Chwrai bai buma buphani kok
¹ O chwrairok, nok Subraini kok bai ma-phani kok no khona di, abo chwngjak. ² “Nokrok ma-phani kok no khona di,” omo’-no puila kara gwnag dagimani. ³ “Abo nokni gam ong’-nong nini e hagw kobangma ongthok.” ⁴ O bupharok nok sakni sakni bosabotwino tamsi tatisadi, bono Subraini kok bai borok kholaio tisadi. ⁵ O selengrok, nokrok khristobai himdi ta kiridi mangwnangni loge o bokha gam kaio sakni bosakno Subraibai kara kaio himdi. ⁶ Borokno kha gam karo o jotono ta chubadi, khristo selem jentwi kha rwiwi kaitorni samung tangkha. Borokni bagwi chubachuya. ⁷ Subraini chubachu khlaikha hinwi hamjak oi selemni samung thangkha; ⁸ Bokha rarokdi, samung gam thangkholai jotoni borok bo selempa ong thok ba selemya pha ong thok, Subraini dio bothai manai. ⁹ O selemrok norokbai hai khlaio bokno joto khlaidi, bokno ta sikiridi. Bokhalarokdi, nokbai nongni selemrokno chukno hao Subrai tong o, bo kaisani bagwi kaisano saya.
Kaitorni da-seng ¹⁰ Kok paikholai omo hai Subraibai baksa ong o bini phan korak phan bai rakdi. ¹¹ Soitan phemlok khlai nok korak khlaio bosamanai twi kaitor romani joto dasin twidi. ¹² Chwng borokbai chuba nangliya toma hinkhlai hokha sikhani motai hamyarokbai, hinkhlai obonang jak sal hamyani bograrok, bokhukrok aro songcharni phran gonangrok baise chuba nangya. ¹³ Abo baino kaitorni da-seng khocha di. Hakhe a kena ari sok phai phuru norok kasu sogwi man anw, phiya choba nang lai baiwi norok kwrak khe bachaui tongwi man anw. ¹⁴ Abo baino tiyar khe bacha di, bwchango kubuino kha di; kahamno khaklap katijaknai hai khe chumui na di; ¹⁵ Kha kwchang rwnai Kothoma kahamno sana bagwi tiyar wngmano yakungo yaklap hai khe ka di. ¹⁶ Poitono phui hai khe twiwi mang tong di, omo baino Soitan aswk hor gwnang makal kokmarokno norok kati rwui man anw. ¹⁷ Mwthangnaino khorok katijaknai hai khe thubui na di, phiya Phola rwmani Kaitorni kokno seng hai khe nai di. ¹⁸ Kaitorno chuba di hwnwi suri sanwi omorokno khlai di. Phola norokno khlai rw twi- no bebago-no suri san di. Abo hai wngna twi khe norok sichaui tong di, ta yakar di; kaitorni bebak bororokni bagwi suri san mang tong di. ¹⁹ Ang kok sana phuru kaitor ano kok kaham rwna twi khe ani bagwi no norok suri san di. Ang kha torwi kothoma kahamni bisingni kok swbaiwi saui manna twi khe suri san di. ²⁰ Ang tabuk alongo tong phano o kothoma kahamni bagwi ang-no rohorjaknai. Ang omono sana nangma haino kha torwi saui manna twi khe ani bagwi suri san di.
Kok paithak ²¹ Ang tamo khe tongwi tong kha abo norok saui manna twi khe chini khajani takhuk kaitorni samungo seleng kaham Tukhik ani kokno bebak no norokno sa anw. ²² Aboni bagwino bono ang norokni thani rohoro, chwng bebak no tamo khe tongwi tong kha abono norokno saui kha rak rwna bagwi ang bono rohoro. ²³ Apha kaitor bai Subrai Jisu Khristo bebak takhukrokno poito khlai rwui kha kwchang rw thung, hamjak rw thung. ²⁴ Chini Subrai Jisu Khristono hamjak phlaiwi tongnai bebak bororokno kaitor khairok thung.