¹ Jephro nok kok khanaya ongma bai sumsuk khlaima bai nok Kaitorni mukol daio kwthwi se. ² ai pho nok a swngsarni lama hanya hinlai jak. tabwk Kaitorni kok khanaya borok roknw kok khana rwnai nok khani mwtai rokni kokse norok khwna laio. ³ kwbwinw chwng joto abo rokrok hainw chwng hai khlai wi muchuwi tonglai kha, sak muchuk twi khlai wi kha muchuk twi khlai wi chwng khlai lai kha. Swngsarni joto borok Kaitor bai thamchi kajawi yasujak ma hai chwng bw thamchi kawi yasunani nangnai. ⁴ Kaitor kwbamg ma maya gwnang, bw chwngnw kwbang ma hamjak o. ⁵ Amo hai khlai oi kok khanaya ongwi chwng bini mukol dai o kwthwi ongwi tong phuru bo chwngnw Khristo bai bwksa mwthang kha. Kaitorni kha khamsasa bai se nok mwthangjako. ⁶ Chwng Khristo Jisu bai baksa ongwi kuchuk hao bwbai baksa kuchuk o achuk rwjaknai hinwi Kaitor chwngnw Khristo Jisu baksa tisa kha. ⁷ Bw Khristo Jisuni bising twi chwngnw hamjakwi kwbangma kha khamsasa nw sal kusung kusung phonuk nani bagwi se bw abo nw khlaio. ⁸ Twmwi hinba kaitor khai mani baise nok paitok mani bisingtwi mwthangjakgo. Omo nok samung gam khai mani baiya. ⁹ omo nok samung khai mani bai ongya oro kok gara sanani kaisabo kwrwi. ¹⁰ Kaitor ongkha chono taknaisa,khristo jiisubai baksa ongwi s amung gam khlaiwi tongnani bagwi bw chono tak kha, o samung gamno chono khlai ronani bagwi bw jai khlaiwi paijak. Khristoni bisintwi kwthalaima ni. ¹¹ Nok beni borok ongwi achainairok, nok agi bomtwijati abono uansukgwi naidi. Sakno saku rajak hinai judairok se nokno saku rajiya hino, o sak rao hinmani abo borok buku ramani nw se hingo. ¹² Aiphu nok khristo bai langcha ongjak. Nok aiphu phatarni ongwi tongmani, nok aiphuni nukphang sani chungjak borokni bisingo klailiya ongwi tongmani. Kaitor bini borokno rona hinwi kok romani nwi lagwi swmai tangmani nokni manthai kwrwi. nok o swngcharo, khatungyawi tongmani, kaitor kwrwi tongma ni. ¹³ Twmwi hinba nok salsa langchago tongnairok khristo Jisu bai baksa ongwi tabuk khristo thwimani bai koreo twbwikha. ¹⁴ twmani hikhlai judai bai beni borokrokno jati kaisa takgwi khristo se chono kwthar rwsio. borokno kaklai rogwi kena keni khlaiwi twbwimani o brano khristo jisu bini bwsak bai swbai kha. ¹⁵ Bw bai baksa ongwi jati kainwino kaisa khlainani bagwi judai ni kerongo khlaidi hinairokno joto swkwmawi pairokha, omotwi hai khlaiwi bw kwtha rwkha. ¹⁶ Khristo jisu kruso thwma bai kena keni ongmarokno swkwmagwi pairokha; krusni bisingtwi bw jati kainwino baksa khlaiwi bwsak kaisa khlai kha, omo hai borokrokno kaitorni daio twbwi kha. ¹⁷ Abo baino khristo phaiwi kwtha lainani kok gamno jotoni daio saphai kha, nok kaitor bai langcha khlawi tongnai beni borokrokni daio bw saphai kha, nok bini koreo tongnai judairokni daio bw saphai kha. ¹⁸ Chwng jotono judai bai beni borokrok phola kaisatwi ongwi aphani swkango phaiwi manlai mani, amo khristoni bisingtwi se phailai mao. ¹⁹ Nok beni borokrok nok arw phatarni bw ongliya, sinijakya bw ongliya; nok tabuk kaitorni borokbai baksa ongkha, twmwi kaitorni nukni borok ongkha. ²⁰ Nokbo chunghorokbai diyarirok lumani o nukthai takgwi tisajak kha, khristi jisu sak saichung nuk konani holung bwthai. ²¹ Bw se nokno joto kwcha rogwi tongnai, twmwi abono subraini daio nuk kwthar takgwi tongnai. ²² Bw bai baksa ongwi nokbo arw joto bai baksa nuk tangwi tisajakgo, arw kaitor bini pholani bisingtwi tongo.