¹ Machibese, akulu wamapulisita adasangana pabodzi nakulu wamulawo nanyakunemba natsogoleli wachiJudha.Adamumamanga Yesu nakuyenda naye kuna Pilato. ² Pilato adamubvunza,'' Ndiwe Mambo wawajudha? Adamupindula,'' Ndibzo bzawalewa,'' ³ Akulu waapulisita akali kumupasa milandu mizinji. ⁴ Pilato adamubzunza pomwe,'' Ulibe chakulewa? nyangana milandu yaulikupasiwa!'' ⁵ Yesu alibe kumupindula Pilato, bzidamudabwisa. ⁶ Nanthawe yamadyelelo, Pilato akachosa wakumangiwa mubodzi,Waanenge akumbila, ⁷ Pakali namuna dzinalake bhanabhasi wakuphatiwa namulandu wakupha. ⁸ Gunyenye idabwela kuna Pilato kuti awachitile bzakaita kale . ⁹ Pilato adataila,'' munifuna ndikuchoseleni Mambo wama Judha?'' ¹⁰ Pakuti akadziwa kuti ndigodo Apulisita akulu adamupeleka Yesu manja mwake. ¹¹ Koma apulisita akulu adati kugunyenye lawantu bzilibwino khutsudzula bhanabhasi. ¹² Pilato adawapindula pomwe adati,''mufunakuti ndiite tani naMambo waajudha?'' ¹³ Adachemelela pomwe ngakomelelewe!'' ¹⁴ Pilato adati.'' wataza chani?'' koma adalamba achichemelela,'' ngakhomelelewe,'' ¹⁵ Pilato nakufuna kukondwelesa wantu, adatsudzula banabhasi, Adamumenya Yesu adamupeleka kuti akakomelelewe. ¹⁶ Asilikali adamuyendesa pambuto [yakulu waboma ]akchemela wense asilikali. ¹⁷ Adamubvadzika Yesu mucheka utali ,adapomba ngala yaminga nakumubvadzika. ¹⁸ Adayamba kumufolela achiti, iwe ndiwe Mambo waaJudha! ¹⁹ Achili kumumenya musoro wake namuteteachimutsipila mata. Adagwadama patsogolopake. ²⁰ Padamunyoza , adamuchosa mucheka wakadabvala ndikumubwezela nkanjo akayenda naye, ²¹ Munango mamuna, Simoni wakuSailini, akafikambo akali ababa waAlekizanda nalufusi, adamanikidza kuti atakule mtanda. ²² Masilikali adabwelesa Yesu pambuto yagologota[ mbuto yamabondo''] kana bzichilewedwa. ²³ Adamupasa waini inavhiniga, koma alibe kuimwa. ²⁴ Adamukomelela ndikutola mucheka waakadabvala akabvina njuga kuti agawane. ²⁵ Ikali nthawe yachitatu paadakomelelewa. ²⁶ Adanyora chikwangwani kuti,'' Mambo waJudha .'' ²⁷ Pakali nambavha ziwili padamukomelela munango kudzanja lichadidi munango kudzanja lanzele, ²⁸ Yanango malembo yalibe mako 15;28, malembo yadadzadzikisiwa yaniti, ' Adawa pabodzi nawakutyora mulawo, ²⁹ Anango akali kupita nanjila akali kuzunguza misolo achimunyoza achiti,'' Aha! Ukalewa bzakupwanya thembeli nansiku zitatu nakuimanga pomwe. ³⁰ Bzvipulumuse ubuluke pamuchinjikwa. ³¹ Naakulu wamupulisita akali kumunyoza pomwe , naanyakunemba akhati, ''Akali kupulumusa anango, koma angabzvi pulumuse lini iye. ³² Kilisitu, Mambo waIsilaili, bulukani pamuchinjikwa, pamwepo tione tikulupili ³³ Nnthawe zachithanthatu, mudima udakalapo pakati nthawe zampemba. ³⁴ Nanthawe zampemba Yesu adachemelela nafala ilipadzulu,Elio,Eloi, lama sabachthani? bzvinilewa kuti,'' mulungu wangu mulungu wangu mwandisilanyi?'' ³⁵ Anango akadamila pamwepo adabva mafala yake adati, nyangala alikuchemela Eliya.'' ³⁶ Munango adatamanga ndikufaka waini yakuwawa paguntsalinya, adatulika pandodo ndikumupasa kuti amwe. Mamuna adati , '' Iekani tiwone kuti Eliya animubulusa .'' ³⁷ Pamwepo Yesu adachemela mafala ilipadzulu akamwalila. ³⁸ Nguwo yamuthembeli idan'ambika napakati kuchoka padzulu kufika panyantsi. ³⁹ Mukulu wamasilikali wona Yesu amwalila nanjila imweyo, adati, Chadidi uyu akali mwana mulumbwana wamulungu.'' ⁴⁰ Pakali naakazi akali kunyangana napatali. pakati pawo pakali naMaliya Magadhalina, [Maliya amayi waJemusi mun'ono waJosesi ], ⁴¹ Pakali muGaliliya adamuteyela nakumutumikila.Azinji akazi adabwela pomwe pabodzi naiye muJelusalema. ⁴² Chakumaulo,pakuti ikhalintsiku yakukonzekela,kulewa, kukonzekela ntsiku yasabata ikanati yafika, ⁴³ Josefa waku Alimatiya adabwela. akali wakulemekezeka waboma alipakuyembekeza uMambo waMulungu.Adayenda kuna Pilato akakumbila mutemo waYesu. ⁴⁴ Pilato bzvidamudabwisa kuti Yesu akadambo mwalila,' Adachemelela mukulu wasilikali kuti amubvunze Yesu amwalila. ⁴⁵ Pilato paadabva namukulu wamasilikali kuti Yesu wamwalila, adapeleka muntumbi . ⁴⁶ Josefa adagula nguwo, Adamuchosa pamuchinjikwa akamumonela panguwo,Akamupendeka pabako ikali pamwala. Adakungulusa mwala akatsamiza pamusuwo wabako. ⁴⁷ Maliya magadhalina naMaliya amayi wajosesi adawona mbuto Yesu yadaikiwa.