¹ Ang Paul omono sui hoka, ang Kaitorni muchong twi Christo Jisu ni kaisa Chonghor. Kristo Jisu no paitok wui gam khlai oi tong nai Episni tong nai Kaitorni borok rokno ang a kok no suika. ² Chini Apha kaitor bai Subrai Jisu Khristo nokno kha kham tong. ³ Phaidi, chini Subrai Jisu Khristoni bwpha Kaitor no chwng hambai rolai nai. twmwi hinba Khristo bai chwng baksa ongmani bising twi bo kochok hani tong kwrwi jotono rwgwi chono gam khlai ka. ⁴ Kaitorni sikang o chwng kathar khlai oi majra kwrwi ongnai twi khlai oi e swngchar takyasini Kaitor chwngno Khristo twi bini borok ongna hinwi chong kha.Kaitor chwngno hamjakma bai. ⁵ Bo Jisu Khristo ni bising twi chwngno bini bwsa khlai nai hinwi khao chongwi paijak omobo gam hinwi kha chong mani. ⁶ Kaitor kwbangma khlai oi kha khamoi bini bwkhani bwsa ni bising twi chwngno arai khlaioi rwmani aboni bagwi phaidi chwng bono kholom nai. ⁷ Twmani hinba Khristoni thwi ni bising twi vhwng phiyok jak kha, twmani hiinba chini sumchok phiyok jak kha, ⁸ Kaitor bwswk se kha kham moi tong abo baino bo chwng no kwbangma khlai oi kha kham ka. ⁹ Kaitor bo khlai nai hinwi kha chamano khlai kha, omtwi hai bw bini kha bising ni kokno chwngno sagwi manrokha, abo khristoni biaingtwi khlainai hinwi kha kamani. ¹⁰ Kaitorni kha bising ni kok ongkha bw khriisto nw joto baksa khlai nai, kochok habai a swngsarni joto nw baksa khlai nai, Sal paiswk klai bw abo nw khlai nai. ¹¹ Joto samung no Kaitor chama twi khlai oi Kaitor chongma twi nw khlai jak o; Kaitor bini kha chama bai Khristo bai baksa uwnmani bising twi chwngno bini borok ongna hinwi chwng kha, abo ephang ni simi bw lkha chwngwi phaima twi hai khlai jak kha. ¹² Chwng Khristo no poila khatong nai rok phai di, chwng Kaitorni chwngsacha nw loblai lai nai. ¹³ Nokbo amo hai ongmani nok a kokno kwbwi khanawi mathangnai Kaitorni kok gam khanawi nok Christono paitok kha, omtwi hai Kaitor bw rwnai hinwi kok rwmani a Phola Kwtharno noknw romani bai nokno bini borok hinwi sil bukha. ¹⁴ Kaitor bini borok rokno rwnai hinwi kok rwmani abo nw chwng manai, twmwi hinba nogphangsa bini borok roknw phiyogwi rwnai, Phola Kwtharse chwngno sagwi marwsi nai. phai di, chwng bini chwng sachanw lob lainai. ¹⁵ Aboni bagwinw nok Subrai Jisuno paitok mani koknw Kaitorni joto borok roknw nok hamjakmani koknw khanawi. ¹⁶ Ang nokni bagwi Kaitornw hambai romani thakya suriwi tong phro ang nokni kokbw sao. ¹⁷ Ang chini Subrai Jisuni a chwngsajak pholanw noknw rodi hinwi sao. Nok Kaitornw sagwi mana twi khlaiwi a Phola noknw sirokwi Kaitornw phonwknai. ¹⁸ Nokni bwkhani mokolrok chwngsasa ongnai twi, nok sao mao bini rinkhomung tama, Kwthar ni bising twi bini khakchangma rang mai tama? ¹⁹ Bo bini borokno rwnai hinmani abo bwswk kwbangma, twmwi hinba chwbg paitok nairok ni bising o bini phan bwswk se kwrak, abo no nok sao manai twi khlai oi nokni bwkhano glang sa khlai oi phiyokwi rwthwk hinwi ang Kaitorni dio bio. ²⁰ Kaitor Khristonw mwthang wi tisawi nwkha hao bini yagra bwkhak achuk rwkha aphan krak chini bisingni a phanse. ²¹ kuchuk hao joto bugra rok bukhrukrok phan gwnangrok hodarok ni slai Khristo kuchuko achuknai bw a sak kusung sa bai phainai kusung bai kwplai hinjakrokni slai wi kuchuk o tongnai. ²² Kaitor jotonw Khristo ni yakung ephang o twbwi kha, abo hai jotoni bukhruk snamwi Mothanw rwkha. ²³ Motha ong kha Khristo ni bwsak bini bai bw kwplwng bw saknw aswk manwi roknw swngsaro swpong ka.