¹ و دُوركْ نْخَبْرُكُمْ يَا خُوتْ بْنِعْمَة الله أَلِّي تَعْطَاةْ فِي كْنَايَسْ مَكِدُونِيَّة، ² و هُمَا فِي تَجْرِبَة و ضِيقْ كْبِيرْ فَرْحْهُمْ الْدَايَمْ و فَقْرْهُمْ الْعْمِيقْ ثْمَرْ مَنْهُمْ بَزَافْ سَخَاءْ، ³ عْلَى خَاطَرْ مَدُّوا عْلَى حْسَابْ لِّي عَنْدْهُمْ، و أَنَا نَشْهَدْ مَدُّوا كْثَرْ مَلِّي عَنْدْهُمْ، وبْلَى مَا يْحَتَّمْهُمْ وَاحَدْ، ⁴ و كَانُوا طَلْبُوا مَنَا بْإِلْحَاحْ نَقَبْلُوا الْخِيرْ تَعْهُمْ و شَرِكَتْهُمْ فْخِدْمَة الْقِدِّيسِينْ. ⁵ و دَارُوا فُوقْ أَلِّي كُنَا نَسَنُوا، كِي سَلْمُوا نْفُوسْهُمْ مَلْلَوَلْ لَرَّبْ، و لِينَا تَانِي، بْمَشِيئَة الله. ⁶ حَتَّى طْلَبْنَا مَنْ تِيطُسْ يْكَمَلْ لْكُمْ هَادْ الإِحْسَانْ كِيمَا بْدَى، و يْكَمَلْ لْكُمْ هَادْ الْنِعْمَة. ⁷ و كِيمَا رَاكُمْ تَزْدَادُوا فِي كُلْ شِي: فَالإِيمَانْ و الْكْلاَمْ و الْعِلْمْ وكُلْ إِجْتِهَادْ و مَحَبَّتْكُمْ لِنَا، نَتْمَنَى تَزْدَادُوا فِي هَادْ الْنِعْمَة تَانِي. ⁸ مَا رَانِيشْ نْڤُولْ هَكْدَا عْلَى خَاطَرْ أَمْرْ، بَصَّحْ بْحَمَاسْ أُخْرِينْ، مْجَرَبْ إِخْلاَصْ مْحَبَّتْكُمْ تَانِي. ⁹ و أَنْتُمَ تَعَرْفُوا نِعْمَة رَبِّنَا يَسُوعْ الْمَسِيحْ، أَلِّي عْلَى جَالْكُمْ أَفْتَقَرْ و هُوَ غَنِّي، بَاشْ تَسْتَغْنُوا أَنْتُمَ بَالْفَقْرْ تَعَهْ. ¹⁰ نَعْطِي رَايِّي فِي هَادْ الأَمْرْ تَانِي، عْلَى خَاطَرْ هَدَا يَنْفَعْكُمْ أَنْتُمَ أَلِّي سْبَقْتُوا و بْدِتُوا مَالْعَامْ أَلِّي فَاتْ، مَاشِي أَدِيرُوا بَارْكْ بَصَّحْ تَبْغُوا أَدِيرُوا تَانِي. ¹¹ و دُورْكْ كَمْلُوا أَدِيرُوا هَادْ الْشْغُلْ، كِيمَا كُونْتُوا تَبْغُوا أَدِيرُوا، تْكُونُوا تَانِي وَاجْدِينْ أَتْكَمْلُوا هَادْ الْعَطَاءْ عْلَى حْسَابْ مَا عَنْدْكُمْ. ¹² عْلَى خَاطَرْ إِذَا كَثونْتُوا بَاغْيِّينْ الْعَطَاءْ مَقْبُولْ عْلَى حْسَابْ مَا كْسَبْ الإِنْسَانْ، مَاشِي عْلَى حْسَابْ أَلِّي مَا كَسْبَهْشْ. ¹³ و هَادَا مَاشِي بَاشْ يْكُونْ لَلَّخْرِينْ رَاحَة و تْكُونُوا أَنْتُمْ فِي ضِيقْ، ¹⁴ بَصَّحْ عْلَى أَسَاسْ الْمُسَاوَاة. بَاشْ الْزْيَادَة لِّي عَنْدْكُمْ تْغَطِي النَقْصْ تَعْهُمْ، و زْيَادَة تَعْهُمْ تْغَطِي الْنَقْصْ تَعْكُمْ هَادِ هِيَ الْمُسَاوَاةْ. ¹⁵ كِمَا مَكْتُوبْ: " أَلِّي لَيَمْ بَزَافْ مَا يبْقَالَهْشْ، و لِّي لَيَمْ شْوِيَة مَا يْخَصَاهشْ". ¹⁶ بَصَّحْ نَشْكَرْ الله أَلِّي حَطْ فِي قَلْبْ تِيطُسْ كِمَا هَادْ الْحَمَاسْ عْلَى جَالْكُمْ، ¹⁷ عْلَى خَاطَرْ قْبَلْ مَا نَطَلْبُوا مَنَه، كَانْ عَنْدهْ حَمَاس و جَا لْعَنْدْكُمْ مَنْ رُوحَهْ. ¹⁸ و أَرْسَلْنَا مْعَهْ الأَخْ أَلِّي شَكْرَالْخِدْمَة تَعَه لَلإِنْجِيلْ فْڤَاعْ الْكَنَائِسْ. ¹⁹ مَاشِي غِيرْ هَادْ الْشِي بَارْكْ، هُوَ مْخَيَّرْ تَانِي مالْكَنَائِسْ صَاحَبْنَا فَالْسْفَرْ، بَاشْ نْوَاصْلُوا هَادْ الْنِعْمَة لِّي رَا تَهِي خْدَمْ فِينَا لْمَجْدْ الْرَّبْ الْوَاحَدْ، وبََاشْ تْكُونُوا نَاشْطِينْ. ²⁰ و نْعَسُوا رُوَاحْنَا بَاشْ وَاحَدْ مَا يْلُومْنَا فْهَادْ الْصَدْقَة الْكْبِيرَة أَلِّي رَانَا قَيْمِينْ بِيهَا. ²¹ دَايْرِينْ غِيرْ الأُمُورْ لَمْلِيحَة مَاشِي غِيرْڤُدَامْ الله، بَصَّحْ حَتَّى ڤُدَامْ الْنَّاسْ تَانِي. ²² و أَرْسَلْنَا مْعَهْ خُونَا، أَلِّي خْتَبَرْنَاهْ شْحَالْ مَنْ مَرَّة فِي أُمُورْ كْثِيرَة و لْڤِينَا فِيهْ حَمَاسْ، و دُورْكْ عَنْدَهْ حَمَاسْ كْثَرْ بَالْثِقَة الْكْبِيرَة بِكُمْ. ²³ و مَنْ جِهَة تِيطُسْ هُوَ شْرِيكِي و خَدَامْ مْعَيَا عْلَى جَالْكُمْ. و زُوجْ خَوَتْنَا لُخْرِينْ هُمَا رُسُولْ الْكَنَائِسْ، و مَجْدْ الْمَسِيحْ. ²⁴ بَيْنُوا لْهُمْ و ڤُدَامْ الْكَنَائِسْ تَانِي، مَحَبَّتْكُمْ، و إِفْتِخَارْنَا مَنْ جِهَتْهُمْ.