilipulwile ne fimuti fya mikunyu filyumine; ifimuti fya mu pomegranate, ne fimuti fya kancindu ne fimuti fya apple- fyonse ifimuti fya mwibala fili pulwile. Pantu insansa shilifuminepo pa bana kufyalwa kwa muntunse. 13 Fwaleni insamu no kulosha, imwe bashimapepo! welesheni, mwe babomfi bapa cipailo. Iseni, laleni ubushiku bonse mu nsamu, mwe babomfi bakwa Lesa wandi. Pantu imitulo ya ngano ne mitulo ya mwangashi fili putwilweko ku nganda yakwa Lesa wenu. 14 Bilisheni inshita ya mushilo iyakuleka ukulya kabili bilisheni ukulongana kwa mushilo, longanyeni abakoloki na vbonse abekala calo ku nganda yakwa Yahweh Lesa wesu, kabili lileni kuli Yahweh. 15 Bukoisa ubushiku! Pantu ubushiku bwakwa Yahweh bulipalamine. Bukoisa no konaula ukufuma ku wamaka yonse. 16 Bushe ifyakulya tafyaputweko pa menso yesu, kabili insansa ne congwe fyalifumishiwa pa nganda yakwa Lesa wesu? 17 Inseke shabolela pa nshinde sah shiko, amayanda yakututilamo yashala ukwabula, kabili amatala yali bongolokele, pantu ingano shilipulwile. 19 Ifyo ingombe shikotusaila! ifipani fyashiko fikoendauka mu cimfulunganya pantu tashikwete umulemfwe. Nmikuni ya mpanga nayo ya culilamo. 18 Yahweh, nkolila kuli mwebo! Pantu umulilo ulyocelwe umulemfwe wamu ciswebebe. Kabili no lubingu lulyocele ifimuti fyonse ifya mwibala. 20 Ne nama sha mwibala shifuluka mwebo, pantu mumupita wa menshi mulyumine. kabili no mulilo ulyocele umulemfwe wa mu ciswebebe.