¹ Nok kaitorni khani bwsa ongkha bo hai ongnani khlai di. ² Khristo chwngno hamjakgwi kaitorno hamjak rwnai satrai motom bai mera tamjak hai chini bagwi bo sakno rwma hai nokbo beno hamjakgwi matongnai. ³ Nok kaitorni borok ongkha nokni bisingo bwitali-bwitalini kok, tongmung chayani kok, twmwi khamaimani kok kasa lainani kok kwrwi. ⁴ Kok sitra, kok nangya aro kok langka samarok nok mwchang liya. Omo ongyawi nok kaitorno se hambai rwthai klaio. ⁵ Nok omono saui mansidi, bwitali – bwitala ongnai, tongmung sitra tongnai, khamainai borok khaimaima le abo takjak mwtaino surima hai se) bo Khristo bai kaitorni hao ha banda manglak. ⁶ Kok nang ya saui kaisa bai lama ta koro rwjak di. omoni bagwino kaitor bini kok khna yarokno thamsi kagwi yak sunai. ⁷ Abo baino abo twi bororok bai ta tong di. ⁸ Nok agi mwnakma- o tongma se, tamo khe tabuk kaitorni borok ongkha por daio sophai kha. Abo baino porni borok khlaiwi nok tongnani khlai di. ⁹ Tomani hinkhlai o por ong kha joto gam, joto kisimni sutrang tei joto kisimni kubui manwirok kwbang khe rw phainai. ¹⁰ Subraini hamjak mung toma, bono amjokmung khlai di. ¹¹ Arono horoni bwthai korwi kamno bagwi ta ladi, bini slai wi chayano phonuk wi rwdi. ¹² Tomani bok bising bising o joto kam kholai naino chanani lasi jakkha. ¹³ Bebak manwino pohoro tubu khe aphuru aborok sabo tamo phang phang khe nukjak anw; ¹⁴ Aboni bagwi kothar elembak o suijak tong o, “ O thunai borokrok, bochadi kothwini kothang khlaio bochadi, osuk khlai Khristoni pohor nini oro kochung ong nai.” ¹⁵ Aboni bagwi nok gam khlai o naidi, borai khlai o ong dok, osimungni koso khlaio ta himdi simung koso khlaio himdi. ¹⁶ Jora kaham paio ladi, toma hinkhlai e jora gamya. ¹⁷ Tomani hinkhlai butua ta ong di, tama hinkhlai kaitorni mochungma toma, obono bisi. ¹⁸ Angur bwtwi no phegwi ta tong di, abo norokno sokomornai; aboni slai o phola kothar bai koboljak di. ¹⁹ Lobmung tei rwchapmung kwthar bai nok kaisa bai kaisa norok kok salai di, sak sakni bwkhao bisingo Subraino lobdi twtwi rwchapmung rwchap di. ²⁰ Bebakni bagwino Apha kaitorno chini Subrai Jisu Khristoni mungwi hambai rw mang tong di. ²¹ Khristono kiriwi kaisa aro kaisani kok khonadi. ²² Nok bihikrok, Subraino sinio nokni chalani kok no khona di. ²³ Twmwi hinba Khristo mothani bororok ongma hai saibo bihikni bokhorok; Khristo sak saichung mothano mwthangnaisa, motha ong kha bini bwsak. ²⁴ Motha Khristoni kok khnama haino bihik hwnjaknairokbo bwsaini kok ma se ma khnathai klai-o. ²⁵ O bwsairok, nok sak sak birino hamjakdi, toma hinba Khristo mothano hamjakma hai nokbo nihikrokno hamjak di. ²⁶ Bono kuphur khaio twi-o sukhai kothoma kaham bai kothar khai susadi. ²⁷ Bo sak sakni daio Mothani daio nungjak thok, majra ong o tong mani obo jungtwi mongsa ong yatwi, bo jungtwi kothar kholai o saya ongya twi, bo jeno kothar hinwi chaya hinjakyatwi. ²⁸ Obo jentwi cholarok sak sak borino sak sak bosakno hamjaktwi khlaio hamjakdi. Sakni borino hamjaktwi khlaio bo bo sakno hamjakdi. ²⁹ Kaisabo sakni bosakno chaya bokha kaya, obono joto rih song karongwi polakwi tong o, bo jwngtwi Subrai Jisuni mothano hamjak ka. ³⁰ tomani hinba chwng bini bosakni joto. ³¹ Oboni bagwi borok sakni phano mano yarkaoi sakni borino chungjakgw kaino bo bosak kaisa ong o. ³² O hujak wi tongnai kobwi kok gam, mato ang khristo bai mothani bagwi ebono saka. ³³ Aiphuni nokrok joto sakni sakni borino obo jemtwi sakni jemtwi hamjakdi, mato bori bo cholano makirinai.