¹ ntsiku yaSabata paidazhula, Maliya magadalena, Mariya amai Jemusi, pabodzinaSalome adagula mafuta yakununkula kuti akadzoleke chitanda chaYesu, ² pantsiku yasondo adayenda kumanda, dzuwa paikha bula. ³ adati kunamunango namunago, ''tsapano adati kunamunango namunago wawo ''mbani akati chosela mwala kumanda, '' ⁴ Tsapano adayanga adawona mwala watokungulusiwa kale pakuti ukali ukulu. ⁵ ndipo paadapita mumanda mwaadawona Mwamuna adakhala kujanja lachadidi adakankhamuka nabzvo ⁶ Adati kuna iwo, ''musakankhamuke. mukupswaga Yesu waNazaleta, uyo akadakhomelelwa. alamuka! alilini pano. Yanganani pambuto paakadamugonesa apa. ⁷ Tsapano endani, kawuzeni wakuphunzila pabodzi naPetro kuti achawatsogolela kuGalileya. kumweko achakamuona , ninga kulewa kwaadachita. ⁸ aadachokako kumanda achithamanga nakutetemela pabodzi nkukankhamuka. alibe kulewa kana fala kuna munango pakuti akagopa ⁹ machibesebese yasondo, Yesu atolamuka adawoneka kakuyamba kuna Maliya magadhalena waadachosa mizimu minomwe, ¹⁰ Adayenda kawuzaamweo wakanawo, pale paakadandaula pabodzi nakulila. ¹¹ Adambva kuti walamuka ndiwamoyo pakuti adatowoneka naiye, koma alibe kukhulupilila. ¹² bzventsenetse bzvayitika , iye adawoneka munjila zakusiya siyana pauwili wawo, pauwili wawo akafambamudziko. ¹³ Adayenda achiwuza wanthu wentse pabodzi nawakuphunzila, koma alibe kukhulupilila. ¹⁴ Pakumalizila Yesu adawoneka kuna wale aphunzili khumi namubodzi paakadatendelela patebulu, paaka tsiulana nabzvakutaza kwawo kukhulupilila pabodzi nakuwuma kwawo ntima, pakuti akakhulupilila lini kuna awo adamuwona kuchoka walamuka kuchoka kuwakufa. ¹⁵ Adati kuna iwo, endani kudzoko mukalalikile kuna bzvilengedwe bzventse. ¹⁶ Kuna uyo azakhulupilila muwombekeni pomwe anenge wapulumusiwa uyo alibe kukhulupilila anzapasiwa mulandu. ¹⁷ bzvidabwiso ibzvi bzvipasiliwa kuna imwe wakukhulupilila anizachosa mizimu yakuyipa namudzina langu, azalalewa namalilimi yachilendo, ¹⁸ Azaphata nyoka namanja yawo, nekumwa bzvinipha koma bzviwapha lini. achazayikha manja padzulu, achizachila. '' ¹⁹ Paadamala Mambo kulalewa nawo adayendesewa kudzulu kwadakhala kujanja ladidi laMulungu. ²⁰ Aphunzili adayenda nkuyamba kulalikila kwentse _kwentse, apo Mulungu akasewenza nawo, pamwepo Mambo akaseyenza nawo ndiye akalatidza kuti kulalikila kwawo kwachadidi nadzvidabwiso bzvakachita.]