¹ مَشِي لاَزَمْ لْكُمْ مَنْ جِهَة خِدْمَة مْعَوْنَة الْقِدِّيسِين، ² عْلَى خَاطَرْ نَعْرَفْ الْحَمَاسْ تَعْكُمْ أَلِّي رَانِي نْزُوخْ بِهْ لَلْمَكِدُونِيِّينْ، بَلِّي أَخَائِيَة رَهِي وَاجْدَة تْعَوَنْكُمْ مَالْعَامْ أَلذِي فَاتْ. و الْحَمَاسْ تَعْكُمْ مَّسْ بَزَافْ مَالْخُوتْ. ³ بصّحْ أَرْسَلْتْ الاِخْوَة بَاشْ مَيْتْعَطَلْشْ الزُّوخْ تَاعْنَا مَنْ جِهَتْكُمْ مَنْ هَادْ الجِهَة، ⁴ بَاشْ تْكُونُوا وَاجْدِينْ كِيمَا ڤُلْتْ .بَاشْ يْلَا جَاوْ مْعَايَا مَكِدُنِيُّونَ وْصَابُوكُمْ مَاشِي وَاجْدِينْ حْنَا بَاشْ مَانْڤُولْشْ نْتُومَا فْهَادْ الزُّوخْ. ⁵ وْشَفْتْ لَازَمْ نَطْلَبْ مَ الْاِخْوَة بَاشْ يْجُو قْبَلْ عَنْدْكُمْ , وْيْوَجْدُو البرَكَة لِي ڤُلْتْ عْلِيهَا مْقْبَلْ ,بَاشْ تْكُونْ بَرَكَة مَاشِي بُخْلْ . ⁶ هَكَا لِي يَزْرَعْ بالشَّحَة يَحْصَدْ بالشَحَّة ,وْلِي يَزْرَعْ بالْبَرَكَة يَحْصَدْ بالبَرَكَة. ⁷ كُلْ وَاحَدْ يَتْبَرَّعْ كِيمَا نْوى فِي ڤَلْبَهْ ، مَاشِي بْالْحُزْنْ وَلاَ بَسِّيفْ .عْلَاخَاطَرْش لِي يْمَدْ بالْفَرْحْ يَبْغِيهْ رَبِي ⁸ وْ رَبِي قَادَرْ يْزِدَلْكُمْ كُلْ خِيرْ ,بَاشْ يْكُونْ عَنْدْكُم اِكْتِفَاءْ في كُلْ حَاجَة و في اَيْ وَقْتْ ,في كُلْ عَمَلْ صَالِحْ ⁹ كِيمَا مَكتوبْ :"اَعطِي لَلْمَسَاكينْ بْلَا شَحَّة.يَنْعْطَالْكُمْ لَلَْابَدْ ". ¹⁰ وْ لِي يْمَدْ بَذْرَة لْزَّرَعْ, ,ْخُبْزْ لَلْمَاكْلَة غَادِي يَنْعْطَالْكُمْ وْ يَكْثَرْ بِذَارْ تَاعْكُمْ وْ يْزِيدْ اَثْمَارْ البِرْ تَاعْكُمْ ¹¹ .تَتَغْنُوا فِي كُلْ شِي لْكُلْ سَخَاءْ مَالْقَلْبْ يَثْمَرْ بِينَا شُكْرْالله. ¹² عْلَى خَاطَرْ خِدْمَة الله فْهَادْ الْمْعَوْنَة مَاشِي تْعَوَنْ إِحْتِيَاجْ الْقِدِّيسِينْ بَارْكْ، بَصَّحْ تْزِيدْ بَزَافْ شُكْرْ الله، ¹³ و هُمَا مَلِّي جَرْبُوا هَادْ الْخِدْمَة، يْمَجْدُوا الله عْلَى طَاعَتْكُمْ و شْهَادَتْكُمْ لْإِنْجِيلْ الْمَسِيحْ، و سَخَاءْ لَمْعَوْنَة تَعْكُمْ لِيهُمْ و لْڤَاعْ الْنَّاسْ. ¹⁴ و بدْعَاوَاتْهُمْ عْلَى جَالْكُمْ، مَتْوَحْشِينْكُمْ عْلَى جَالْ نِعْمَة الله الْكْبِيرَة عَنْدْكُمْ. ¹⁵ شُكْرَا لله عْلَى الْعَطِيَّة تَعَهْ أَلِّي مَا تَتَوصَفْشْ.